| e-texts navigator |
| Wylie |
252b1 པའི་བྱང་ཆུབ་མངོན་པར་རྫོགས་པར་འཚང་རྒྱའོ།། ཆོས་གཅིག་གང་ཞེ་ན་འདི་ལྟ་སྟེ། ལུས་ཀྱི་རྗེས་སུ་སོང་བའི་དྲན་པའོ།། དགེ་སློང་དག་ངས་མི་མཇེད་ཀྱི་བདག་པོ་ཚངས་པ་དེ་ལ་ལུས་ཀྱི་རྗེས་སུ་སོང་བའི་དྲན་པའི་རྒྱུ།།
252b2 དང་ལས་དང་འབྲས་བུ་ཡང་བསྟན་ཏོ།། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། ལེགས་སོ་ལེགས་སོ།། བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ།
252b3 གང་བསྟན་པ་དེ་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། ལྷ་དང་མི་རྣམས་ཀྱི་དོན་དང་། སྨན་པ་དང་བདེ་བར་བགྱི་བའི་སླད་དུ་བཤད་དུ་གསོལ། དགེ་སློང་སར་པ་སར་པ་རྣམས་དང་། ཆོས
252b4 འདུལ་བ་འདི་ལ་རབ་ཏུ་བྱུང་ནས་རིང་པོ་མ་ལགས་ཤིང་མཆིས་དེནས་རིང་པོར་མ་ལགས་པ་རྣམས་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་སྐྱེས་བུ་དམ་པ་འདི་དག་གིས་ཐོས་ན།།
252b5 དགའ་བ་དང་དད་པ་འཐོབ་པར་འགྱུར། བསླབ་པ་དེ་ལ་ཡང་སྦྱོར་བར་བརྩོན་པར་གནས་པར་འགྱུར་ལགས་སོ།། དེ་ན་བཅོམ་ལྡན་འདས་ཀྱིས་མི་འཇེད་ཀྱི་བདག་པོ་ཚངས་པ་ལ་གང་བཤད་པ
252b6 དེ། དགེ་སློང་དེ་དག་ལ་ཡང་བཤད་དོ།། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན་འདས་ལེགས་པར་བཀའ་བསྩལ་ཏོ།། བདེ་བར་གཤེགས་པ་ལེགས
252b7 བར་བཀའ་བསྩལ་ཏོ།། མི་མཇེད་ཀྱི་བདག་པོ་ཚངས་པ་མདོ་སྡེ་འདི་ལྟ་བུ་དག་ཡོངས་སུ་ཞུ་བའི་སླད་དུ་བཅོམ་ལྡན་འདས་ཀྱི་ཐད་དུ་མཆིས་ནས་ཞུས་པ་ཡང་ལེགས་པར་སྨྲས་པ་ལེགས་སོ།། བཅོམ་ལྡན
iiif viewer powered by OpenSeadragon
