| e-texts navigator |
| Wylie |
244b1 རྒྱུད་དང་ཐམས་ཅད་དེ་ནི་རྒྱུད་ཐམས་ཅད་དོ།། རྒྱུད་ཐམས་ཅད་ཀྱི་སྒྲས་ན་འདུས་པ་ལ་སོགས་པའོ།། དེ་རྣམས་ཀྱི་གླེང་གཞི་ནི་བྱུང་བར་ངེས་པ་ཞེས་བྱ་བའི་དོན་ཏོ།། ཁྱབ་འཇུག་དང་། དབང་ཕྱུག་ཆེན་པོ་དང་།
244b2 ཚངས་པ་དང་། ཉན་ཐོས་དང་། རང་སངས་རྒྱས་རྣམས་ཀྱི་སྤྱོད་ཡུལ་མ་ཡིན་པའི་ཕྱིར་གསང་བའོ།། ཡང་དག་པར་སྦྱོར་བ་ནི་ཐབས་དང་ཤེས་རབ་ཀྱི་བདག་ཉིད་ཅན་ནོ།། དེ་ལས་བྱུང་བ་ནི་ཡང་དག་པར
244b3 སྦྱོར་བའི་ཏིང་ངེ་འཛིན་ཅེས་བྱ་བའི་དོན་ཏོ། ། འབྱུང་བ་ནི་སྐྱེ་བ་སྟེ།། དེ་ལྟར་གནས་པ་དང་གཡོ་བའི་དངོས་པོའི་རང་བཞིན་གྱིས་བདག་ཉིད་ཅན་དུ་གྱུར་པའོ།། མཚན་ཉིད་ཅེས་བྱ་བ་ནི་འདས་མཚོན་པར་བྱེད་པའོ།།
244b4 ཡང་ན་རྒྱུད་ཐམས་ཅད་ཀྱི་གླེང་གཞི་ཡང་དག་པར་སྦྱོར་བ་ལས་བྱུང་བའི་བྱ་བའི་སྒྲས་ནི་རྡོ་རྗེ་སེམས་དཔར་གསུངས་སོ།། གསང་བ་ཞེས་བྱ་བ་འདིས་ནི་མནངག་ཅན་གྱི་སྔགས་བཏུབ་དང་།། དཀྱིལ་འཁོར་གྱི
244b5 ལྷ་ལ་སོགས་པའི་མཚན་ཉིད་དོ། ། ཐབས་དང་ཤེས་རབ་བདག་ཉིད་རྒྱུད།། དེ་ནི་དེ་ཡིས་བཤད་ཀྱིས་ཉོན།། དང་པོར་སྟོང་ཉིད་བསམས་པས་ནི།། ལུས་ཅན་རྣམས་ཀྱི་དྲི་མ་བཀྲུ།། གཟུགས་ཀྱི་ཁམས
244b6 ནི་སྟོང་པ་ཡི། ། སྒྲ་ལ་ཡང་ནི་དེ་ཡིས་བྱ།། དྲི་ཡི་ཁམས་ནི་སྟོང་པ་ཡི།། རོ་ལ་དེ་ཉིད་ཀྱིས་ནི་བྱ།། རེག་བྱའི་ཁམས་ནི་སྟོང་པ་ཡི།། ཡིད་ལ་དེ་ཉིད་ཀྱིས་ནི་བྱ།། རྡོ་རྗེ་སྙིང་པོས་གསོལ་པ།། མིག་གི་རང་བཞིན
244b7 སྟོང་པ་ཡི། ། ནང་དུ་རྣམ་ཤེས་ཇི་ལྟར་ལགས།། རྣ་བའི་རང་བཞིན་སྟོང་པ་ཡི།། ནང་དུ་རྣམ་ཤེས་ཇི་ལྟར་ལགས།། སྣ་ཡི་རང་བཞིན་སྟོང་པ་ཡི།། ནང་དུ་རྣམ་ཤེས་ཇི་ལྟར་ལགས།། ལྕེ་ཡི་རང་བཞིན
244b8 སྟོང་པ་ཡི། ། ནང་དུ་རྣམ་ཤེས་ཇི་ལྟར་ལགས།། ལུས་ཀྱི་རང་བཞིན་སྟོང་པ་ཡི།། ནང་དུ་རྣམ་ཤེས་ཇི་ལྟར་ལགས།། ཡིད་ཀྱི་རང་བཞིན་སྟོང་པ་ཡི།། དབུས་སུ་རྣམ་ཤེས་ཇི་ལྟར་ལགས།། དེ་ཕྱིར་གཟུག
iiif viewer powered by OpenSeadragon
