| e-texts navigator |
| Wylie |
157b1 སྤྱོད་མཐོང་ནི་ལྷ་ཡུལ་ས་སྟེངས་དག་ནས་ལྷུང་བར་འགྱུར། ། སྲིན་པོས་བྱིན་བརླབས་རྣམས་ཀྱིས་དེ་ལ་ཐར་པ་འདོད་པ་དེ་ན་ནམ་མཁའི་ཤིང་འབྲས་བཞིན།། བྱིས་པ་རྣམས་ལ་རང་རང་མ་ཡིས་བརྫུན་ཚིག་འཇམ་པ་སྙན་པས་བདག་ཉིད
157b2 དྲུང་དུ་ཁྲིད་པར་བྱེད། ། ཆང་བ་སྟོང་པ་སྟོན་ཅིང་བདག་གི་ལག་ལ་རིལ་བུ་ཡོད་པ་ལོང་ཞིག་པུ་ཞེས་བརྗོད།། རྫོགས་སངས་རྒྱས་ཀྱིས་བདུད་ཀྱི་ལག་ནས་ཤིན་ཏུ་སྙན་པའི་ཚིག་གིས་བདག་དྲུང་ཁྲིད།། ནམ་མཁའ་ཙམ་ཅིག་སྟོན་ཅིང
157b3 བདག་གི་རིགས་ཀྱི་མྱ་ངན་འདས་པ་ལོང་ཞིག་པུ་ཞེས་གསུང་། ། སེམས་ཅན་བསམ་པའི་དབང་ལས་རྒྱལ་བས་སྲིན་པོ་རྣམས་ལ་གསོ་སྦྱོང་གསལ་བར་མཛད།། དེ་རྣམས་དེ་ཡིས་སངས་རྒྱས་ཉིད་ན་ཐུབ་པའི་བཀའ་ཡི་གསང
157b4 སྔགས་ཐེག་པ་བདེན་མ་ཡིན། ། གང་ཞིག་བསྐལ་པ་དཔག་མེད་བྱམས་དང་དགེ་བཅུའི་ལམ་དང་སྦྱིན་དང་ཚུལ་ཁྲིམས་རབ་རྫོགས་པས།། རྫོགས་སངས་རྒྱས་དང་བྱང་ཆུབ་སེམས་དཔའ་སྟོབས་བཅུ་ལྡན་པས་སངས་རྒྱས་བྱང་ཆུབ
157b5 ལུང་བསྟན་ཏོ། ། མོ་བཤམ་བུ་ནི་ལུས་མེད་མ་ལུས་ཡོན་ཏན་རང་བཞིན་གང་ཞིག་རྡུལ་ཕྲན་འདུས་པ་རྣམས།། སྲོག་ནི་ནམ་མཁའི་མེ་ཏོག་མིན་ཏེ་གོང་དུ་རགས་པའི་ལུས་ལ་ཞུགས་ནས་ཀློག་ཅིང་དགོད།། སྲོག་ཆགས་བྱ་རོག
157b6 རྭ་མིན་བསོད་ནམས་སྡིག་པའི་དབང་གིས་གང་ཞིག་འགྲོ་བ་རྣམས་སུ་འཁོར། ། སྲོག་ཆགས་གང་ཞིག་རྡུལ་ཕྲན་ཕུང་པོའི་ལུས་ནི་ས་སྟེངས་འཆི་བའི་ཚེ་མི་ལྟུང་།། རྒྱུད་ཀྱི་རྒྱལ་པོར་སྟོབས་བཅུའི་སྟོབས་དང་ལྡན་པས་སངས
157b7 རྒྱས་པ་ཡི་གང་ཞིག་ལམ་བསྟན་པ། ། རྒྱལ་བ་སྟོབས་བཅུ་ལྡན་དང་སྟོན་པའི་སྲས་དང་སངས་རྒྱས་པ་ཡི་ལྷ་ཀླུ་ལྷ་མིན་དང་།། ཁྲོ་བོ་སྲིན་པོ་ཤ་ཡི་དམ་ཚིག་ཅན་དང་སྟག་གཟིག་རྣམས་དང་མུ་སྟེགས་སྤྱོད་པ་རྣམས།། དེ་ཀུཿ
157b8 བྷ་ལ་ཞེས་བྱ་བ་རྒྱལ་མཆོག་བཞུགས་གནས་དེར་ནི་ཉི་མ་བདག་གིས་བཏོན། ། དཔལ་ལྡན་འབྲས་ཕུང་ཆོས་ཀྱི་དབྱིངས་སུ་སྟོབས་བཅུ་མངའ་བས་གང་ཞིག་བདུད་རྣམས་བཏུལ་མཛད་པ།། དེ་ཀུན་ཤ་བྷ་ལ་ཡི་དཔལ་ལྡན
iiif viewer powered by OpenSeadragon
