| e-texts navigator |
| Wylie |
151a1 ཆོས་གོས་ཀྱི་ལས་ལ་འདུས་ཏེ་འདུག་པར་གྱུརྡ་ཏོ།། ཚེ་དང་ལྡན་པ་ཀུན་དགའ་བོས་རྒྱང་རིང་པོ་ནས་བཅོམ་ལྡན་འདས་མཐོང་ངོ་།། མཐོང་ནས་ཀྱང་བསྟན་ལས་ལངས་ཏེ། བཅོམ་ལྡན་འདས་ཀྱི་བདམ
151a2 བཤམས་ནས་འདི་སྐད་ཅེས་ཀྱང་གསོལ་ཏོ།། བཅོམ་ལྡན་འདས་ཚུར་གཤེགས་སུ་གསོལ།། བཅོམ་ལྡན་འདས་ལེགས་པར་གཤེགས་ལེགས་སོ།། བཅོམ་ལྡན་འདས་བདན་བཤམས་པ་འདི་ལ་བཞུགས་སུ
151a3 གསོལ།། བཅོམ་ལྡན་འདས་བ་དན་ལ་བཞུགས་ནས།། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་བ།། ཀུན་དགའ་བོ་དགེ་སློང་རབ་ཏུ་མང་པོ་དག་གིས་ཤག་ཀྱ་དུས་བདེའི་གཙུག་ལག་ཁང་དུ་ཐ་གབ་མྱེད་པར་སྟན་རབ
151a4 ཏུ་མང་པོ་དག་བཏིང་སྟེ་དོང་ངོ་།། གསོལ་པ་བཅོམ་ལྡན་འདས་ཆོས་གོས་གསལ་བའི་དུས་ལགས་སོ།། བདེ་བར་གཤེགས་པ་ཆོས་གོས་གསལ་བའི་དུས་ལགས་སོ།། བཀའ་སྩལ་པ་ཀུན་དག།
151a5 བོ་དགེ་སློང་བྲེ་མོ་གཏམ་ལ་དཀའ་བ་དང་། བྲེ་མོ་གཏམ་ལ་ཀུན་ཏུ་དགའ་བ་དང་། བྲེ་མོ་གཏམ་ལ་ཀུན་ཏུ་དགའ་བ་ཉིད་ལ་བརྩོན་བའི་རྗེས་སུ་སྦྱོར་བ་དང་། ཚོགས་ལ་དགའ་བ་དང་། ཚོགས་ལ
151a6 ཀུན་ཏུ་དགའ་བ་དང་། ཚོགས་ལ་ཀུན་ཏུ་དགའ་བ་ཉིད་ལ་བརྩོན་པའི་རྗེས་སུ་སྦྱོར་བ་ལ་གནས་པ་ནི་མྱི་མཛེས་ཏེ། ཀུན་དགའ་བོ་དགེ་སློང་བྲེ་མོ་གཏམ་ལ་དགའ་བ་དང་། བྲེ་མོ་གཏམ་ལ་ཀུན་དགའ་བ་དང་། བྲེ་མོ་གཏམ་ལ
151a7 ཀུན་ཏུ་དགའ་བ་ཉིད་ལ་བརྩོན་པའི་རྗེས་སུ་སྦྱོར་བ་དང་། ཚོགས་ལ་དགའ་བ་དང་། ཚོགས་ལ་ཀུན་ཏུ་དགའ་བ་དང་། ཚོགས་ལ་ཀུན་ཏུ་དགའ་བ་གཉིས་ལ་བརྩོན་པའི་རྗེས་སུ་སྦྱོར་བ་ལ་གནས་ཤིང་། ཚོགས་ལས་གཅིག་པུ
151a8 ལོག་ཤིག་ན། མྱི་གནས་པ་དེས་ནི་རེ་ཤིག་འཕགས་པའི་བདེ་བ་དང་། ངེས་པར་འབྱུང་བའི་བདེ་བ་དང་། རབ་ཏུ་དབེན་པའི་བདེ་བ་དང་། ཉེ་བར་ཞི་བའི་བདེ་བ་དང་། རྫོགས་པའི་བྱང་ཆུབ་པའི་བདེ་བ་དང་། དེ་ལྟ་བུའི་བདེ་བ་གང
151a9 ཡིན་པ་དེ་དག་ཅི་འདོད་པ་བཞིན་ཐོབ་པ་དང་། དགའ་བ་མྱེད་པར་ཐོབ་པར་འགྱུར་བ་དེ་ནི་གནས་མྱེད་དོ།། ཀུན་དགའ་བོ་དགེ་སློང་བྲེ་མོ་གཏམ་ལ་མྱི་དགའ་བ་དང་། ཐེ་མོ་གཏམ་ལ་ཀུན་ཏུ་མྱི་དགའ་བ་དང་། བྲེ་མོ་གཏམ་ལ་ཀུན་ཏུ
iiif viewer powered by OpenSeadragon
