| e-texts navigator |
| Wylie |
2b1 རིགས་སུ་སྐྱེས་སོ།། དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆེ་དཔག་མེད་ཀྱི་ཡབ་ནི་འཁོར་ལོས་བསྒྱུར་བའི་རྒྱལ་པོ་བཟང
2b2 པོའི་མཆོག་ཅེས་བྱ་བར་གྱུར་ཏོ།། དེའི་ཡུམ་ནི་གཟི་བརྗིད་ཅན་ཞེས་བྱ་བར་གྱུར་ཏོ།། དེའི་བཙུན་མོ་ནི་རྒྱལ་རིགས་བཟང་སྐྱོང་མ་ཞེས་བྱ་བར་གྱུར་ཏོ།། དགེ་སློང་དག་དེ་བཞིན
2b3 གཤེགས་པ་ཆེ་དཔག་མེད་ཀྱི་སྲས་ནི་ཟླ་བའི་འོད་ཅེས་བྱ་བར་གྱུར་ཏོ།། རིམ་གྲོ་པ་སྙན་པ་དྲི་མ་མེད་ཅེས་བྱ་བར་གྱུར་ཏོ།། དགེ་སློང་དག་དེ་བཞིན་གཤེགས་པ་ཆེ་དཔག་མེད་ཀྱི
2b4 ཤེས་རབ་ཅན་གྱི་མཆོག་ཏུ་གྱུར་པ་ནི། བཟང་པོའི་ཏོག་ཅེས་བྱ་བར་གྱུར་ཏོ།། རྫུ་འཕྲུལ་དང་ལྡན་པའི་མཆོག་དང་། བརྩོན་འགྲུས་ཆེན་པོ་དང་ལྡན་པའི་མཆོག་ནི་བཀོད་པ
2b5 ཆེན་པོ་ཞེས་བྱའོ།། དགེ་སློང་དག་དེ་བཞིན་གཤེགས་པ་ཚེ་དཔག་མེད་ཀྱི་བདུད་ནི་མཆོད་པའི་རྒྱལ་པོ་ཞེས་བྱ་བར་གྱུར་ཏོ།། ལྷ་སྦྱིན་གྱི་མིང་ནི་དང་བ་ཞེས་བྱ་བར་གྱུར་ཏོ།།
2b6 དགེ་སློང་དེ་བཞིན་གཤེགས་པ་ཆེ་དཔག་མེད་ཀྱི་ཉན་ཐོས་འདུས་པ་ཆེན་པོ་ནི་ཉན་ཐོས་ཆེན་པོ་དྲུག་ཁྲི་ཡོད་དོ།། དགེ་སློང་དག་སེམས་ཅན་ཐམས་ཅད་ཀྱིས་ལེགས་པར་བསམས
2b7 ཏེ། དེ་བཞིན་གཤེགས་པ་ཚེ་དཔག་མེད་ཀྱི་མཚན་ལེགས་པར་བཟུང་ལ། ཞག་བཅུར་སངས་རྒྱས་རྗེས་སུ་དྲན་པ་ཡིད་ལ་མ་ཡེངས་པར་བསྒོམ་ཞིང་འཇིག་རྟེན་གྱི་ཁམས་བདེ
2b8 བ་ཅན་ན་བཞུགས་པའི་དེ་བཞིན་གཤེགས་པ་ཆེ་དཔག་མེད་རྒྱུན་དུ་ཡིད་ལ་བྱའོ།། དཔལ་འཆི་མེད་རྔ་སྒྲའི་རྒྱལ་པོ་ཞེས་བྱ་བའི་གཟུངས་འདི་ཡང་རྟག་ཏུ་བཟླས་བརྗོད་བྱའོ།། ཉིན་ལན
iiif viewer powered by OpenSeadragon
