| e-texts navigator |
| Wylie |
270b1 ཅན་རྣམས་ལ་བདེའ་མར་མཛད་སྲད་དུ་ཐབས་ཀྱིས་སེང་གེའི་རྣམ་པར་རོལ་པ་མཛད།། སེང་གེ་རྣམ་པར་རྩེ་བ་ལ་དམྱིགས་པའི་གླེང་གཞིའི་ལེའུ་ཞེས་བྱ་སྟེ། ཉི་ཤུ་གཅིག་པའོ།།
270b2 སྤྲིན་ཆེན་སྙིང་པོས་གསོལ་པ། མཚམས་སྦྱར་བ་ཚོགས་པའི་རྣམ་པ་འཇིག་རྟེན་དང་འཐུན་པར་འཇུག་པར་བྱ་བ་ལ་འཇུག་པའི་མདོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་མངོན་པར་མཚམས་སྦྱར་བར་གསོལ
270b3 བཅོམ་ལྡན་འདས་ཀྱིས་བཀའ་སྩལ་པ། མཚམས་བརྟག་པར་བྱ་བའི་རྒྱལ་པོ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཐབས་ཀྱིས་ཤི་ནད་ཏུ་རབ་ཏུ་ཞི་བར་བྱ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། དད་པའི་སྤང
270b4 རྩི་འཇམ་པ་ཡང་དག་པར་རབ་ཏུ་གཟུང་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། སེང་གེ་རྣམ་པར་རྩེ་བ་མངོན་པར་འཕགས་པ་ལ་འདག་པ་ཞེས་བྱ་བའི་ཆོས་ཀྱི་སྒོ་དང་། རིམ་པ་སྟོན་པའི་དུས་དང་།
270b5 ཚོད་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། རིམ་པ་དང་རིམ་པ། མྱེད་པ་དང་། ཡུལ་དང་ཡུལ་མ་ཡིན་པར་འཇུག་པ་ལ་མཁས་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། གདུལ་དཀའ་བ་དང་།
270b6 དམུ་རྒོད་ཐབས་ཀྱིས་གཟུང་བ་ཞེས་བྱ་བའི་ཆོས་ཀྱི་སྒོ་དང་། མདའ་ལྟ་ར་མགྱོགས་པར་ལུས་ལ་དཔལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། མཆོད་པ་འདོད་པ་ཐམས་ཅད་འཐོབ་པ་ལ་འཇུག་པ་ཞེས་བྱ་བའི་ཆོས
270b7 ཀྱི་སྒོ་དང་། གནས་འོག་མའི་ལས་བྱེད་པའི་ཐབས་ལ་འཇུག་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་མཚམས་སྦྱར་བ་ཚོགས་པའི་རྣམ་པ་འཇིག་རྟེན་དང་འཐུན་པར་འཇུག་པར་བྱ་བ་ལ་འཇུག་པའི་མདོ་ཞེས་བྱ
270b8 བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ་ལྷའི་བུ་སྤྲིན་ཆེས་བྱ་བས་བཅོམ་ལྡན་འདས་ལ་མཆོད་པ་བྱས་ནས། ཚིགས་སུ་བཅད་པ་འདི་སྨྲས་སོ།། ཀྱེ་མ་འོག་མའི་གནས་གཤེགས་པ།། བཅོམ་ལྡན་དཀལ
270b9 བ་མཛད་པ་ལགས། ཉིད་ཀྱི་སྲས་ལ་སྨན་སླད་དུ། ཐབས་ཀྱི་སྐུ་ལ་གནས་ནས་ཀྱང་།། ཡོངས་སུ་མྱ་ངན་འདའ་བར་མཛད།། མཚམས་སྦྱར་བ་ཚོགས་པའི་རྣམ་པ་འཇིག་རྟེན་དང་འཐུན་པར་འཇུག་པར
iiif viewer powered by OpenSeadragon
