| e-texts navigator |
| Wylie |
7b1 ལ་བདེ་བ་འདོད་པ།། ལན་གཅིག་ཐོས་པ་ཙམ་གྱིས་ཀྱང་།། དེ་དག་ས་ཆེན་འབྲས་བུར་གནས།། རིང་པོར་མི་ཐོགས་དགར་འགྱུར་ན།། འཆང་སོགས་ལྷ་ལ་ཅི་ཞིག་སྨོས།།
7b2 དེ་ཕྱིར་རྟག་ཏུ་རབ་བསྒྲིམས་ལ།། གཏན་དུ་བདེ་བ་འདོད་པ་ཡིས།། ཡོན་ཏན་རྒྱ་མཚོ་ལྡན་པའི་གཟུངས།། མཉན་པར་བྱ་ཞིང་བཅང་བར་བྱ།། གང་ཞིག་ནང་པར་ལངས་ནས
7b3 བརྗོད།། བདག་ཉིད་ཀྱིས་ཀྱང་བཏོན་ན་ནི།། དེ་ཡི་དོན་ཀུན་འགྲུབ་འགྱུར་ལ།། གནོད་པ་དང་ཡང་ཕྲད་མི་འགྱུར།། འདི་ནི་ཡོན་ཏན་ཀུན་གྱི་སྤོས།། དགེ་བ་ཕུན་སུམ་ཚེགས
7b4 སྦྱིན་པ།། ཀུན་མཁྱེན་བླ་མེད་འབྲས་བུའི་མཆོག། བདེ་འབྱུང་ཐོབ་པར་བྱེད་པ་ཡིན།། འབྲས་བུ་འབྱོར་པ་ཅི་ཡང་རུང་།། ཐོབས་པར་མི་འགྱུར་དོགས་པ་མེད།། ཀུན་མཁྱེན
7b5 གོ་འཕང་ཐོབ་གྱུར་ནས།། དཔེ་མེད་གནས་ས་འགྲོ་བར་འགྱུར།། དེ་ནི་དགེ་ཞིང་འབྲས་བུར་ལྡན།། སངས་རྒྱས་ས་ཡི་འབྲས་བུ་སྦྱིན།། ཡིད་དུ་འོང་ཞིང་ཡོན་ཏན་ལྡན།། སྙིང་རྗེ་དྲི་མ
7b6 མེད་སྦྱིན་པ།། འདི་ནི་མཉམ་པ་ཉིད་ཀྱི་མདོ།། འཇིག་རྟེན་ཀུན་ནས་དགའ་བ་སྟེ།། འཇིག་རྟེན་ཀུན་གྱི་བདེ་འབྱུང་བ།། འདི་དང་འདྲ་བ་གང་ཡང་མེད།། སྟོན་པ་སངས་རྒྱས་བཅོམ
7b7 ལྡན་འདས་ཀྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་རྫོགས་སོ།། ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས
7b8 རྒྱས་ཤཱཀྱ་ཐུབ་པ་ལ་ཕྱག་འཚལ་ལོ།། ཏདྱ་ཐཱ། མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ། ལན་གཅིག་བཟླས་བརྗོད་བྱས་ན་བསྐལ་པ་བྱེ་བ་བརྒྱ་ཕྲག་བརྒྱད་ཁྲིའི་བར་དུ་སྡིག་པ་བྱས་པ་གང
iiif viewer powered by OpenSeadragon
