| e-texts navigator |
| Wylie |
223a1 ཤིན་ཏུ་ངེས། ། སྒྲ་རྩེ་སྟོང་ཕྲག་བརྒྱ་ཡིས་ནི།། ཆ་དང་ཆ་རུ་ཡོངས་སུ་བརྟག། ཧེ་རུ་ཀ་དང་རྣལ་འབྱོར་མ།། ལྷན་ཅིག་བྷ་གའི་གནས་མཐོང་བ།། འཁོར་ལོས་སྒྱུར་བ་རབ་བརྩོན་པས།། ཁྲ་གདོང་མ
223a2 ནི་ཕྱི་རོལ་དགོད། ། ཧེ་རུ་ཀ་སོགས་བདག་པོ་ཁྱོད།། མཁའ་འགྲོ་བཞི་ཡིས་ཡོངས་སུ་བསྐོར།། ཕན་ཚུན་དུ་ནི་བདག་པོ་བྱེད།། རྡོ་རྗེ་སེམས་སོགས་སྦྱོར་བར་ལྡན།། ཕྱི་རོལ་དུ་ཁྲོང་དྲག་པོ་དང་།། ཁ་དོག་སྣ་ཚོགས
223a3 མཆོག་གི་མཆོག། ཤིང་མཆོག་སྣ་ཚོགས་མཛེས་པ་དང་།། ཁྱི་དང་ལྕེ་སྤྱང་འཇིགས་པ་དང་།། ཁྭ་དང་འུག་པ་བྱ་གར་རྒོད།། ལྕེ་སྤྱད་དེ་བཞིན་རོ་བསྲེགས་པ།། ཀེང་རུས་གསལ་ཤིང་གིས་ཕུག་དང་།། འགྱེགས
223a4 ནས་འཕྱང་དང་ཕྱེད་བསྲེགས་དང་། ། ཐོད་པ་སྐམ་པོའི་པུས་མོ་དང་།། མགོ་མེད་ལག་ན་ཐོད་པ་དཀར།། རྣམ་པ་སྣ་ཚོགས་སྦྲུལ་གྱིས་མཛེས།། དྲག་པོའི་སྦྲུལ་དང་དེ་བཞིན་རྔ།། སེང་གེ་ཕྲག་དང་སྟག་དང་ནི།། དེ
223a5 བཞིན་ར་དང་ལུག་དག་དང་། ། གླང་པོ་རྟ་དང་བོང་བུ་དང་།། རྔ་མོ་སྣ་ཚོགས་དམ་ཚིག་མཆོག། རྣམ་པ་སྣ་ཚོགས་ཆང་དང་ནི།། འབྲུ་ཆང་བཏུང་བའི་མཆོག་རྣམས་ཀྱིས།། དཔའ་བོ་བཟང་པོ་འདུས་པ་དང་།། སྣ་ཚོགས
223a6 རྣལ་འབྱོར་མཚོགས་དང་། ། ཐོད་པ་ཁ་ཊྭཱཾ་ག་དག་དང་།། གྲི་གྲག་ཅང་ཏེའུ་མཆོག་རྣམས་འཛིན།། སྣ་ཚོགས་རོལ་མོ་བཟང་པོ་དང་།། གཟའ་བའི་རོ་མཆོག་ལོངས་སྤྱོད་དང་།། སྣ་ཚོགས་འོ་དང་འཁྱུད་པ་དང་།། བཅའ
223a7 དདང་བལྡག་པའི་མཆོག་རྣམས་ཀྱིས། ། རྣམ་པ་དེ་ལྟར་དུར་ཁྲོད་ནི།། གནོད་སྦྱིན་རོ་ལངས་སྲིན་པོ་རྣམས།། ཧེ་རུ་ཀའི་ང་རྒྱལ་གྱིས།། དེ་ལ་གཏོར་མ་སྦྱིན་པར་བྱ།། ཅང་ཏེའུ་རྡོ་རྗེ་དྲིལ་བུ་དང་།། གར་དང་རོལ་མོ་བྱེད
223a8 པ་དང་། ། ཕྱོགས་ཀྱི་གོས་ཅན་ཕྱག་རྒྱར་ལྡན།། ཧཱུཾ་ཧཱུཾ་ཕཊ་ཀི་ལི་ཀི་ལི་བྱ།། གཡས་བརྐྱང་བའི་སྦྱོར་བ་ཡིས།། འབར་བའི་ཕྱག་རྒྱ་བཅིང་བར་བྱ།། དམ་ཚིག་ཁ་རུ་བཅུག་ནས་ནི།། སྔགས་འདི་རྗེས་སུ་དྲན་པར་བྱ།།
iiif viewer powered by OpenSeadragon
