| e-texts navigator |
| Wylie |
269b1 ནི་རྒྱལ་པོའི་དཔལ་ཐོབ་སྟེ་བདག་དེ་ལྟ་བུར་གྱུར་ནས། སངས་རྒྱས་ལ་སོགས་པ་དགེ་སློང་གི་དགེ་འདུན་ཞག་བདུན་དུ་གདུགས་ཚོད་གསོལ་བར་གྱུར་ཅིག་ཅེས་ཁྱོད་ཀྱིས་སྨོན་ལམ་བཏབ་སྟེ། ཁྱོད་ཀྱི་བསམ་པ་དེ
269b2 ཡང་རྫོགས་སོ།། ཁྱོད་ཀྱི་བསམ་པ་དེ་ཡང་རྫོགས་སོ།། དེ་ཕྱིན་ཆད་ནི་ཚེ་རབས་དཔག་ཏུ་མེད་པ་ཐམས་ཅད་དུ་ཕུན་སུམ་ཚོགས་པ་ཆེས་ཁྱད་དུ་འཕགས་པ་དག་འཐོབ་པར་འགྱུར་རོ།། དེ་ནས་བཅོམ་ལྡན
269b3 འདས་ཀྱིས་དེའི་ཚེ་ཚིགས་སུ་གཅད་པ་འདི་དག་བཀའ་བསྩལ་ཏོ།། ། འཇིག་རྟེན་ནག་པོ་འབྱུང་བའི་ཕྱིར།། ཡིད་ནི་དུག་གི་རྩ་བ་ཡིན།། ཉེས་པར་སྨྲ་རྣཾས་འབྱུང་བའི་ཕྱིར།། ཁོ་ན་སྡིག་པའི་སྒོ་ཉིད་དོ།།
269b4 སེམས་ཀྱིས་སྣ་ཚོགས་སེམས་པར་བྱེད།། དེ་ནས་ཚིག་ཏུ་སྨྲ་བོར།། འགྱུར།། ངག་ཡིད་དག་གིས་སྡིག་བྱས་པ།། ལུས་སྐྱེས་སྡུག་བསླལ་སྦྱིན་པར་བྱེད།། ཕན་དང་མི་ཕན་མ་བསམས
269b5 བར། བློ་མེད་པས་ནི་སྡིག་བྱེད་པ།། དེས་ན་སྡུག་བསྔལ་སྣོད་འགྱུརཏེ། ཉོན་མོངས་པ་དག་དེ་ལྟར་འགྱུར།། མཁས་པ་རྣམས་ཀྱི་མགོ་བོ་དག། ཡིད་ཀྱིས་གཅོད་པར་འདོད་པ་དེ།། བློ་གྲོས་ཕན་པ
269b6 མི་ཤེས་པའི། མགོ་ནི་འཁོར་ལོས་ཡང་དག་ཆད།། དཔལ་དང་ཡིད་འདི་ཁོ་ནས་ནི།། ཆོས་དཀར་འདུད་བརྩི་བརྟེན་པ་ཡི།། སེམས་ཅན་བསོད་ནམས་ཀྱིས་དགེ་རྣམས།། ལྷ་ཡི་འཇིག་རྟེན་རྣམས་སུ་ཁྲིད
269b7 འདིར་ནི་སྙིང་གིས་ཀུན་བསམས་ནས།། ཚིག་ཏུ་བརྗོད་པས་ལེགས་སྨྲས་པ།། དེ་ཕྱིར་འདི་ནི་ལུས་ཀྱིས་སུ།། བསོད་ནམས་མཛོད་ནི་ལེན་པར་འགྱུར།། མི་ཡིས་བློ་ནི་སྔན་བཏང་སྟེ།། ལས་དགེ་མི
iiif viewer powered by OpenSeadragon
