| e-texts navigator |
| Wylie |
251b1 སྐྱོན་རྣམས་མི་སྟེན་ཏོ།། ལུས་ལ་དྲན་པ་ལེགས་གནས་ན། སྐྱོན་མེད་ཞི་བའི་གནས་འཐོབ་པོ།། ལུས་ཀྱི་སྐྱོན་རྣམས་མི་ཤེས་ན།། ལུས་ལ་ཡོད་པའི་སྐྱོན་མི་རྟོགས།། ལུས་ལ་དྲན་པ་མི་གནས་ན།། སྡུག་བསྔལ
251b2 བཟོད་དཀའི་གནས་འཐོབ་པོ།། སེམས་ཀྱི་སྐྱོན་རྣམས་རབ་ཤེས་ན།། སེམས་ཡོད་སྐྱོན་རྣམས་མི་སྟེན་ཏོ།། སེམས་ལ་དྲན་པ་ལེགས་གནས་ན།། སྐྱོན་མེད་ཞི་བའི་གནས་འཐོབ་པོ།། སེམས་ཀྱི་སྐྱོན་རྣམས་མི
251b3 ཤེས་ན། སེམས་ལ་ཡོད་པའི་སྐྱོན་མི་གཏོགས།། སེམས་ལ་དྲན་པ་མི་གནས་ན།། སྡུག་བསྔལ་བཟོད་དཀའི་གནས་འཐོབ་པོ།། དགེ་བའི་ཆོས་རྣམས་སྟེན་བྱེད་ཅིང་།། མི་དགེའི་ཆོས་རྣམས་མི་སྟེན་པ།
251b4 ཆོས་རྣམས་ལ་ནི་མཁས་པ་མི།། སྐྱོན་མེད་ཞི་བའི་གནས་འཐོབ། བོ།། དགེ་བའི་ཆོས་རྣམས་མི་སྟེན་ཅིང་།། མི་དགེའི་ཆོས་རྣམས་སྟེན་བྱེད་པ།། ཆོས་རྣམས་ལ་ནི་མི་མཁས་མི།། སྡུག་བསྔལ་བཟོད
251b5 དཀའི་གནས་འཐོབ་པོ།། དེ་ནས་མི་འཇེད་ཀྱི་བདག་པོ་ཚངས་པས་ལྷའི་མེ་ཏོག་མན་ད་ར་བ་དག་མངོན་པར་སྤྲུལ་ཏེ། བཅོམ་ལྡན་འདས་ལ་མངོན་པར་གཏོར་ཏོ།། མངོན་པར་གཏོར་ནས་ཀྱང་། བཅོམ
251b6 ལྡན་འདས་ཀྱིས་བཀའ་བསྩལ་པ་ལ་མངོན་པར་དགའ་ཞིང་རྗེས་སུ་ཡི་རང་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཐད་ནས་སོང་ངོ་།། དེ་ནས་བཅོམ་ལྡན་འདས་ཀྱིས་ནམ
251b7 ལངས་པར་མཁྱེན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ལ་བཞུགས་སོ།། བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་བསྩལ་པ། དགེ་སློང་དག་མ་དང་འདིར་མི་ཉལ
iiif viewer powered by OpenSeadragon
