| e-texts navigator |
| Wylie |
244b1 ཇི་ལྟ་བ་བཞིན་དུ་རབ་ཏུ་ཤེས་སོ།། ཉལ་ལོ་སྙམ་པ་དང་ལྡང་ངོ་སྙམ་པ་དང་འཆག་གོ་སྙམ་པ་དང་།། འདུག་གོ་སྙམ་དུ་དྲན་པ་དང་ལྡན་པ་ཡིན་ཞིང་ཡང་དག་པར་ཇི་ལྟ་བ་བཞིན་དུ་རབ་ཏུ་ཤེས་སོ།། དེ་གཅིག་པུ་དབེན་པ
244b2 འདུག་སྟེ། ནང་དུ་ཡང་དག་བཞག་ནས་འཁྲུག་པ་མེད་པའི་ཡིད་ཀྱིས་ལུས་འདི་ཉིད་ལ་འདི་ལྟ་སྟེ། ཀྱེ་མ་ལུས་འདི་ནི་མི་རྟེན་པ་མི་རྟག་པ། རང་བཞིན་གྱིས་ཉམ་ཆུང་བའི་སྙིང་པོ་མེད་པ། ཐེར་ཟུག་མ
244b3 ཡིན་པ། རྣམ་པར་མཐོར་བའི་ཆོས་ཅན། རྣམ་པར་འཇིག་པའི་ཆོས་ཅན། རྟེན་ཅིང་འབྲེལ་པར་འབྱུང་བ་སྒྱུ་མ་དང་འདྲ་བ། ཟིལ་བའི་ཐིགས་པ་དང་འདྲ་བ། གཡོ་བ་མི་གནས་པ། མི་གཙང་བ
244b4 རྣག་གི་དྲི་དྲ་བ་ཅན།། རླུང་དང་ཉི་མས་མཐར་གཏུག་པ། མཐར། འདུལ་བ། མཐར་རྡུལ་དུ་འགྱུར་བ་ངན་སྐྱུགས་ཀྱི་མཿ། ཐུག་པ་ནད་མང་བ། གནོད་པ་ཅན་མགོན་པའི་ནད་མང་། ནཱ་བ
244b5 འཇིག་པའི་ངད་ཅན་རུས་པ་བསྩོགས་པའི་དྲི་ང་བཾ། འཛག་པ་ཅན་བསྒྲིམས་ཏེ། རིམ་གྲོ་བྱ་དགོས་པ་ཡིན་པར་ཡང་དག་པ་ལྟ་བ་བཞིན་དུ་སོ་སོར་རྟོག་གོ།། དེ་དེ་ལྟར་ཡང་དག་པའི་དྲན
244b6 བས་ལུས་ཀྱི་སྐྱོན་རྣམས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པས་ལུས་ལ་ཆགས་པ་འམ། ལུས་ལ་ཀུན་ཏུ་འདོད་ཆགས་པ་དང་། ལུས་ལ་བདག་གི་ཉིད་ཡིན་པ་མི་བསྐྱེད་དོ།། དེ་ལུས་ལ་མི་ལྟ་བས་སྲོག
244b7 ལ་ཆགས་པ། སྲོག་པ་ཀུན་ཏུ་འདོད་ཆགས་དང་སྲོག་ལ་བདག་གི་ཉིད་ཡིན་པ་མི་བསྐྱེད་དོ།། དེ་ལུས་དང་སྲོག་ལ་མི་ལྟ་བས་ཆོས་གོས་ངན་ངོན་དང་ཁ་ཟས་ངན་ངོན་དང་མལ་ཆ་དང་། སྟན་ངན་ངོན་དང་། ན་བའི་གསོ
iiif viewer powered by OpenSeadragon
