| e-texts navigator |
| Wylie |
246a1 དང་། ། དེ་བཞིན་དུ་ནི་གདོལ་པ་མོ།། ཐབས་དང་ཤེས་མཆོག་ཡིས།། དེ་ཉིད་རིག་པས་མཆོད་པར་བྱ།། ཇི་ལྟར་བྱེ་བར་མི་འགྱུར་བར།། རབ་ཏུ་འབད་པས་བསྟེན་པར་བྱ།། མ་གསང་སྦྲུལ་དང་ཆོམ་རྐུན
246a2 སོགས། ། ས་ལ་སྤྱོད་པ་སྡུག་བསྔལ་བྱེད།། རིགས་ཀྱི་དབྱེ་བས་ཕྱེ་ནུས་ནི།། ཕྱག་བརྒྱ་རྣམ་པ་ལྔར་ནི་གསུངས། བྲམ་ཟེ་སྐྱེས་གཉིས་རིགས་སྐྱེས་མ།། དེ་བཞིན་གཤེགས་པ་ཉིད་དུ་གསུང་ས།། རྒྱལ་རིགས་མ
246a3 ནི་རྒྱལ་པོའི་རུས། ། རྨ་བྱ་ཟླ་སོགས་རིགས་ལས་སྐྱེས།། རྡོ་རྗེ་བདུད་རྩི་ཞེས་བྱར་གྲགས།། རྗེའུ་མོ་བ་གླང་སྐྱོང་བ་སྟེ།། ལས་ཀྱི་རིགས་ལས་སྐྱེས་པར་གསུངས།། དམངས་མོ་ཡང་ནི་བྲན་མོ་སྟེ།། རྣམ་པར་སྣང་མཛད
246a4 ཆེན་པོར་གསུངས། ། གར་མ་པད་མའི་རིགས་ཉིད་དེ།། ཆོས་མ་དེ་བཞིན་ལས་ཀྱི་རིགས།། གཡུང་མོ་རྡོ་རྗེའི་རིགས་སུ་བཤད།། རིན་ཆེན་གདོལ་པ་མོར་ཤེས་བྱ།། ཕྱག་རྒྱ་ལྔར་ནི་རྣམ་པར་ངེས།། འདི་རྣམས་དེ
246a5 བཞིན་གཤེགས་པའི་རིགས། ། མདོར་བསྡུས་པས་ནི་བརྗོད་པར་བྱ།། དཔལ་ལྡན་དེ་བཞིན་ཉིད་གཤེགས་ཤིང་།། དེ་བཞིན་སླར་ཡང་གཤེགས་པ་ཉིད།། འདིས་ནི་ཤེས་རབ་རིག་པས་ནི།། དེ་བཞིན་གཤེགས་པར
246a6 མངོན་པར་བརྗོད། ། རིགས་ནི་རྣམ་པ་ལྔ་རུ་གསུངས།། རིགས་ནི་བརྒྱ་དང་མཐའ་ཡས་དང་།། སྐུ་གསུང་ཐུགས་ཀྱི་དབྱེ་བ་ཡིས།། བྱི་ནས་རྣམ་པ་གསུམ་དུ་འགྱུར།། རིགས་དང་འབྱུང་བ་ལྔ་རྣམས་དང་།། ཕུང་པོ
246a7 ལྔ་ཡི་རང་བཞིན་གྱིས། རྡོ་རྗེ་རིན་ཆེན་པར་ནོར་བུ།། འཛིན་པའི་རིམ་པའི་རིགས་རྣམས་སོ།། སྒོམ་པ་པོ་མེད་བསྒོམ་བྱ་མེད།། སྔགས་མེད་ལྷ་ཡང་ཡོད་མ་ཡིན།། སྤྲོས་པ་མེད་པའི་རང་བཞིན་ཉིད།། སྔགས་དང
246a8 ལྷར་ནི་ཡང་དག་གནས། ། ནམ་སྣང་མི་བསྐྱོད་དོན་ཡོད་དང་།། རིན་ཆེན་དཔག་མེད་སེམས་དཔའ་འོ།། ཚངས་པ་ཁྱབ་འཇུག་ཞི་བ་དང་།། ཐམས་ཅད་སངས་རྒྱས་དེ་ཉིད་བརྗོད།། ཚངས་པ་སྒྲིབ་བྲལ་སངས་རྒྱས་ཉིད།།
iiif viewer powered by OpenSeadragon
