| e-texts navigator |
| Wylie |
224a1 ལས་བཟློག་པར་ནི། ། རྒྱུད་དུ་སྦས་པར་གནས་གང་དེ།། བསྟན་པ་རུ་ནི་ཇི་སྐད་གསུངས།། བཤད་པ་ཡང་ནི་དེ་བཞིན་ནོ།། སོ་སོར་བསྟན་པ་མ་ལུས་ཉིད།། བརྡ་ཡི་ཆོག་རྒྱས་པ་ཡིན།། གང་གིས་ཤེས་པ
224a2 ཙམ་གྱིས་ནི། ། སྒྲུབ་པ་པོ་ཡིས་གྲུབ་ཐོབ་པ།། སུམ་ཅུ་རྩ་བདུན་ཚུལ་གྱིས་ནི།། བྱང་ཆུབ་ཕྱོགས་ལ་གནས་པ་ཡིན།། འཇིག་རྟེན་དུ་ནི་བསྒོམ་བྱར་བཤད།། ཧེ་རུ་ཀ་དཔལ་འགྲོ་བའི་མཆོག། དེ་ལ་ཐོག་མར་རྣལ་འབྱོར།
224a3 གྱི་དབང་ཕྱུག་གིས་ཕུང་པོ་ལྔ་ལ་ལྷའི་ང་རྒྱལ་བསྐྱེད་པར་བྱ་སྟེ།། གཟུགས་ཀྱི་ཕུང་པོ་ལ་ནི་རྣམ་པར་སྣང་མཛད་དེ།། ཚོར་བའི་ཕུང་པོ་ལན་རྡོ་རྗེ་ཉི་མའོ།། འདུ་ཤེས་ཀྱི་ཕུང་པོ་ལ་ནི་པད་མ་གར་གྱི་དབང་ཕྱུག་གོ།། འདུ
224a4 བྱེད་ཀྱི་ཕུང་པོ་ལ་ནི་རྡོ་རྗེ་རྒྱལ་པོའོ། ། རྣམ་པར་ཤེས་པའི་ཕུང་པོ་ལ་ནི་རྡོ་རྗེ་སེམས་དཔའ་སྟེ།། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི་ཤྲཱི་ཧེ་རུ་ཀ་རྡོ་རྗེའོ།། མིག་གཉིས་ལ་ནི་གཏི་མུག་རྡོ་རྗེའོ།། རྣ་བ་གཉིས
224a5 ལ་ནི་ཞེ་སྡང་རྡོ་རྗེའོ། ། སྣ་དག་ལ་ནི་ཕྲག་དོག་རྡོ་རྗེའོ།། ལྕེ་ལ་ནི་འདོད་ཆགས་རྡོ་རྗེའོ།། ལུས་ལ་ནི་སེར་སྣ་རྡོ་རྗེའོ།། སྐྱེ་མཆེད་ཐམས་ཅད་ལ་ནི་དབང་ཕྱུག་རྡོ་རྗེའི་དབྱིངས་སོ།། སའི་ཁམས་ལ་ནི་ལྟུང་བྱེད་མའོ།། ཆུའི་ཁམྲ
224a6 ལ་ནི་བསོད་མའོ། ། མེའི་ཁམས་ལ་ནི་འགུགས་མའོ།། རླུང་གི་ཁམས་ལ་ནི་གར་དབང་མའོ།། ནམ་མཁའི་ཁམས་ལ་ནི་པད་མའི་དྲ་བ་མོ་སྟེ། དེ་ལྟར་ཕུང་པོ་དང་། ཁམས་དང་། སྐྱེ་མཆེད་རྣམས་ལ་ང་རྒྱལ་བསྐྱེད
224a7 པར་བྱའོ། ། རྣལ་འབྱོར་མའི་ཀུན་ཏུ་སྤྱོད་པ་ལས་ལྷ་རྣམས་ཀྱི་གནས་ཀྱི་རྣམ་པར་དག་པ་གནས་པ་སྟེ། དང་པོའོ།། ། དེ་ནས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ལྷའི་སྦྱོར་བས་སྦྱར
224a8 བར་བྱ་སྟེ། དེ་ཐམས་ཅད་ཀྱང་གང་ཞེ་ན། ལུས་དྲན་པ་ཉེ་བར་གཞག་པ་དང་། ཚོར་བ་དྲན་པ་ཉེ་བར་གཞག་པ་དང་། ཆོས་དྲན་པ་ཉེ་བར་གཞག་པ་དང་། སེམས་དྲན་པ་ཉེ་བར་གཞག་པ་དང་། འདུན་པའི་རྫུ་འཕྲུལ
iiif viewer powered by OpenSeadragon
