| e-texts navigator |
| Wylie |
3a1 པ་དུ་མའི་དྲི་མ་སེལ།། རིག་སྔགས་ཡོན་ཏན་སྒྲུབ་བྱེད་པ།། ཐུབ་མཆོག་རྣམས་ཀྱིས་རབ་ཏུ་གསུངས།། དེ་གཟིགས་དགེ་བ་དུ་མ་བརྙེས།།
3a2 སངས་རྒྱས་བློ་གྲོས་རྒྱས་པར་འགྱུར།། བྱང་ཆུབ་སེམས་དཔའ་བློ་གྲོས་ཆེ།། བསྐལ་པ་གཅིག་ཏུ་སྤྱོད་པས་ཀྱང་།། བརྒྱུད་མར་སངས་རྒྱས་ཀུན་འབྱུང་ཞིང་།།
3a3 སྤྱོད་པ་དུ་མ་འབྱུང་བ་ཡི།། ཡོན་ཏན་བརྒྱ་ཡི་སྤོས་ལྡན་འདི།། ཐོས་པ་སྤྲོ་བར་མི་ནུས་སོ།། ལོངས་སྤྱོད་རྒྱ་མཚོ་ཆེན་པོ་ཅན།། བྱང་ཆུབ་སེམས་མཆོག
3a4 དཀྱིལ་འཁོར་དུ།། རྒྱལ་མཆོག་རྣམས་ཀྱིས་དབང་བསྐུར་བའི།། ཕྱིར་མི་ལྡོག་པའི་ཆོས་ཅན་ལྡན།། འདི་ཐོས་སངས་རྒྱས་སྤྱོད་པ་ཡིས།། སེམས་ཅན་ཀུན
3a5 གྱི་སྡིག་པ་རྣམས།། མ་ལུས་རབ་ཏུ་གསལ་ནས་ནི།། བློ་ཆེན་དྲི་མ་མེད་པར་འགྱུར།། ཞི་ཞིང་དག་བྱེད་བཀྲ་ཤིས་ལ།། རྡུལ་མེད་བརྒྱན་ཏེ་ཞི་བར་བྱེད།།
3a6 དགེ་ཞིང་མྱ་ངན་ཐམས་ཅད་སེལ།། སྡུག་བསྔལ་ཐམས་ཅད་ངེས་པར་འཇོམས།། དབང་བྱེད་གསང་སྔགས་དམ་པ་སྟེ།། ས་སྟེངས་སྡིག་པ་ཐམས
3a7 ཅད་སེལ།། མ་སྨད་འབྲས་བུ་ངེས་པར་སྦྱིན། བསྟན་པ་ཡིན་ཏེ་སྡང་བ་འདུལ།། ཉེས་པ་བྱས་པ་སེལ་བ་ཡིན།། གཟུངས་འདི་གང་གིས་ཐོབ་གྱུར་ཏེ།།
3a8 སངས་རྒྱས་རྙེད་པར་དཀའ་བ་ཡང་། རིང་པོར་མི་ཐོགས་ཐོབ་པར་འགྱུར།། སྒྲིབ་པ་ཐམས་ཅད་རབ་ཞི་ཞིང་། ཁྱབ་བདག་ཉོན་མོངས་ཀུན་སེལ་བ།།
iiif viewer powered by OpenSeadragon
