| e-texts navigator |
| Wylie |
245a1 སྨན་དང་ཡོ་བྱད་ངན་དོན་ཙམ་དག་གིས་ཆོག་པར་འཛིན་པ་ཡིན་ནོ།། དེ་ཚངས་པ་མཚུངས་པར་སྤྱོད་པ་རྣམས་ཀྱི་བྱ་བ་གང་དག་ཡིན། དོན་དང་ལྡན་པ་རྣམས་སམ། དགེ་བ་དང་ལྡན་པ་རྣམས་ཀྱང་དེ།
245a2 དག་ལ་སྟོང་པར་བྱེད་དེ། ཡོངས་སུ་མི་སྐྱོ་ཞིང་། ཡོངས་སུ་ཡི་ཆད་པ་མེད་པ་ཡོངས་སུ་སྐྱོ་བའི་སེམས་མི་བསྐྱེད་དོ།། དེ་མཁན་པོ་དང་སློབ་དཔོན་གྱི་གན་དུ་འགྲོ་ན། དྲན་པ་དང་ལྡན་ཞིང་འདི་སྙམ་དུ་སེམས་ཏེ། མཁན
245a3 པོ་དག་ནི་བསྙེན་པར་དཀའ་བ། སློབ་དཔོན་དག་ནི་བསྙེན་པར་དཀའ་བ་སྟེ། བདག་དེར་སོང་བ་ན་སྡིག་པ་མི་དགེ་བ་ཀུན་ཏུ་སྤྱད་པ་འགའ་ཞིག་གིས་བདག་ལ་གླེངས་ཤིང་དྲན་པར་བྱས་ན། མི་རུང་ངོ་སྙམ་ནས་དེ་རྒྱུ
245a4 དེ་དང་རྐྱེན་དེ་དག་བཞི་དེས་སླབ་པ་རྣམས་ལ་གུས་པར་བྱེད་པར་འགྱུར་ཏེ། རྟུན་པར་བྱེད་པ་དང་། ལེགས་པར་བྱ་བ་བྱེད་པ་དང་།། ཞི་དུལ་དུ་བྱེད་པ་ཉིད་དང་། ཤིན་ཏུ་ཡོངས་སུ་མཐར་ཐུག་པར་བྱེད
245a5 པ་ཅན་དུ་འགྱུར་རོ།། དེ་བསླབ་པ་རྣམས་ལ་གུས་པར་བྱེད་པ་ཉིད་དང་རྟུལ་བར་བྱེད་པ་ཉིད་དང་ལེགས་པར་བྱ་བ་བྱེད་པ་ཉིད་དང་། ཞི་རྣལ་དུ་བྱེད་པ་ཉིད་དང་ཤིན་ཏུ་ཡོངས་སུ་མཐར་ཐུག་པར་བྱེད་པ་ཉིད
245a6 ཀྱིས་མཁན་པོ་དང་སློབ་དཔོན་གྱི་གན་དུ་འགྲོ་བ་ན། བག་ཚ་བ་མེད་པ་དང་བག་ཁུམས་པར་མེད་པར་འགྲོ་ཞིང་མི་འཇིགས་པ་དང་། ལྷན་ཅིག་འབྱུང་བའི་རྒོད་པ་ཡང་མི་སྟེན་ཏེ། ཅིའི་ཕྱིར་ཞེ་ན། གུས་པ་དང་བཅས
245a7 ཤིང་། ཞེས་དང་བཅས་པ་ཡིན་ལ། རིགས་ཀྱི་བག་མ་བཞིན་དུ་མཛེས་པ་དང་ལྡན་པའི་ཕྱིར་རོ།། དེ་འཛེམ་པ་དང་ལྡན་པས་ལུས་ཀྱི་སྐྱོན་དང་། ལུས་ཀྱི་ཉེས་པ་སྤྱོད་པ་གང་དག་ཡིན་པ་དེ་དག་ཐམས་ཅད་ཀྱི་ཐམས་ཅད
iiif viewer powered by OpenSeadragon
