| e-texts navigator |
| Wylie |
172a1 དེ་འདི་སྙམ་དུ་སེམས་ཏེ། བདག་ཀྱིས་ཇི་སྔོན་གྱི་ཕྱི་རྟག་པ་ཁོ་མ་ལ་རྟག་པར་བསམས་ཤིང་། བདག་གི་སྡུག་བསྔལ་བ་ཁོ་ན་ལ་ནི་བདེ་བར་བསམས། བདག་གྱིས་མྱི་གཙང་བ་ཁོ་ན་ལ་ནི་གཙང་བར་བསམས།
172a2 བདག་གྱིས་བདག་མྱེད་པ་ཁོ་ན་ལ་ནི་བདག་ཏུ་བསྲེས་ཏེ་དེ་ལྟར་ན་བདག་གི་ནི་སྔོན་མྱི་རྟག་པ་ལ་རྟག་པར་འདུ་ཤེས་པ་དང་། སྡུག་བསྔལ་བ་ལ་བདེ་བར་འདུ་ཤེས་པ་དང་། མྱི་གཙང་བ་ལ་གཙང་བར་འདུ་ཤེས་པ་དང་། བདག
172a3 མྱེད་པ་ལ་བདག་དུ་འདུ་ཤེས་པར་གྱུར་ད་ཏོ་སྙམ་དུ་སེམས་སོ།། དགེ་སློང་དག་འདི་ལྟ་སྟེ་དཔེར་ན། ཆུ་རླུང་ཀྱི་འགྲམ་འམ། ཡུར་པོ་ཆེའི་འགྲམ་ན། སྨ་རྙན་གི་སྒྲ་གྲག་པར་གྱུར་ད་ན། དེ་ལ་སེམས་ཅན་བྱིས་པའི་རང་བཞིན
172a4 ཅན་དང་། རྨོངས་པའི་རང་བཞིན་ཅན་དང་། ཤེས་རབ་འཆལ་པའི་རང་བཞིན་ཅན་གང་དག་ཡིན་པ་དེ་དག་ནི་འདི་སྙམ་དུ་སེམས་ཏེ། གང་ལ་ས་སྒྲ་འདི་གྲག་པའི་སེམས་ཅན་དེ་ནི་བདེན་པ་དང་། གནས་པའི་སྒོ།
172a5 ནས་ཡོད་དོ་སྙམ་དུ་སེམས་སོ།། སེམས་ཅན་བྱིས་པའི་རང་བཞི། ན་ཅན་མ་ཡིན་པ་དང་། རྨོངས་པའི་རང་བཞིན་ཅན་མ་ཡིན་པ་དེ།། ཤེས་རབ་འཆལ་པའི་རང་བཞིན་ཅན་གང་དག་ཡིན་པ་དེ་དག་ནི
172a6 འདི་སྙམ་དུ་སེམས་ཏེ། གང་ལས་སྒྲ་འདི་གྲག་པའི་སེམས་ཅན་དེ་དག་ནི་བདེན་པ་དང་། གནས་པའི་སྒོ་ནས་ཡོད་པ་མ་ཡིན་ཏེ། སྒྲ་བརྙན་འདི་འབའ་ཤིག་ཡོད་དེ། རྣ་བ་སླུ་བར་བྱེད་པ་དེ་འབའ་ཤིག་ཡོད་དོ།
172a7 སྙམ་དུ་སེམས་སོ།། དགེ་སློང་དག་དེ་བཞིན་དུ་འཕགས་པ་ཉན་ཐོས་ཐོས་པ་དང་ལྡན་པ་ཡང་། བདག་གིས་རྣ་བས་རྣམ་པར་ཤེས་པར་བྱ་བ་འདས་པ་དང་། མ་འོངས་པ་དང་། ད་ལྟར་བྱུང་བའི་སྒྲ་གང་དག་ཡིན་པ་འདི་དག་ལ་རྟག།
172a8 པ་ཉིད་དམ། བརྟན་པ་ཉིད་དམ། ཐེར་ཟུག་པ་ཉིད་དམ། དེ་བཞིན་ཉིད་དམ། མ་ནོར་བ་དེ་བཞིན་ཉིད་དམ། གཞན་མ་ཡིན་པ་དེ་བཞིན་དམ། ཡང་དག་པའི་ཉིད་དམ། བདེན་པ་ཉིད་དམ། དེ་ཁོ་ན་ཉིད་དམ། ཇི་ལྟ་བ་དེ
172a9 བཞིན་ཉིད་དམ། མ་ནོར་བ་ཉིད་དམ། ཕྱིན་ཅི་མ་ལོག་པ་ཉིད་མྱེད་དེ། གསོག་ཀྱང་དེ་ཉིད་ཡིན། གསོབ་ཀྱང་དེ་ཉིད་ཡིན།། སྙིང་པོ་མྱེད་པ་ཡང་དེ་ཉིད་ཡིན། བརྫུན་པ་ཡང་དེ་ཉིད་ཡིན། སླུ་བའི་ཆོས་ཀྱང་དེ་ཉིད
iiif viewer powered by OpenSeadragon
