| e-texts navigator |
| Wylie |
161b1 གསུམ་གྱིས་བདེ་མཉམ་འབྲས་སྟེར་བ་དང་གཞན་ནི་བསྒོམ་པའི་དོན་དུའོ། ། གང་ཞིག་དང་པོར་ཡང་ནི་དཔལ་ལྡན་ཤེས་རབ་ནུ་མར་རེག་པ་དེ་ཉིད་བུམ་པའི་དབང་དུ་བརྗོད།། རི་བོང་འཛིན་པ་མྱངས་དང་གསང་བ་མཐོང་བར་བྱ།
161b2 པས་གསང་བའི་དབང་དུ་རབ་ཏུ་འགྱུར་བའོ།། མཐའ་དག་རྒྱལ་བའི་རིགས་ཀྱིས་ཡན་ལག་ཁ་རྣམས་སྤང་བར་བྱ་སྟེ་ཤེས་རབ་ཡེ་ཤེས་དབང་སྦྱིན་བྱ།། རྒྱལ་བ་དབང་པོར་བྱས་ཏེ་སློབ་མའི་དོན་དུ་ཕྱག་རྒྱ་སྦྱིན་དང་གཞན་ཡད
161b3 བླ་མ་ལ་ཡང་འདིར། ། རྒྱན་རྣམས་ཐམས་ཅད་ལྡན་པའི་གསེར་ཞུན་དང་ནི་མཚུངས་པའི་ལོ་ཉིད་བཅུ་གཉིས་མ་སྟེ་བུ་མོ་མཛེས།། ཐབས་དང་ཤེས་རབ་བདག་ཉིད་ལྡན་པས་རང་གི་རྡོ་རྗེ་ནོར་བུས་སྤྱད་པ་ཉིད་ནི་ཆགས་བཅས་ལ།
161b4 སློབ་མ་དག་པ་ཤེས་ནས་རྡོ་རྗེ་ས་བོན་བཅས་པ་ཁར་ནི་ཡང་དག་གཞུག་པར་བྱ་བ་ཉིད།། ཕྱིས་ནི་རང་གི་ཕྱག་རྒྱ་བུ་ལ་བྱིན་ནས་དེ་ནས་གཞན་ཡང་དུ་བའི་ལམ་ལ་སོགས་ལྡན་ཡང་།། སྐྲག་དང་འཁྲུལ་བའི་སེམས་དང་གཡོ་དང
161b5 གཞན་གྱི་དབང་དུ་འགྲོ་བ་དང་ནི་ནད་ལྡན་བུ་བཙས་དང་། ། ཁྲོ་ལྡན་ཁེངས་ཤིང་འདོད་ལ་ཆགས་དང་བརྫུན་དང་རྩོད་པ་ལ་དགའ་ཡན་ལག་ཉམས་དང་མ་དག་པ།། དེ་ལྟ་བུ་རྣམས་ཤེས་རབ་ཡེ་ཤེས་དབང་དུ་ཤིན་དུ་འབད་དེ་བླ་མས
161b6 སྤང་བྱ་མི་དབང་པོ། ། སྔར་གསུངས་སངས་རྒྱས་བླ་མ་དག་ལ་གུས་ལྔདང་མ་ཚིག་འཛིན་ལ་ཕྱག་འཚལ་བ་དང་མཆོད་པར་བྱ།། འགྲོ་བ་རྣམས་ཀྱི་རང་གི་ཡིད་ཉིད་འདོད་ཆགས་ཀྱིས་ནི་འཁྲུགས་པར་བྱེད་དང་གང་བར་འགྱུར་བ་ཉིད།།
161b7 ཡན་ལག་མཆོག་ལ་གང་བ་ལས་ནི་འབར་བས་རི་བོང་འཛིན་པ་ཞུ་ནས་ཡང་དག་འཛག་པ་ཉིད།། ཨོཊ་དགུག་པར་རབ་ཏུ་བྱས་པས་མཆོག་གི་བདེ་བ་སྟེར་བ་ཐིག་ལེ་ཐར་པ་གསུམ་གྱི་མཐར།། སྣང་རེག་འདུས་དང་འགྱུར
161b8 དང་བདེ་བ་རྣམས་ཏེ་དགའ་བའི་དབྱེ་བ་ལ་སོགས་པ་ཡིས་དེ་ལྟར་རོ། ། དང་པོར་ཡང་ནི་མི་རྣམས་ཀུན་གྱིས་མིག་གིས་བལྟས་པ་འདི་ཡིས་འདོད་ཆགས་འཁྲུགས་པ་དགའ་བ་སྟེ། ཕྱི་ནས་གང་བ་རང་གི་ལུས་ལ་རབ་ཏུ
iiif viewer powered by OpenSeadragon
