| e-texts navigator |
| Wylie |
159a1 ཅན་ངེས་པར་ཀློག་པའི་རྒྱུ། ། གཙུག་ཏོར་སྒྲོན་བུ་གནས་སུ།། མཆོག་ཏུ་བདེ་བའི་གོ་འཕང་དུ།། འདི་ནི་སྦྱར་བར་བྱ་བ་ཉིད།། ཕུང་པོ་མང་པོའི་རྣལ་འབྱོར་པ།། མཉམ་པའི་བདེ་བ་ལ་བཞུགས་མོང་།། འོན་ཀྱང
159a2 འཇིག་རྟེན་གྲགས་པ་མེད། ། དབུས་སུ་སྲོག་དང་འཇུག་པ་ནི།། ཡུལ་དང་རྣམ་པར་བྲལ་བ་ཉིད།། སྣ་ཚོགས་ཡུལ་གྱིས་འཁྱུད་པའོ།། པད་མར་འཇུག་པའི་རང་རྡོ་རྗེ།། སྤྲོ་བ་ཡང་ནི་དེ་བཞིན་ཏེ།། རྡོ་རྗེ་དབུས་སུ་གཞག
159a3 པར་བྱ། ། ས་བོན་མ་ལྷུང་བ་བདེ་བ།། ཤིན་དུ་ཆགས་པའི་ཆགས་པར་སོང་།། རྣལ་འབྱོར་པ་ཡི་འབྱོར་པ་ཉིད།། མཆོག་ཏུ་ཡང་ནི་ཁྱབ་པའི་བདག། དཔལ་ནི་གསང་བས་གསང་བའོ།། གཙུག་ཏོར་དུ་ནི་རྩ་ལྔ་པའོ།། རྡོ་རྗེ་ཡི
159a4 ནི་འགྱུར་བ་ཡིན། ། ཕྱི་ཡི་རྩེ་མོ་ཉིས་འགྱུར་དུ།། འགྱུར་བ་ཆོས་ཀྱི་དཀྱིལ་འཁོར་རོ།། དེ་ནི་གཉིས་སུ་འདྲེས་པ་དང་།། དེ་ནི་གཞན་ཡང་ཉིས་འགྱུར་རོ།། དེ་ཡི་ཡང་ནི་གཞན་ཉིས་འགྱུར།། ལྷན་ཅིག་སྐྱེས་དང་ལོངས་སྤྱོད་རྫོགས།། །
159a5 སྤྲུལ་པ་ཡི་ནི་འཁོར་ལོར་རོ།། དེ་ཡི་ནང་དུ་རྩེ་གཅིག་གོ།། མཉམ་པའི་བདེ་བའི་འབྲས་སྟེར་བ།། གསང་བའི་པད་མའི་ནང་གསང་བའོ།། རྣལ་འབྱོར་པ་དང་སྲོག་གཅོད་པ།། ཉིན་དང་མཚན་དུ་ཕྱེ་བ་ནི།། དེ་ནི་སྲོག་འཇིག་པ་རུ་གསུངས།།
159a6 སྡེ་གང་བ་དང་བྲལ་བ་ནི།། སྙིང་ལ་ཡོད་པར་རབ་འགྱུར་བ།། དེ་ནི་བརྫུན་དུ་སྨྲ་བ་ཉིད།། ཀུན་མཁྱེན་གྱི་ནི་ཡེ་ཤེས་སར།། འཛིན་པར་ཡང་ནི་དབྱེ་བ་གང་།། རྣལ་འབྱོར་པ་ལ་དེ་གསུངས་སོ།། བདེ་བའི་ཐིག་ལེ་མ་ལྷུང་བ།། གཞན་གྱི
159a7 བུད་མེད་དུ་ནི་འགྱུར། ། སྟེན་པ་ཆགས་བྲལ་མིན་པའོ།། སྲོག་དང་རྩོལ་བའི་མེ་ཡིས་ནི།། རི་བོང་ཅན་ལ་ཞུ་བ་ཡི།། བཏུང་བ་ཅན་གྱི་བཏུང་བའོ།། མཐེ་བོའི་ཚིགས་ནས་གཙུག་ཏོར་དུ།། ཆོས་ཀྱི་དབང་གིས་འགྲོ་བ་རི།
159a8 མཐར་ཐུག་པར་རང་གི་སེམས།། གཙུག་ཏོར་གནས་ནས་མཐེ་བོ་རུ།། ཡང་ནི་འདིར་ནི་འགྲོ་འགྱུར་ཏེ།། ནག་པོའི་ཕྱོགས་ཀྱི་མཐར་ཐུག་པར།། རྣལ་འབྱོར་མ་སྤྱོད་པ་དེས་ནི།། ཉི་མ་རེ་རའི་དུས་སུ་ནི།། འདོད་པའི་དངོས་གྲུབ་རབ་ཏུ
iiif viewer powered by OpenSeadragon
