| e-texts navigator |
| Wylie |
244b1 བཞུགས་ནས་སུ། ། ཐམས་ཅད་མཁྱེན་པས་འདི་སྐད་གསུངས།། རྣལ་འབྱོར་གྱི་དབང་ཕྱུག་བྱེ་བ་ཕྲག་བརྒྱད་བཅུའི་དབུས་ནས་ཕྱག་ན་རྡོ་རྗེས་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གསང་བ
244b2 སྦྱོར་བའི་ཁྱད་པར་དང་། ། བདག་ནི་དེ་ཉིད་ཇི་ལྟར་ལྷ།། ཆུ་དང་མེ་ནི་ཇི་ལྟར་ལགས།། ཇི་ལྟར་རབ་མཛེས་ནམ་མཁའ་དང་།། ཡེ་ཤེས་ཇི་ལྟར་འཚལ་བགྱི་བ།། ཡེ་ཤེས་དབང་ལ་ཉན་པར་འཚལ།། འཁོར་བ་ལས་བསྒྲལ་མཚན
244b3 ཉིད་དག། ཉོན་ཅིག་དཔལ་ལྡན་རྡོ་རྗེ་འཆང་།། དང་པོར་དབང་གི་མཚན་ཉིད་དང་།། གཉིས་པར་ཡ་གེ་ཅིག་དང་ནི།། གསུམ་པར་ས་བོན་བརྒྱད་པ་དང་།། བཞི་པར་རྩ་ཡི་ལྷ་ཉིད་དོ།། བདག་ཉིད་ལུས་ཀྱི་ཡེ་ཤེས་མེ།། བློ
244b4 ལྡན་རྣལ་འབྱོར་པས་ཤེས་བྱ། ། ལྟོ་བ་མེ་ཡི་ཐབ་ཁུང་དུ།། དེ་ཡི་མེ་ལ་སྦྱིན་བསྲེག་བྱ།། སྟེང་དང་འོག་དང་དབུས་སུ་ནི།། རྣམ་ཤེས་ཅ་ནི་བསྡམ་པར་བྱ།། ཐོག་མར་བདག་ཉིད་ཉོ་བ་རུ།། རྩ་ཡི་ལྷ་ནི་རྣམ་པར
244b5 བསྐོར། ། ལྟོ་བའི་མེ་ནི་འབར་ང་ལ།། ཁྱད་པར་ཁ་དོག་བསྒོམ་པ་ནི།། ལྟེ་བའི་མེ་ནི་དཀར་པོའོ།། གཡོན་པའི་མེ་ནི་དེ་བཞིན་སེར།། ལྷོ་ནི་སྔོན་པོའི་མིང་ཅན་ཏེ།། ལྷག་མ་འདི་ནི་དམར་པོར་བྱ།། དེ་དབུས་ཁ་དོག་སྔ་སངས་སུ།།
244b6 མེ་ཡི་དྲ་བར་རབ་ཏུ་གྲགས།། མེ་ཡི་དབུས་སུ་པད་མ་ཉིད།། ཉི་མའི་དཀྱིལ་འཁོར་གྱིས་བརྒྱན་པ།། དེ་ཡི་དབུས་སུ་ཡེ་ཤེས་ལྷ།། འཁོར་བ་ཀུན་ལས་གྲོལ་བར་མཛོད།། ཕྱག་གཉིས་སྦྱོར་བའི་གདན་ལ་ནི།། རྡོ་རྗེ་དྲིལ
244b7 བུས་རྣམ་པར་བརྒྱན། ། གཡས་ཀྱི་ལག་ན་རྡོ་རྗེ་དང་།། རྒྱན་རྣམས་ཐོན་ཀའི་རྩེ་མོ་ཅན།། བཞད་དང་ཁྲོ་བས་ཧཱུཾ་སྒྲོགས་ཤིང་།། འདི་ཡི་ཡེ་ཤེས་དབང་ཕྱུག་ལྷ།། དེ་ཡི་དབུས་སུ་རབ་ཏུ་གྲགས།། ཤར་དུ་ལྷ་མོ་སྒྲོལ་མ
244b8 དང་། ། བྱང་དུ་དེ་བཞིན་གོས་དཀར་མོ།། ནུབ་ཏུ་ལྷ་མོ་མཱ་མ་ཀཱི།། སངས་རྒྱས་སྤྱན་ནི་ལྷོ་རུའོ།། གཟུགས་ནི་མཐེ་བོའི་ཚད་ཙམ་དུ།། བདག་ཉིད་ལྷ་ཡི་ལྷ་ཉིད་།། ལྕེ་ལ་ཆུ་ནི་སྦྱར་བར་བྱ།། ནམ་མཁའ་རྣ་བ་སྣ་དག་ལའོ
iiif viewer powered by OpenSeadragon
