| e-texts navigator |
| Wylie |
7a1 ཧ་ཧ་གྲགས་པའི་སྒྲ་སྒྲོགས་ཏེ།། ཀྱེ་མ་སངས་རྒྱས་ཡོན་ཏན་ཆེ།། བསྐལ་པ་གྲངས་མེད་གསུམ་བསགས་པ།། བྱང་ཆུབ་སེམས་སོགས
7a2 མཆོག་རྣམས་ཀྱིས།། མཚན་བརྒྱ་རྩ་བརྒྱད་ལེགས་པར་བརྗོད།། ཀྱེ་མ་རྙེད་དང་བདེ་འབྱུང་བ།། མཚན་བརྒྱ་རྩ་བརྒྱད་ཐོས་ནས་ཀྱང་།། གང་ཞིག་ཀློག
7a3 ཅིང་རྒྱལ་ལ་བསྟོད།། འབྲས་བུ་ཆེན་པོ་འགྲུབ་པར་འགྱུར།། མཚན་བརྒྱ་རྩ་བརྒྱད་སྔགས་བཅས་པ།། བཅོམ་ལྡན་འདས་དྲུང་བརྗོད་ན་ནི།། སྒྲིབ་དང་།
7a4 ཀུན་ནས་ཉོན་མོངས་དང་།། སྡིག་པ་ཐམས་ཅད་དག་པ་འཐོབ།། མཚན་བརྒྱ་རྩ་བརྒྱད་མཆོག་བཏོན་ན།། སྒྲིབ་པ་ཀུན་ལས་ངེས་གྲོལ་ཞིང་། ཉོན
7a5 མོངས་མཐའ་དག་རྣམ་པར་སྤོང་།། ཤེས་རབ་ཆེན་པོ་ཉིད་དུ་འགྱུར།། དེ་ནི་ལོངས་སྤྱོད་ཆེན་པོ་དང་།། བདེ་བ་ལས་ཀྱང་ཉམས་མི་འགྱུར།། དེ་ཡི་ཚེ་རབས་ཐམས
7a6 ཅད་དུ།། བློ་ལྡན་ཆེ་རབས་དྲན་པར་འགྱུར།། དེ་ནས་རྡོ་རྗེའི་ཐོད་འཆིང་བ།། ཡོན་ཏན་མཐའ་ཡས་སྲས་དེ་ལ།། བཅོམ་ལྡན་བདུད་ལས་རྒྱལ་བ་ཡིས།། མངོན
7a7 སུམ་གཟིགས་ནས་བཀའ་སྩལ་པ།། རྒྱལ་བའི་ས་འདི་ཞི་བ་སྟེ།། ང་རྒྱལ་ལ་སོགས་ཉོན་མོངས་འཇོམས།། འཇིག་རྟེན་བདེ་བ་ཀུན་ལས་འདས།། དེ་བཞིན
7a8 གཤེགས་བདེ་མངོན་དུ་ཕྱོགས།། གཞན་གྱིས་མི་ཚུགས་གཟུངས་དང་ནི།། མཚན་བརྒྱ་རྩ་བརྒྱད་ཉན་བྱེད་པ།། དེ་དག་རྣམ་དག་བདག་ཉིད་དེ།། དེསེམས་ཅན་ཀུན
iiif viewer powered by OpenSeadragon
