| e-texts navigator |
| Wylie |
3b1 ཨ་པ་ར་ཛི་ཏཱ་ཡ་སྭཱཧཱ། མར་སྱཱ་ནེ་པ་མརྡ་ནཱ་ཡ་སྭཱ་ཧཱ། བར་དྲཱ་ཡ་སྭཱ་ཧཱ། ཨི་དན་ཙ་མེ་ཀརྨ་ཀུ་རུ་སྭཱ་ཧཱ། ཨོཾ་ཛཱ་ཡ་ཧཱུཾ་ཕཊ་སྭཱཧཱ། ཨོཾ་ཏྲི་ཏྲཻ་ལོ་ཀྱ་བི་ཛ་ཡ
3b2 ཨ་མོ་གྷ་པཱ་ཤ་ཡ་སྭཱ་ཧཱ། ཨ་པྲ་ཏི་ཧ་ཏ་ཧྲི་ཧ་ཧཱུ~ཾ་ཕཊ་སྭཱ་ཧཱ། གཟུངས་སྔགས་འདིའི་ཆོ་ག་ནི་ཡ་མོ་གྷ་པ་ཤའི་གཟུངས་བུམ་པ་ལ་བཟླས་པས།
3b3 བགེགས་ཀྱིས་བརླབས་པ་འམ། འདྲེ་གདོན་གྱིས་ཟིན་པ་འམ། བྱད་དུ་ཆུད་པ་འམ། བུད་མེད་བྱུར་ཆེ་ཞིང་བུ་མི་འབྱུང་བ་འམ། བུ་མི་གསོས་པ
3b4 རྣམས་ལ་ཕན་པར་བྱ་བའི་ཕྱིར། འབབ་ཆུའི་འགྲམ་མམ། ཤིང་གཅིག་པའི་དྲུང་ངམ། ལམ་གྱི་བཞི་མདོ་དང་། ཁང་སྟོང་ལ་སོགས་པའི
3b5 གནས་སུ་དཀྱིལ་འཁོར་གྲུ་བཞི་པ་སྒོ་བཞི་པ་ཅིག་ཚོན་རྩི་དཀར་པོས་བྲིས་ཏེ། དབུས་སུ་ཡང་པདྨ་དཀར་པོ་འདབ་མ་བརྒྱད་པ་བྲིས་ལ། གསེར་དངུལ་ལམ།
3b6 ཟངས་ཀྱི་བུམ་པ་འམ། ཁམ་པའི་བུམ་པ་སོ་བཟང་པོ་བཏང་བ་ནག་པོ་དང་། རབ་རིབ་མེད་པ། གས་ཆག་མེད་པའི་ནང་དུ་ཆུ་གཙང་མས་གསུམ་གཉིས་བཀ
3b7 སྟེ། རིན་པོ་ཆེ་ལྔ། སྨན་སྣ་ལྔ། དྲི་ལྔ། འབྲུ་སྣ་ལྔ་རྣམས་བླུགས་ལ། མགུལ་ཆིངས་དཀར་པོ་རས་གསར་པ་ཁ་ཚར་ཅན་དང་། ཁ་རྒྱན་ཤུག་པ་འམ།
3b8 ཐང་ཤིང་གི་ལོ་མ་འམ། ཀུ་ཤ་མེ་ཏོག་དང་འབྲས་བུ་དང་བཅས་པ་ཅིག་པདྨའི་སྟེང་དུ་བཞག་ལ། རང་ཉིད་འཕགས་པ་སྤྱན་རས་གཟིགས་དབང་ཕྱུག་གི་སྐུར་བསྒོན
iiif viewer powered by OpenSeadragon
