| e-texts navigator |
| Wylie |
16a1 རྒྱ་གར་སྐད་དུ། སེ་ཀོད་དེ་ཤ། བོང་སྐད་དུ།། དབང་མདོར་བསན། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། ཟླ་བ་བཟང་པོས་གསོལ་པ། སྟོན་པ་དབང་བསྐུར་རྣམ་བདུན་དང་། རྣམ
16a2 གསུམ་དེ་བཞིན་བླ་ན་མེད། ། འཇིག་རྟེན་འདས་པའི་དངོས་གྲུབ་ཕྱིར།། མདོར་བསྡུས་པ་ཡིས་བདག་ལ་གསུངས།། བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་ཟླ་བས་ཡང་བསྲུང་ང།། རྣམ་པ་བདུན
16a3 དང་རྣམ་གསུམ་མཆོག། རྩ་ཡི་ཀུན་སྤྱོད་རྩོལ་བ་ནི།། མདོར་བསྟན་པ་ཡིས་ཁྱོད་ལ་བཤད།། ཆུང་ངུ་མདོར་བསྟན་རྣམ་གསུམ་དང་།། རྒྱས་པར་བཤད་པ་རྣམ་གསུམ་འགྱུར།། རབ་ཏུ་མདོར་བསྟན་མདོར་བསྟན་ཆེ
16a4 རབ་ཏུ་རྒྱས་པར་བཤད་པ་གཞན། ། མདོར་བསྟན་རྒྱས་པར་བཤད་པ་ཉིད།། རྒྱུད་ཡང་དག་པར་བསྡུས་པ་བརྗོད།། རབ་ཏུ་མདོར་བསྟན་རྒྱས་བཤད་པ།། བཀའ་འགྲེལ་ཚིག་ནི་འབྱེད་པའོ།། མདོར་བསྟན་ཆེན་པོ་རྒྱས
16a5 བར་བཤད་པ་ཉིད། ། འགྲེལ་བཤད་ཐམས་ཅད་དོན་སྔོན་བྱེད།། དེ་ནི་མངོན་ཤོས་ཐོབ་རྣམས་ཀྱིས།། བྱ་ཡི་མཁས་རྣམས་ཀྱིས་མིན་ཉིད།། དེ་ལྟར་མཐའ་དྲུག་རྣམས་ཀྱིས་དག། རྡོ་རྗེའི་རྣལ་འབྱོར་རྣམ་བཞི་དང་།
16a6 རྫོགས་པའི་བྱང་ཆུབ་བཞི་རྣམས་དང་།། ཕུང་ཁམས་སྐྱེ་མཆེད་རིགས་དྲུག་རྣམས།། དག་པ་འཇིག་རྟེན་ཁམས་ལ་སོགས།། ལེའུ་ལྔ་ཡི་གཞུང་རྣམས་ཀྱིས།། བདེན་གཉིས་དང་པོའི་སངས་རྒྱས་འགྱུར།། དུས
16a7 ཀྱི་འཁོར་ལོ་མངོན་རྗོད་བྱེད། ། དང་པོར་དབང་བསྐུར་བདུན་པོ་གང་།། བྱིས་པ་རྣམས་ནི་གཞུག་པའི་ཕྱིར།། རྣམ་གསུམ་འཇིག་རྟེན་ཀུན་བགྱིས། དམ་པའི་དོན་གྱིས་བཞི་པའོ།། བདེན་པ་གཉིས་ཀྱི་ཆོས་རྣམས་ཀྱི།
16a8 རྡོ་རྗེ་ཅན་བདག་གིས་བསྟན་པ།། འཇིག་རྟེན་ཀུན་རྫོབ་བདེན་པ་དང་།། དམ་པའི་དོན་གྱི་བདེན་པས་སོ།། ཆུ་དང་ཅོད་པན་དང་དབྱངས་དག། རྡོ་རྗེ་དྲིལ་བུ་བརྟུལ་ཞུགས་ཆེ།། མིང་དང་རྗེས་གནང་ཡང་དག་ལྡན་།།
iiif viewer powered by OpenSeadragon
