| e-texts navigator |
| Wylie |
26a1 རྒྱ་གར་སྐད་དུ། ཤཱི་རང་ན་མཱ་ལེ་ཏན་ཏྲ་རཱ་ཛཱ། བོད་སྐང་དུ། དཔལ་རིན་ཆེན་ཕྲེང་བའི་རྒྱུད་ཀྱི་རྒྱལ་པོ།། དཔལ་བདེ་བ་ཆེན་པོ་ལ་ཕྱག་འཚལ་ལོ།། ལྷ་མོས་གསོལ་བ་རྡོ་རྗེ་འཛིན།། དཔལ་ལྡན་འཁོར་ལོ་སྡོམ་པ་རུ།
26a2 རིན་ཆེན་ཕྲེང་བའི་དོན་མ་རྟོགས།། ཁྱོད་ཀྱིས་བདག་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་ལྷ་མོ་སྤྱན་བཟངས་རིང་།། དཔལ་ལྡན་འཁོར་ལོ་སྡོམ་པ་རུ།། མ་གསུངས་ང་ཡིས་ཁྱོད་ལ་བཤད།
26a3 རིན་པོ་ཆེ་ནི་རྣམ་པ་གསུམ།། དེ་ཡི་ཕྲེང་བའང་རྣམ་པ་གསུམ།། དང་པོ་སྣོད་ཀྱི་རིན་པོ་ཆེ།། གཉིས་པ་བཅུད་ཀྱི་རིན་པོ་ཆེ།། སྣོད་བཅུད་གཉིས་དང་རང་བཞིན་བྲལ།། དེ་ནི་རིན་ཆེན་གསུམ་པ་ཡིན།། ལྷ་མོས་གསོལ་པ་བཅོམ
26a4 ལྡན་འདས། ། རྣམ་པ་གསུམ་དུ་གསུངས་པ་ལས།། དེ་རྣམས་རིན་ཆེན་ཇི་ལྟར་ལགས།། དེ་ཡི་ཕྲེང་བ་ཇི་ལྟར་ལགས།། དེ་རྣམས་སུ་མི་སྤྱོད་ཡུལ་ལགས། བཅོ་ལྡན་འདས་ཀྱིས་ཀའ་སྩལ་བ། དང་པོ་སྣོད་ཀྱི་ན་པོ་ཆེ།། རྣམ་པ་ལྔ་རུ་ཤེས་པར་བྱ།། ག་ག་རི་ནི
26a5 དཀར་པོ་ཆེ། ། མི་བསྐྱོད་པ་ཡིས་བྱིན་བརླབས་ཏེ།། དབྱིབས་ནི་ཟླ་གམ་ལྟ་བུ་ལ།། རབ་ནི་དང་བའི་སྒོ་དང་ཙམ།། འདི་ནི་རིན་ཆེན་འབར་བ་སྟེ།། པ་ད་ཀ་ར་ར་དཀར་ལུག་མོ་ཡི།། འོ་མ་སྐུ་ཞིང་སྤངས་པ་དང་།། མི་བསྐྱོད་པ་ལ་མཆོད་པར་བྱ།། དེ
26a6 ནས་སྤྱི་བོར་གདགས་པའོ། ། མཆོད་པའི་བྱེ་བྲག་ཀུན་ལ་བྱ།། ཤར་གྱི་གདོན་རྣམས་ཐུབ་པ་དང་།། གང་ལ་ཡོད་པ་དེ་ལ་སྐྱོབ།། འབྲིང་ནི་གཞན་སྐྱེས་སྦོམ་པོ་ཙམ།། འདི་ནི་རིན་ཆེན་དགེ་བ་སྟེ།། དངུལ་ཆུ་རྣམ་པ་གཉིས་བླུགས་ལ།། རྐྱེན་གྱི
26a7 རྫས་རྣམས་ཚང་བ་དང་། ། ཁ་ཡི་ནང་དུ་གཞུག་པ་སྟེ།། རོ་མའི་འཁོར་ལོ་ལྕེས་མནན་ལ།། དེ་ནས་ངལ་གྱིས་བསྐྱོད་པ་དང་།། གསང་བའི་རྡོ་རྗེ་སྣ་རྩ་རུ།། བདེ་བ་ཆེན་པོ་སྐྱེས་ཙམ་ན།། རོ་མའི་འཁོར་ལོར་དོག་པ་མིནན།། དཔེར་ན་སྣ
26a8 གྱི་ཤ་ཟོས་པ། ། མགོ་བོ་མནན་པས་ཕྱིའུ་འབྱུང་། དེ་བཞིན་གནན་པས་བྱང་ཆུབ་སེམས།། སྣ་རྩ་ལས་ཀྱང་གྱེན་ལ་ལྡོག། ཏིལ་དང་ཏིལ་མར་བཞིན་དུ་གནས།། ཁྱད་པར་བདེ་བ་གྱེན་ལ་སྐྱེ།། བདེ་བ་སྟེར་ཕྱིར་རིན་པོ་ཆེ།། དེ་ཡི
iiif viewer powered by OpenSeadragon
