| e-texts navigator |
| Wylie |
243a1 ཡི། ། དེ་ཉིད་ཐར་པ་གོ་འཕང་གནས།། གཉིས་མེད་དངོས་པོའི་ངོ་བོ་ལས།། གཟུང་དང་འཛིན་པ་ཇི་ལྟར་འགྱུར།། གཉིས་ཀྱི་དངོས་པོ་བདག་མིན་པས།། གཉིས་དངོས་དངོས་པོ་མེད་པའོ།། དངོས་པོ་དངོས་མིན་དངོས
243a2 མེད་ལ། ། མཉམ་ཉིད་ལྟ་བའི་སེམས་ཀྱིས་སུ།། རྣམ་པར་བརྟེན་དང་བརྟེན་བྱ་མེད།། རྟོག་ཅིང་རྣམ་རྟོག་འཁྲུལ་པ་དང་།། གཟུགས་དང་གཟུགས་ཅན་ཟད་པར་བྱེད།། རང་བཞིན་མེད་པའི་རང་བཞིན་ཉིད།། སེམས་ཀྱི་བརྟན
243a3 པའི་གནས་སུ་ནི། ། བསམ་གཏན་བསམ་བྱ་བསམ་པར་བྱ།། དམིགས་པ་མེད་པའི་རང་བཞིན་ཉིད།། ཐམས་ཅད་དབྱིབས་སུ་འཇིགས་པར་བྱེད།། སྟོང་ཉིད་སྟོང་ལ་སོགས་སྟོང་པའི།། ནམ་མཁའ་ཁམས་ཀྱི་མཐའ
243a4 ཅན་ཉིད། ། དག་ཅིང་བྲལ་ཕྲ་བའི་དོན།། སེམས་དང་སེམས་པ་དང་བཅས་པ།། ཀུན་ཏུ་དངོས་པོ་དངོས་མེད་པས།། ཐམས་ཅད་ནམ་མཁའ་བསྡམས་པའོ།། རྟག་ཅིང་རྟག་ལ་རྟག་པའི་དོན།། ནམ་མཁའི
243a5 ཁམས་ལྟར་བརྟན་སེམས་པས། ། མེ་སྟག་རྡུལ་ཕྲན་ཡན་ལག་འགྲོ།། ཆུ་སྦྱར་བཞིན་དུ་བརྟགས་པ་ཡི།། རྣམ་ཤེས་ཡེ་ཤེས་ལྷག་མ་ནི།། ནམ་མཁའ་འགྲོ་ཞིང་སྡང་བའོ།། ཉོན་མོངས་དེ་བཞིན་མུན་པ་ནི།།
243a6 ཡེ་ཤེས་རྡོ་རྗེས་བཅོམ་ནས་སུ།། རྣམ་པར་ཤེས་པ་ལྷན་ཅིག་འབར།། ཡེ་ཤེས་སྣང་བ་སོགས་ཐོབ་འགྱུར།། སེམས་དང་སེམས་འབྱུང་སེམས་པ་ཡིས།། རྣམ་པར་བལྟ་ཞིང་རབ་ཏུ་སྤང་།། འཇིགས་པ་མེད་ཅིང་འཚེམ
243a7 པར། དངོས་པོས་དངོས་པོ་བསྒོམ་པར་བྱ།། ཐམས་ཅད་ཀུན་ཏུ་སྣང་བྱེད་ཅིང་།། ཐམས་ཅད་འོད་ཟེར་ཀུན་བསྡུས་པ།། སྙིང་པོའི་ས་བོན་ས་བོན་ནི།། དཀར་དང་ཀུན་དཟླ་བའི་མདོག། ཨཱ་ལི་ཀཱ་ལི་རབ་སྦྱོར་བས།། བྱུང་བ་ཡ
243a8 ནི་ས་བོན་མཆོག། སྦྱོར་བ་འགྲུབ་པའི་རྒྱུ་རུ་ནི།། མཉམ་ཉིད་རྣལ་འབྱོར་པ་ཡིས་བསྒོམ།། ས་བོན་ནམ་མཁར་སྤྲོས་པ་ཡིས།། འཇིག་རྟེན་གསུམ་པོ་སྣང་བར་བྱས།། མ་ལུས་སྤྲིན་ལྟར་སྤྲོས་པ་ཉིད།། སྐད་ཅིག་གིས་ནི
iiif viewer powered by OpenSeadragon
