| e-texts navigator |
| Wylie |
3b1 པ་ཙམ་མམ། ཕུར་བུ་བཀྲུས་པ་ཙམ་མམ། ཕྲུ་ལྟོགས་བཀྲུས་པ་ཙམ་གང་ཡིན་པ་དེ་ཡོད་ལ། གལ་ཏེ་དེ་སེམས་ལ་འདི་སྙམ་དུ། འདི་ན་གནས་པའི་སྲོག་ཆགས
3b2 ཐམས་ཅད་འདིས་བདེ་བར་གྱུར་ཅིག་སྙམ་དུ་སེམས་ཤིང་། སྟོར་ཁུང་དུ་བྱེད་ན། ཀུན་དགའ་བོ་འོན་ཀྱང་བསོད་ནམས་སྐྱེ་བའི་སྒོར་འགྱུར་བར་སྨྲ་ན། མིར་གྱུར་པ་ལྟ
3b3 སྨོས་ཀྱང་ཅི་དགོས། ཀུན་དགའ་བོ་གསུམ་པོ་འདི་དག་ནི་བར་གྱི་བསྐལ་པ་དག་ཡིན་ནོ།། གསུམ་གང་ཞེ་ན། མཚན་གྱི་བར་གྱི་བསྐལ་པ་དང་། ནད་ཀྱི་བར་གྱི
3b4 བསྐལ་པ་དང་། མུ་གེའི་བར་གྱི་བསྐལ་པའོ།། ཀུན་དགའ་བོ་དེ་གང་གིས་ཉི་མ་གཅིག་གཅིག་སྲོག་གཅོད་པ་སྤོང་ཞིང་། ཡང་དག་པར་བླངས་ཏེ་གནས་པར་བྱེད་ན།
3b5 དེ་མཚོན་གྱི་བར་གྱི་བསྐལ་པར་མི་སྐྱེ་བར་འགྱུར་རོ།། གང་ཞིག་གིས་ཨ་རུ་ར་གཅིག་ཙམ་ཡང་དགེ་འདུན་ལ་འབུལ་བར་བྱེད་ན། དེ་ནད་ཀྱི་བར་གྱི་བསྐལ་པར་མི་སྐྱེ་བར
3b6 འགྱུར་རོ།། གང་ཞིག་གིས་ཟས་ནལ་ཟེ་གང་ཙམ་དགེ་འདུན་ལ་ཕུལ་ན། དེ་མུ་གེའི་བར་གྱི་བསྐལ་པར་མི་སྐྱེ་བར་འགྱུར་རོ།། ཀུན་དགའ་བོ་དགེ་བའི་རྩ་བ་གསུམ་པོ
3b7 འདི་དག་བསྐྱེད་པ་ནི་འཁོར་བར་ཟད་པར་མི་འགྱུར་ཞིང་། ཡོངས་སུ་གཏུགས་པར་མི་འགྱུར་ལ། ཟད་མི་ཤེས་པའི་མྱ་ངན་ལས་འདས་པ་ཐོབ་པར་འགྱུར་བར་བྱེད་པ
3b8 ཡིན་ནོ།། གསུམ་པོ་གང་ཞེ་ན། ཀུན་དགའ་བོ་སངས་རྒྱས་ལ་དགེ་བའི་རྩ་བ་བསྐྱེད་པ་ནི། འཁོར་བར་ཟད་པར་མི་འགྱུར་ཞིང་། ཡོངས་སུ་གཏུགས་པར་མི་འགྱུར་ལ།
iiif viewer powered by OpenSeadragon
