| e-texts navigator |
| Wylie |
160b1 རིགས་སུ་ངེས་སོ་མི་བདག་ཀྱེ། ། ཕྱི་ནས་དབང་བདུན་རྣམས་དང་རྣམ་གསུམ་འདིར་ནི་ཇི་ལྟ་བ་བཞིན་བླ་མེད་ཡང་དག་རབ་ཏུ་སྦྱིན།། ཀླུ་རྣམས་ཀྱིས་སམ་བཞིས་ཏེ་རྒྱལ་བ་རྣམ་རྒྱལ་བཅས་པའི་བུམ་པ་ནོར་བུ་གསེར་གྱི་བུམ་པ་འམ།།
160b2 ས་ལས་བྱུང་བ་རྣམས་སུ་རིན་ཆེན་སྨན་ལྡན་དང་ནི་དྲི་ལྡན་རྣམས་ཀྱིས་ལྷ་མོ་རྣམས་ཀྱིས་ཁྲུས་བྱའོ།། སངས་རྒྱས་རབ་དུཔོ་རྣམས་ཀྱིས་དབུ་རྒྱན་སྦྱིན་ཏེ་མཆོག་གི་བླ་མས་ནུས་མ་རྣམས་ཀྱིས་དར་དབྱངས་ཉིད།། རྡོ་རྗེ་དྲིལ་བུས་ཉི་མ
160b3 ཟླ་བ་ཉིད་ཏེ་བརྟུལ་ཞུགས་ཀྱིས་ཀྱང་ཡུལ་དང་དབང་པོ་སྦྱང་བར་བྱ། ། མིང་གིས་ཁྲོ་བོ་རྣམས་དང་བྱམས་སོགས་དང་ནི་རྒྱལ་བའི་བདག་པོའི་རྗེས་གནང་ཕྱི་མོར་བཅས་པ་སྦྱིན།། རྡོ་རྗེ་དང་ནི་དྲིལ་བུ་རབ་ཏུ་བྱིན་ནས་མཆོག་གི་སྙིང་རྗེས་དག
160b4 པའི་ཆོས་རྣམས་བསྟན་པར་བྱ། ། རྡོ་རྗེའི་རིགས་སུ་ངེས་པ་སྲོག་གཅོད་པ་དང་རལ་གྲིར་མི་བདེན་པ་ཡི་ངག་བརྗོད་བྱ་བ་དང་།། རིན་ཆེན་དུ་ནི་གཞན་ནོར་འཕྲོག་དང་མཆོག་གི་པད་མའི་རིགས་ཉིད་དུ་ཡང་གཞན་གྱི་བུད་མེད་འཕྲོག། འཁོར།
160b5 ལོར་ཆད་དང་མར་མེ་སངས་རྒྱས་རྣམས་དང་ཡུལ་རྣམས་མཐའ་དག་ཤིན་ཏུ་བསྟེན་པར་བྱ་བ་ལ།། གྲི་གུག་དུ་ནི་གདོལ་བ་མོ་ལ་སོགས་པ་བུད་མེད་མཐའ་དག་མཁའ་ཡི་པད་མ་སྨད་མི་བྱ།། སེམས་ཅན་རྣམས་ཀྱི་དོན་དུ་ནོར་དང་ལུས
160b6 བཅས་སྦྱིན་བྱ་འདི་ནི་ཁྱོད་ཀྱིས་བསྲུང་བར་བྱ་བ་མིན། ། རིགས་ཀྱི་བུ་རྣམས་གཞན་དུ་བསྐལ་པ་གྲངས་མེད་པས་ཀྱང་སངས་རྒྱས་མིན་པར་རྒྱལ་བས་གསུངས་པར་ངེས།། ཆུ་ཡིས་སྒྲོལ་མ་ལ་སོགས་ལྷ་མོ་རྣམས་དང་དབུ་རྒྱན་རྒྱལ
160b7 བ་རྣམས་ཏེ་དེར་དབྱངས་ནུས་མ་རྣམས། ། རྡོ་རྗེ་དྲིལ་བུམ་ཉི་ཟླ་དག་དང་བརྟུལ་ཞུགས་ཡུལ་སོགས་རྣམས་དང་མིང་གིས་བྱམས་པ་སྦྱོང་།། རྗེས་གནང་རྫོགས་པའི་བྱང་ཆུབ་དཔལ་ལྡན་སྲིད་པའི་འཇིགས་པ་འཇོམས་པ་དུས
160b8 ཀྱི་འཁོར་ལོ་རྗེས་ཁྱབ་པ། ། དེ་ལྟར་དབང་བདུན་རྣམས་ཀྱིས་སྡིག་པའི་དྲི་མི་འཇོམས་པས་དཀྱིལ་འཁོར་ཉིད་དུ་ཡང་དག་རབ་ཏུ་སྦྱིན།། དབང་བདུན་རྣམས་ཀྱིས་དབང་རྣམས་བསྐུར་ན་དགེ་བའི་དབང་གིས་ས་བདུན་དབང་ཕྱུག
iiif viewer powered by OpenSeadragon
