| e-texts navigator |
| Wylie |
242b1 རྣམ་ལྔར་གནས་པའོ། ། ཆོས་དང་མི་འཇིགས་རྫས་དང་བྱམས།། སྦྱིན་པ་རྣམ་པ་བཞི་པོ་ནི།། སྦྱིན་པའི་ཕ་རོལ་ཕྱིན་པའོ།། རབ་འཛིན་མེད་ཅིང་ཁེངས་པ་བྲལ།། བདེན་པ་གཉིས་མེད་གནས་པ་ནི།། ཚུལ་ཁྲིམས
242b2 རྣམ་གསུམ་བརྗོད་པ་ནི། ། ཚུལ་ཁྲིམས་ཕ་རོལ་ཕྱིན་པར་གསུངས།། གང་གིས་རྣལ་འབྱོར་མ་གཉིས་དང་།། ཕྱི་ཡི་རྣམ་པ་གཉིས་སུ་གསུངས།། བསམ་གཏན་ཕ་རོལ་ཕྱིན་པ་ནི།། དྲི་ཆེན་དྲི་ཆུ་དེ་བཞིན་ཤ། ཁྲག
242b3 དང་ཁུ་བར་ཡང་དག་འབྱུང་། ། འདི་རྣམས་བརྩོན་འགྲུས་ལྔ་པོ་ནི།། དམ་ཚིག་སྒྲ་ཡིས་བརྗོད་པའོ།། ཚིག་རྩུབ་བརྫུན་དང་ངག་འཁྱལ་དང་།། ཆགས་སྡང་ཞེ་སྡང་ཕྲག་དོག་དང་།། ང་རྒྱལ་ཁྲོ་དང་དེ་བཞིན་དབྱེན།། འདི་བཅུ་རྣམ
242b4 པར་བཤད་པ་ནི། ། རྡོ་རྗེ་ཅན་ནི་བཟོད་བཅས་འགྱུར།། ཡང་དག་ལྟ་བ་ཡང་དག་རྟོག། ཡང་དག་དག་དང་ཡང་དག་ལས།། ཡང་འཚོ་བ་དང་ཡང་གརྩོལ།། བདག་གིས་མདོ་རུ་བསྡུས་ནས་ནི།། ཤེས་རབ་རྣམ་པ་དྲུག་དུ།།
242b5 བརྗོད།། དག་པའི་སྟོབས་དང་དྲན་པའི་སྟོབས།། ཏིང་འཛིན་སྟོབས་དང་ཤེས་རབ་སྟོབས།། ལུས་ཀྱི་སྟོབས་དང་ངག་གི་སྟོབས།། ཡེ་ཤེས་སྟོབས་དང་སྨོན་ལམ་སྟོབས།། བརྩོན་འགྲུས་ཀྱིས་ནི་སྟོབས་རྣམས་ཏེ།།
242b6 འདི་རྣམས་སྟོབས་ནི་བཅུ་པའོ།། མ་སྐྱེས་པའི་དགེ་བ་སྐྱེད།། སྐྱེས་པའི་མི་དགེ་ཡང་དག་སྤོང་།། མི་དགེ་མ་སྐྱེས་མི་སྐྱེད་དང་།། དགེ་བ་སྐྱེས་པ་འཕེལ་བ་སྟེ།། ལྔ་པ་ཐམས་ཅད་ཆོས་རྣམས་ཀྱི།། དགེ་བའི་ཆོས་རྣམས།
242b7 གསུངས་པ་ནི།། རྫོགས་པར་བྱེད་པ་ཉིད་དག་གོ།། སྨོན་ལམ་རྣམ་པ་གཉིས་སུ་གནས།། མེ་ལོང་མཉམ་ཉིད་སོ་སོར་རྟོག། བྱ་གྲུབ་ཆོས་དབྱིངས་རྣམ་པར་དག། ཡེ་ཤེས་རྣམ་པ་ལྔ་རུ་འགྱུར།། འདི་རྣམས་བཅུ
242b8 བཞི་པོ་དག་ནི། ། ཕ་རོལ་ཕྱིན་པ་མདོར་བསྡུས་པ།། བདག་གིས་དེ་ཉིད་བརྗོད་པ་སྟེ།། རྡོར་ཅན་ཉོན་ཅིག་གཏན་ལ་དབབ།། བཅུ་གཉིས་མཐའ་དང་རྒྱུ་ཡི་མཐའ།། མགོ་ནས་རྐང་པའི་མཐིལ་བར་དུ།། དེ་ཡི
iiif viewer powered by OpenSeadragon
