| e-texts navigator |
| Wylie |
3b1 ས་མནྟ་བུད་དྷ་ནན། ཨོཾ་སརྦ་དྷཱ་ར་ས་མ་ཡེ་སྭཱ་ཧཱ།། ཕྱག་འཚལ་བདག་ནི་ཕོ་གུན་ཞེས་པའི་སྐར་མ་ཡི།། གོ་འཕང་ལའོ་ཁྱོད་ནི་ཤར་ཕྱོགས་འཇིག་རྟེན་གང་།
3b2 རིན་ཆེན་བཻ་ཌཱུ་རཱི་ལས་གྲུབ་པའི་ཞིང་དུ་ནི།། བཻ་ཌཱུརྱ་འོད་སྨན་པའི་རྒྱལ་པོའི་སྤྲུལ་པའོ།། དེ་ཡི་སྔགས་ནི་འདིའོ།། ན་མཿས་མནྟ་བུད་དྷཱ་ནཱན། ཨོཾ་ས་པ་ཏ་པ་ར་མ་ནི
3b3 ཙ་སྭཱ་ཧཱ། གང་སུ་དག་རང་གི་ལོའི་འགྲོས་ལ་བར་ཆད་བྱུང་བར་གྱུར་ན། དེ་ནས་མི་དེ་ཆོས་རིན་པོ་ཆེ་འདི་ལ་ལན་བདུན་དུ་ཕྱག་འཚལ་ལོ།། བར་ཆད་ཐམས་ཅད་ཞི་ཞིང་བདེ
3b4 བར་འགྱུར་རོ།། དེའི་ཚེ་ལྷའི་ལྷ་སངས་རྒྱས་ཀྱིས། བྱང་ཆུབ་སེམས་དཔའ་འཇམ་དཔལ་ལ་བཀའ་སྩལ་པ། འཇམ་དཔལ་ངས་བཤད་པའི་ཆོས་ཀྱི་མདོ་འདི་ནི། ཆོས
3b5 ཀྱི་མཆོག་དང་ལྡན་པ། འོད་དུ་གྱུར་པ། སྟོབས་དང་ལྡན་པའོ།། སེམས་ཅན་ཐམས་ཅད་ཀྱི་ནོར་བའི་ཉེས་པ་ལས་སྐྱོབ་པའི་རྟེན་པར་གྱུར་པའོ།། སྡིག་པ་དང་སྒྲིབ་པ
3b6 ཐམས་ཅད་དང་། གདོན་གྱི་ལན་ཆགས་ཐམས་ཅད་དེ་ངེས་པར་བྱེད་པ་དང་ཞི་བར་བྱེད་པའོ།། དགེ་སློང་ཕ་འམ། དགེ་སློང་མ་འམ། སྦྱིན་བདག་པོ་མོ་འམ། ཁྱིམ་བདག
3b7 ཕོ་མོ་འམ། མེ་དང་གྲགས་པ་དང་ལྡན་པའི་དམ་པར་གྱུར་པའི་སྐྱེས་པ་འམ། བུད་མེད་དམ། བཀུར་བར་འོས་པ་དང་། བཀུར་བར་འོས་པ་མ་ཡིན་པ་ཆེན་པོ་དང
3b8 ཆུང་ངུ་གང་སུ་དག་སྐར་མ་སྨེ་བདུན་འདིའི་རིས་སུ་སྐྱེས་པའོ།། གང་སུ་དག་ཆོས་འདི་ཐོས་ནས་སློབ་པ་དང་། ཁོང་དུ་ཆུད་ཅིང་རང་གི་ལུས་ཀྱིས་མཆོས་པ་དང་། རིམ
iiif viewer powered by OpenSeadragon
