| e-texts navigator |
| Wylie |
3b1 གང་ཞིག་ཉོན་མོངས་ཞི་བྱེད་པའི།། གཟུངས་འདི་འཆང་བར་བྱེད་པ་ཡིས།། ཀུན་ཏུ་བཟང་པོ་ཉིད་དང་ནི།། ལག་ན་རྡོ་རྗེ་ཉིད་ཀྱང་འཐོབ།། རིག་སྔགས་འཆང་གི་བདག
3b2 པོ་ཡང་།། འདི་ཐོས་པས་ནི་ཐོབ་པར་འགྱུར།། འཇིག་རྟེན་ཀུན་ན་ལཾ་མེ་བ།། བཅོམ་ལྡན་རྣམ་པར་སྣང་མཛད་ཀྱང་།། དཀྱིལ་འཁོར་དམ་པ་གཏིང་མེད་པ།། འདི་ནི་ཇི
3b3 སྲིད་མ་གསན་པར།། རབ་ཞི་ཉོན་མོངས་འདུལ་བ་ཡི།། རང་བྱུང་གི་འཕང་མ་བརྙེས་ཏེ།། རྣམ་པར་དག་ཕྱིར་གསན་གྱུར་ནས།། གསན་མ་ཐག་ཏུ་རྣམ་པར་དག། དེ
3b4 ཕྱིར་ཕུན་སུམ་ཚོགས་པ་དག། ལེགས་པར་འདོད་པས་བརྗོད་པར་བྱ།། གཞན་གྱིས་མི་ཐུབ་གཟུངས་གསན་ནས།། ཐུབ་པ་ཀུན་གྱིས་གང་བརྙེས་པ།། འཁོར་བ
3b5 འདིར་ནི་ནམ་དུ་ཡང་།། བདུད་ཀྱི་ལས་དང་འཁྲུག་མེད་དང་།། མྱ་ངན་མེད་ཅིང་འཐབ་མེད་པ།། གཟུངས་ལ་གནས་པས་ཐོབ་པར་འགྱུར།། གནས་ཀྱི་དམ་པ་ཐོབ
3b6 ནས་ཀྱང་།། ཐུབ་པ་དྲི་མ་མེད་པའི་བློ།། གཟིགས་པ་བཟང་རྣམས་གར་གཤེགས་པི།། བཟུང་འགྲོ་དེར་ནི་འགྲོ་བར་འགྱུར།། ལེགས་པར་འདོད་པ་རྣམས་ཀྱིས་ནི།
3b7 ཚིག་གི་མདོ་འདི་མཉན་པར་གྱིས།། ཉོན་མོངས་ཟད་པར་བྱ་བ་ལ།། རྒྱལ་བས་གསུངས་པའི་གཟུངས་འདི་མཆོག། སྡིག་པ་བྱེད་ཅིང་དགེ་ལ་སྡང་།། སྡིག་པའི་རང
3b8 བཞིན་རབ་འཇུངས་པ།། གང་གིས་ཐོས་ནས་དེ་སྤོང་བ།། ང་ཡི་མངོན་སུམ་འབྱོར་པར་འགྱུར།། སྡིག་པ་གཞན་ཡང་མི་བྱ་ཞིང་།། སྔ་མ་རྣམས་ཀྱང་བཤགས་པར
iiif viewer powered by OpenSeadragon
