| e-texts navigator |
| Wylie |
149a1 ཡས་སྐྱེ་མཆེད་དུ་འདུ་ཤེས་པ་ཁོ་ན་འམ།། དེ་ལས་ཁ་གཅིག་ལ་བརྟེན་ནས།། མྱི་སྟོང་པ་ཡང་ཡོད་དོ་སྙམ་མོ།། དེ་ལ་ཨར་འདུ་ཤེས་པ་དང་། ནམ་མཁའ་མཐའ་ཡས་སྐྱེ་མཆེད་དུ་འདུ་ཤེས་པ་ལ་བརྟེན་ནས།། ཉོན།
149a2 མོངས་པའི་གནས་གང་དག་ཡིན་པ་དེ་དག་མྱེད་ཀྱང་། དེ་ལ་འདི་ལྟ་སྟེ། རྣམ་ཤེས་མཐའ་ཡས་སྐྱེ་མཆེད་དུ་འདུ་ཤེས་པ་ཁོ་ན་འམ།། དེ་ལས་ཁ་གཅིག་ལ་བརྟེན་པ་ཙམ་གྱི་ཉོན་མོངས་པའི་གནས་ནི་ཡོད་དོ།། ཀུན་དགའ་བོ་དེ་ལྟ་བས
149a3 ན་གང་ལ་གང་མྱེད་པ་དེ་དེས་སྟོང་ངོ་ཞེས་བྱ་བར་ཡང་དག་པར་རྗེས་སུ་མྱི་མཐོང་ཡང་དེ་ལས་ལྷག་མ་གང་ཡོད་པ་དེ་དེ་ལ་ཡོད་དོ་ཞེས་བྱ་བར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། ཀུན་དགའ་བོ་སྟོང་པ་ཉིད་ལ་འཇུག་པ་འོད
149a4 ནི་ཡང་དག་པ་ཇི་ལྟ་བ་བཞིན་ཏེ། ཕྱིན་ཅི་མ་ལོག་པ་ཡིན་ནོ།། ཀུན་དགའ་བོ་གཞན་ཡང་དགེ་སློང་ཞིག་ཀྱེ་མ་བདག་སྟོང་པ་ཉིད་ཀྱིས་ལན་མང་དུ་གནས་པར་བྱའོ་ཞེས་འདོད་པར་གྱུར་པ་ན། ཀུན་དགའ་བོ་དགེ་སློང་དེས
149a5 ནམ་མཁའ་མཐའ་ཡས་སྐྱེ་མཆེད་དུ་འདུ་ཤེས་པ་དང་། རྣམ་ཤེས་མཐ། འཡས་སྐྱེ་མཆེད་དུ་འདུ་ཤེས་པ་ཡིད་ལ་མྱི་བྱ་བར། ཅི་ཡང་མྱེད་པ། འི་སྐྱེ་མཆེད་དུ་འདུ་ཤེས་པ་འམ། དེ་ལས་ཁ་གཅིག་ཡིད་ལ་བྱའོ།།
149a6 དེ་འདི་སྙམ་དུ་སེམས་ཏེ། འདུ་ཤེས་ཀྱི་རྣམ་པ་འདི་ལྟ་སྟེ། ནམ་མཁའ་མཐའ་ཡས་སྐྱེ་མཆེད་དུ་འདུ་ཤེས་པ་དང་། རྣམ་ཤེས་མཐའ་ཡས་སྐྱེ་མཆེད་དུ་འདུ་ཤེས་པས་སྟོང་ཡང་དེ་ལ་འདི་ལྟ་སྟེ། ཅི་ཡང་མྱེད་པའི།
149a7 སྐྱེ་མཆེད་དུ་འདུ་ཤེས་པ་ཁོ་ན་འམ། དེ་ལས་ཁ་གཅིག་ལས་བརྟེན་ནས་ཀྱི་སྟོང་པ་ཡང་ཡོད་དོ་སྙམ་མོ།། ། དེ་ལ་ནམ་མཁའ་མཐའ་ཡས་སྐྱེ་མཆེད་དུ་འདུ་ཤེས་པ་དང་།། རྣམ་ཤེས་མཐའ་ཡས་སྐྱེ་མཆེད་དུ་འདུ་ཤེས་པ་ལ་བརྟེན་པ་ཉོན་མོངས།
149a8 བའི་གནས་གང་དག་ཡིན་པ་དེ་དག་མྱེད་ཀྱང་དེ་ལ་འདི་ལྟ་སྟེ། ཅི་ཡང་མྱེད་པའི་སྐྱེ་མཆེད་དུ་འདུ་ཤེས་པ་ཁོ་ན་འམ། དེ་ལས་ཁ་ཅིག་ལ་བརྟེན་པ་ཙམ་གྱི་ཉོན་མོངས་པའི་གནས་ཡོད་དོ།། ཀུན་དགའ་བོ་དེ་ལྟ་བས་ན་གང་ལ་གང་མྱེད་པ་དེ
149a9 དེས་སྟོང་ངོ་ཞེས་བྱ་བས་ཡང་དག་པར་རྗེས་སུ་མཐོང་ཡང་། དེ་ལས་ལྷག་མ་གང་ཡོད་པ་དེ་དེ་ལ་ཡོད་དོ་ཞེས་བྱ་བར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། ཀུན་དགའ་བོ་སྟོང་པ་ཉིད་ལ་འཇུག་པ་འདི་ནི་ཡང་དག་པ་ཇི་ལྟ་བ་བཞིན་ཏེ།
iiif viewer powered by OpenSeadragon
