| e-texts navigator |
| Wylie |
16b1 དབང་བསྐུར་རྣམ་བདུན་མི་ཡི་བདག། ལུས་ངག་སེམས་ནི་ལེགས་དག་པ།། མངོན་པར་དབང་བསྐུར་གཉིས་གཉིས་སོ།། རྗེས་གནང་ཡེ་ཤེས་ཡང་དག་དག། གཞན་པ་ཁམས་སོགས་དག་པ་ལས།། ཆུ་ནི
16b2 ཁམས་ཀྱི་དག་པ་སྟེ། ། ཅོད་པན་ཕུང་པོ་རྣམ་སྐྱོང་བྱེད།། དར་དབྱངས་ཕ་རོལ་ཕྱིན་པ་དག། རྡོ་རྗེ་དྲིལ་བུ་མི་འགྱུར་ཆེ།། སངས་རྒྱས་སྐར་རྒྱུན་མི་འཆད་པ།། ཉི་ཟླ་གཅིག་ཏུ་དག་པར་བྱེད།། ཡུལ་དང་དབང་པོ་ལེགས
16b3 དག་པ། འཕོ་མེད་རྡོ་རྗེའི་བརྟུལ་ཞུགས་འགྱུར།། མིང་ནི་བྱམས་སོགས་ཡང་དག་དག། རྗེས་གནང་སངས་རྒྱས་ཉིད་དག་བྱེད།། དབང་བསྐུར་བདུན་པོ་འདི་རྣམས་ཡིན།། དཀྱིལ་འཁོར་བཞེངས་ནས་སྦྱིན་པར་བྱ།།
16b4 བུམ་པ་གསང་བའི་དབང་བསྐུར་དང་།། ཤེས་རབ་ཡེ་ཤེས་མངོན་རྗོད་པ།། སླར་ཡང་ཤེས་རབ་ཆེན་པོ་ཉིད།། དེ་ཡི་ཡེ་ཤེས་མངོན་རྗོད་བྱེད།། འགྱུར་དང་འགྱུར་དང་དེ་ནས་འཛག། དེ་ནས་གཞན་ཡང་མི་འཇོག
16b5 པའོ། ། ལུས་ངག་སེམས་ནི་ལོགས་དག་པས།། དབང་བསྐུར་གསུམ་པོ་རིམ་པ་ཡིས།། བཞི་པ་ཡེ་ཤེས་ཡང་དག་དག། ལུས་ངག་སེམས་ནི་དག་པར་བྱེད།། བྱིས་པ་དང་མ་དེ་ནས་རྒན།། བཞི་པ་སྐྱེ་དགུའི་བདག
16b6 པོའོ། ། ཤེས་རབ་ནུ་མར་ཡན་ལག་ནི།། རེག་པས་བྱང་ཆུབ་སེམས་འཕོའི་བདེ།། འོ་མ་འཛིན་པས་དབང་བསྐུར་བ།། གང་ལས་བདེ་ཐོབ་དེ་བྱིས་པའོ།། ཡུན་རིང་གསང་བར་སྤྲོས་ལས་སྐྱེས།། བྱང་ཆུབ་སེམས་ནི་འཕོ
16b7 བའི་བདེ། ། གསང་བའི་དབང་བསྐུར་གསུམ་པ་ནི།། གང་ལས་བདེ་ཐོབ་དེ་དར་མ།། ཡུན་རིང་གསང་བར་སྤྲོས་ལས་སྐྱེས།། རྡོ་རྗེའི་རྩེ་མོར་གཡོ་བའི་བདེ།། ཤེས་རབ་ཡེ་ཤེས་དབང་བསྐུར་བ།། གང་ལས
16b8 གཡོ་བའི་བགྲོད་དེ་རྒན། ། ཕྱག་རྒྱ་ཆེན་པོ་རྗེས་ཆགས་ལས།། སྐྱེས་པ་གཡོ་མེད་བདེ་བ་ནི།། ཤེས་རབ་ཆེན་པོའི་དབང་བསྐུར་བ།། གང་ལས་གཡོ་མེད་རྟོགས་པ་དེ།། སྐྱེ་དགུའི་བདག་པོར་རྣམ་ཤེས་བྱ།།
iiif viewer powered by OpenSeadragon
