| e-texts navigator |
| Wylie |
7a1 གེར་འདྲིར་འཇུག་པ་དང་། ཀློག་པ་ལྟ་ཅི་སྨོས་ཏེ། ཀུན་ཏུ་དཔའ་བ་དེ་ནི། བསོད་ནམས་ཀྱི་ཕུང་པོ་རབ་ཏུ་མང་པོ་བསྐྱེད་པར་འགྱུར་རོ།། ཀུན་ཏུ་དཔའ་སེམས་དཔའ་དང་། གང་ཞིག།
7a2 ཟུང་གི་མདོ་ལ་སྙིང་ཐག་པ་ནས་ཕྱག་འཚལ་བ་དེ་ནི། བསྐལ་པ་དགུ་བཅུ་རྩ་ལྔར་ཚེ་རབས་དྲན་པར་འགྱུར་རོ།། བསྐལ་པ་དྲུག་བཅུའི་བར་དུ་འཁོར་ལོས་སྒྱུར་བའི་རྒྱལ་པོར་འགྱུར་རོ།། ཚེ་འདི་ལ་ཡང
7a3 ཐམས་ཅད་དགའ་བར་འགྱུར་ཏེ། ཀུན་ཏུ་དཔའ་བ་དེ་ནི་མཚོན་གྱིས་འཆི་བའི་དུས་བྱེད་པར་མི་འགྱུར།། དུག་གིས་འཆི་བའི་དུས་བྱེད་པར་མི་འགྱུར། དེ་ལ་བྱད་ཀྱིས་ཚུགས་པར་མི་འགྱུར་རོ།།
7a4 འཆི་ཁར་ཡང་སངས་རྒྱས་བྱེ་བ་ཕྲག་དགུ་བཅུ་རྩ་དགུ་མངོན་སུམ་དུ་མཐོང་བར་འགྱུར་ཏེ། ཀུན་ཏུ་དཔའ་བ་སངས་རྒྱསབཅོམ་ལྡན་འདས་དེ་དག་གིས་ཀྱང་དེ་ལ། སྐྱེས་བུ་དག་དམ་པ
7a5 ཁྱོད་ཀྱིས་ཟུང་གི་མདོའི་ཆོས་ཀྱི་རྣམ་གྲངས་ཆེན་པོ་ལེགས་པར་བཤད་པ་ཐོས་པས། བསོད་ནམས་ཀྱི་ཕུང་པོ་སྐྱེ་སྟེ། སངས་རྒྱས་བཅོམ་ལྡན་འདས་བྱེ་བ་ཕྲག་དགུ་བཅུ་རྩ་དགུ་པོ་དེ་དག་གིས་ཀྱང
7a6 འཇིག་རྟེན་གྱི་ཁམས་སོ་སོ་ལུང་སྟོན་པར་འགྱུར་ན། ཀུན་ཏུ་དཔའ་བ་གང་ཟུང་གི་མདོའི་ཆོས་ཀྱི་རྣམ་གྲངས་ཆེན་པོ་འདི་མཐའ་དག་རྫོགས་པར་རྒྱ་ཆེར་ཐོས་པ་ལྟ་ཅི་སྨོས་ཀྱིས། མ་འཇིགས་ཤིག
7a7 ཅེས་དབུགས་འབྱིན་པར་འགྱུར་རོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་དཔའ་བས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་ཀྱང་ཟུང་གི་མངོན
iiif viewer powered by OpenSeadragon
