| e-texts navigator |
| Wylie |
259a1 གང་དུ་སངས་རྒྱས་ཁྲག་ཁྲིག་གིས་ཀྱང་བསྐལ་པར་མི་སྤྱོད་པའི།། མེ་རི་དྲག་པ་མནར་མེད་པའི་མེར་ནི་སྲེག་པར་འགྱུར།། དེ་ནས་བཅོམ་ལྡན་འདས་ཀྱིས་ཡང་སྤོབས་པའི་བློ་གྲོས་ལ་བཀའ
259a2 བསྩལ་པ། སྤོབས་པའི་བློ་གྲོས་སེམས་ཅན་ལས་ལྔ་དང་ལྡན་པ་རྣམས་ནི་དུད་འགྲོ་རྣམས་སུ་སྐྱེ་བར་འགྱུར་ཏེ། ལྔ་གང་ཞེ་ན། དང་པོ་འཆལ་བའི་ཚུལ་ཁྲིམས་དང་། ཆོམ་རྐུན་དང་། གཞན་གྱི་བུ་བློན་བླངས
259a3 ནས་གནོད་སེམས་སུ་བྱེད་པ་དང་། སྲོག་གཅོད་པ་དང་། མ་དད་པས་དམ་པའི་ཆོས་མ་ཡིན་པ་ཉན་པར་དགའ་ཞིང་། དམ་པའི་ཆོས་མ་ཡིན་པ་ཉན་པ་ལ་དགའ་བས་ལོག་པར་འཚོ་བ་ཐམས་ཅད་ལ་དགའ་བ་སྟེ
259a4 སྤོབས་པའི་བློ་གྲོས་སེམས་ཅན་ལས་ལྔ་པོ་དེ་དག་དང་ལྡན་པ། རྣམས་ནི་དུད་འགྲོ་རྣམས་སུ་སྐྱེ་བར་འགྱུར་རོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་གཅད་པ་འདི་དག་བཀའ
259a5 བསྩལ་ཏོ།། རྟག་ཏུ་གཞན་གྱི་ནོར་འཕྲོག་པ་ལ་དགའི་མི་རྣཾམ་ནི།། བུ་ལོན་བྱིན་པ་རྣམ་པར་བླངས་ནས་མི་གཞན་གསོད་པར་བྱེད།། སྲོག་གཅོད་པ་ལ་དགའ་བའི་རི་དགས་འཆི་བདག་རྒྱལ་པོ་རྣཾས
259a6 རྒྱ་ལ་སོགས་པས་བཟུང་ནས་སེམས་ཅན་རྣམས་ལ་གསོད་པར་བྱེད།། དད་པ་ལ་སོགས་དམན་པའི་བློ་གྲོས་དཀར་པོའི་འདུ་ཤེས་ཅན།། ནག་པོ་དཔག་ཏུ་མེད་པ་བདག་ཅག་སྤྱོད་པར་མི་ཤེས་པ། རྨོངས
259a7 པ་རྣམས་ནི་དམ་ཆོས་དཀོན་མཆོག་གཏན་ལ་དགའ་མི་བྱེད། འཇིག་རྟེན་ཞུགས་པའི་ཆོས་ལ་འདིར་ནི་རྗེས་སུ་འགྲོ་བར་འགྱུར། ཇི་ལྟར་གངས་རི་ལས་འདིར་ཁབ་ཁབ་དང་རབ་ཕོབ་པ།། ཆུའི་ཆུའི་ཤུགས
iiif viewer powered by OpenSeadragon
