| e-texts navigator |
| Wylie |
156b1 འཐབ་པར་འོས་པ་ཅིའི་ཕྱིར་སྙམ།། གསོལ་པ།། བཙུན་པ་བཅོམ་ལྡན་འདས་ནི་ཆོས་རྣམས་ཀྱི་གཞི་སོ་ལགས་ཏེ། བཅོམ་ལྡན་འདས་ཀྱི་མཚོན་པ་དང་། བཅོམ་ལྡན་འདས་ལ་རྟེན་པ་ལགས་པས། བཅོམ་ལྡན་འདས
156b2 ཀྱིས་དོན་དེ་དགེ་སློང་རྣམས་ལ་ལེགས་པར་བཀའ་སྩ་ལང་དུ་གསོལ།། བཅོམ་ལྡན་འདས་ལས་ཐོས་ནས། དགེ་སློང་རྣམས་ཀྱང་འཛིན་པར་འགྱུར་ལགས་སོ།། བཀའ་སྩལ་པ། ཀུན་དགའ་བོ་དེའི་ཕྱིར་ལེགས་པར
156b3 རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་པར་བྱའོ།། ཀུན་དགའ་བོ་ཉན་ཐོས་དད་པ་ཅན་གང་དག་འདི་ལྟ་སྟེ། མདོའི་སྡེ་དང་། དབྱངས་ཀྱིས་དབྱངས་པའི་སྡེ་དང་། ལུང་དུ་བསྟན་པའི་སྡེ་དང་། ཚིགས་སུ་བཅད་པའི
156b4 སྡེ་དང་། ཆེད་དུ་བརྗོད་པའི་སྡེ་དང་། གླེང་གཞིའི་སྡེ་དང་།། རྟོགས་པ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པ་རབས་ཀྱི་སྡེ་དང་། ཤིན་ཏུ་རྒྱས་པའི་སྡེ་དང་། རྨད་དུ་བྱུང་བ་ཆོས་ཀྱི་སྡེ་དང་།། གཏན
156b5 ལ་ཕབ་པར་བསྟན་པོའི་སྡེའི་ཆོས་དེ་དག་དང་། དེ་ལྟ་བུའི་ཆོས་རྣམས་མཉན་པའི་ཕྱིར། ཇི་སྲིད་མཚོའི་བར་དུ།། ཕྱིར་བཀག་ཀྱངསྟོན་པའི་ཕྱི་བཞིན་རྗེས་སུ་འབྲང་བ་ནི་འོས་པ་མ་ཡིན་ནོ།། དེ་ཅིའི
156b6 ཕྱིར་ཞེ་ན། ཀུན་དགའ་བོ་ཆོས་དེ་དག་ནི་ཡུན་རིང་པོ་ནས་ཐོས་ཤིང་བཟུང་ལ། བརྟན་པར་བྱས་ཤིང་། ཁ་ཏོན་དུ་བྱ་བ་དང་། ཡིད་ཀྱིས་བརྟགས་པ་དང་། མཐོང་བར་ཤིན་ཏུ་རྟོགས་པར་བྱས་ཟིན་པའི་ཕྱིར་རོ།། ཀུན
156b7 དགའ་བོ་ཉན་ཐོས་དད་པ་ཅད་གང་དག་འཕགས་པ་ཡོ་བྱུང་སྦྱངས་པ་སེམས་ཀྱི་སྒྲིབ་པ་མྱེད་པ་དང་། འཐུན་པར་འགྱུར་བའི་གཏམ་འདི་ལྟ་སྟེ། ཚུལ་ཁྲིམས་ཀྱི་གཏམ་དང་། ཏིང་ངེ་འཛིན་གྱི་གཏམ་དང་། ཤེས་རབ་ཀྱི་གཏམ་དང
156b8 རྣམ་པར་གྲོལ་བའི་གཏམ་དང་། རྣམ་པར་གྲོལ་བའི་ཡེ་ཤེས་མཐོང་བའི་གཏ་མ་དང་། འདོད་པ་ཆུང་བའི་གཏམ་དང་། ཆོག་ཤེས་པའི་གཏམ་དང་། མྱི་སྩོགས་པའི་གཏམ་དང་། ཡོ་བྱངས་བསྙུངས་པའི་གཏམ་དང་། འདུ་འཛི།
156b9 མྱེད་པའི་གཏམ་དང་། སྤོང་བའི་གཏམ་དང་། འདོད་ཆགས་དང་བྲལ་བའི་གཏམ་དང་། འགོག་པའི་གཏམ་དང་། སྟོང་པ་ཉིད་ཀྱི་གཏམ་དང་། རྐྱེན་འདི་པ་ཉིད་ཀྱི་རྟེན་ཅིང་འབྲེལ་བར་འབྱུང་བའི་གཏམ་དང་། དེ་ལྟ་བུའི་གཏམ
iiif viewer powered by OpenSeadragon
