| e-texts navigator |
| Wylie |
151b1 དཀའ་བ་ཉིད་ལ་བརྩོན་པའི་རྗེས་སུ་མྱི་སྦྱོར་བ་དང་། ཚོགས་ལ་མྱི་དགའ་བ་དང་། ཚོགས་ལ་ཀུན་ཏུ་མྱི་དཀའ་བ་དང་། ཚོགས་ལ་ཀུན་ཏུ་དགའ་བ་ཉིད་ལ་བརྩོན་པའི་རྗེས་སུ་མྱི་སྦྱོར་བ་གནས་པ་ཤིང་ཚོགས་ལས་གཅིག་པུ་ལོགས་ཤིག
151b2 ན་གནས་པ་དེ་ནི་རེ་ཤིག་འཕགས་པའི་བདེ་བ་དང་། ངེས་པར་འབྱུང་བའི་བདེ་བ་དང་། རབ་ཏུ་དབེན་པའི་བདེ་བ་དང་། ཉེ་བར་ཞི་བའི་བདེ་བ་དང་། རྫོགས་པར་བྱང་ཆུབ་པའི་བདེ་བ་དང་། དེ་ལྟ་བུའི་བདེ་བ་གང་ཡིན་པ་དེ་དག་ཀྱི
151b3 འདོད་པ་བཞིན་ཐོབ་པ་དང་། དགའ་བ་མྱེད་པར་ཐོབ་པར་འགྱུར་བ་དེ་ནི་གནས་ཡོད་དོ།། ཀུན་དགའ་བོ་དགེ་སློང་བྲེ་མོ་གཏམ་ལ་དགའ་བ་དང་། བྲེ་མོ་གཏམ་ལ་ཀུན་ཏུ་དགའ་བ་དང་། བྲེ་མོ་གཏམ་ལ་ཀུན་ཏུ་དགའ་བ་ཉིད་ལ།
151b4 བརྩོན་པའི་རྗེས་སུ་སྦྱོར་བ་དང་། ཚོགས་ལ་དགའ་བ་དང་། ཚོགས་ལ་ཀུན་ཏུ་དགའ་བ་དང་། ཚོགས་ལ་ཀུན་ཏུ་དགའ་བ་ཉིད་ལ་བརྩོན་པའི་རྗེས་སུ་སྦྱོར་བ་ལ་གནས་ཤིང་། ཚོགས་ལས་གཅིག་པུ་ལོག་ཤིག་ན་མྱི་གནས་པ
151b5 དེས་ནི་རེ་ཤིག་དུས་དང་།། སྦྱོར་ཞིང་སྲུང་བའི་སེམས་རྣམ་པར་གྲོལ། བ་འམ།། དུས་དང་མྱི་སྦྱོར་ཞིང་མྱི་ཉམས་པ་ལུས་ཀྱི་མངོན་གསུ་མ་དུ་བྱས་ནས་བསྒྲུབས་ཏེ་གནས་པར་འགྱུར་བ་དེ་ནི་གནས་མྱེད་དོ།།
151b6 ཀུན་དགའ་བོ་དགེ་སློང་བྲེ་མོ་གཏམ་ལ་མྱི་དགའ་བ་དང་། བྲེ་མོ་གཏམ་ལ་ཀུན་ཏུ་མྱི་དགའ་བ་དང་། བྲེ་མོ་གཏམ་ལ་ཀུན་ཏུ་དཀའ་བ་ཉིད་ལ། བརྩོན་པའི་རྗེས་སུ་མྱོ་སྦྱོར་བ་དང་། ཚོགས་ལ་མྱི་དགའ་བ་དང་། ཚོགས
151b7 ལ་ཀུན་ཏུ་ཕྱི་དགའ་བ་དང་།། ཚོགས་ལ་ཀུན་ཏུ་དགའ་བ་ཉིད་ལ་བརྩོན་པའི་རྗེས་སུ་ཀྱི་སྦྱོར་བ་གནས་ཤིང་། ཚོགས་ལས་གཅིག་པུ་ལོག་ཤིག་ན་གནས་པ་དེས་ནི་རེ་ཤིག་དུས་དང་། སྦྱོར་ཞིང་སེམས་རྣམ་པར་གྲོལ་བའམ། དུས་དང་གྱི་སྤོར
151b8 ཞིང་གྱི་ཉམས་པ་ལུས་ཀྱིས་མངོས་སུམ་དུ་བྱས་ནས་བསྒྲུབས་ཏེ་གནས་པར་འགྱུར་བ་དེ་ནི་གནས་ཡོད་དོ།། ཀུན་དགའ་བོ་ངས་གང་ལ་ཀུན་ཏུ་དགའ་བ་དང་། མངོན་དགའ་བ་དེ་གཟུགས་དེའི་རྣམ་པར་འགྱུར་བ་དང་། ཀའང་དུ་འགྱུར་བ་ལས་མྱ་ང་དང་།
151b9 སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མྱི་བདེ་བ་དང་། འཁྲུག་པ་དག་འབྱུང་བར་མྱི་འགྱུར་བའི་གཟུགས་ནི་གཅིག་ཀྱང་ཡང་དག་པར་རྗེས་སུ་མྱི་མཐོང་ངོ་།། ཀུན་དགའ་པོ་དེ་ལྟ་བས་ན་ངའི་ཀན་པ་ནི་འདི་ལྟ་སྟེ། རྣམ་པ་ཐམས་ཅད་དུ
iiif viewer powered by OpenSeadragon
