| e-texts navigator |
| Wylie |
148a1 རྗེས་སུ་མཐོང་ཡང་། དེ་ལ་ལྷག་མ་གང་ཡོད་པ་དེ་དེ་ལ་ཡོད་དོ་ཞེས་བྱ་བར་ཡང་དག་པ་ཇི་ལྟ་བ་བཞིན་ཏུ་རབ་ཏུ་ཤེས་ཏེ། ཀུན་དགའ་བོ་སྟོང་པ་ཉིད་ལ་འཇུག་པ་འདི་ནི་ཡང་དག་པའི་ཇི་ལྟ་བ་བཞིན་ཏེ། ཕྱིན་ཅི་མ
148a2 ལོག་པ་ཡིན་ནོ།། ཀུན་དགའ་བོ་གཞན་ཡང་དགེ་སློང་ཞིག། ཀྱེ་མ་བདག་སྟོང་པ་ཉིད་ཀྱིས་ལན་མང་དུ་གནས་པར་བྱའོ་ཞེས་འདོད་པར་གྱུར་པ་ན། ཀུན་དགའ་བོ་དགེ་སློང་དེས་མྱིར་འདུ་ཤེས་པ་དང་། དགོན་པར་འདུ་ཤེས་པ་ཡིད་ལ།
148a3 མྱི་བྱ་བར། སར་འདུ་ཤེས་པ་འམ། དེ་ལས་ཁ་གཅིག་ཡིད་ལ་བྱ་ཞིང་། དེས་འདི་ལྟར་སའི་ཕྱོགས་གང་དག་མཐོན་དམན་དང་། སྡོང་དུམ་དང་། གསེར་མའི་གཞི་དང་། རྡོ་བ་དང་། གསེག་མ་དང་། གྱོ་དུམ་དང་། བཅས་པ་དང་།
148a4 ཚ་རྒོ་ཅན་དང་དཀོན་དུང་དང་། ཐ་ཆང་དང་། སྡིག་པ་ཅན་གིས་དེ་དག་ཡིད་ལ་མྱི་བྱ་བར། སའི་ཕྱོགས་གང་དག་མཉམ་པ་དང་། མྱི་མཉམ་པ་མྱེད་པ་དང་། ལག་མཐིལ་ལྟ་བུ་དང་། གཙང་བ་དང་། ནགས་ཚལ་དང་།
148a5 ལྡན་པ་དང་ཉམས་དགའ་བ་དེ་ལྟ་བུའི་ས་ཕྱོགས་དེ་དག་ཡིད་ལ་བྱ་སྟེ། འདི་ལྟ་སྟེ་དཔེར་ན། ཁྱུད་མཆོག་གི་ཀོ་བ་ཕུར་བུ་བརྒྱས་ཤིན་ཏུ་བ། རྒྱངས་པ། གཉེར་མ་རངས་ཤིང་། ཁམ་ཞུམ་མྱེད་པ་དེ་བཞིན་དུ
148a6 སའི་ཕྱོགས་གང་དག་མཐོན་དམན་དང་། སྡོང་དུམ་དང་། ཚེར་མའི་གཞི་དང་། རྡོ་བ་དང་། གསེག་མ་དང་། གྱོ་དུམ་དང་བཅས་པ་དང་། རྐོ་ཅན་དང་། དཀོན་དུང་དང་། ཐ་ཆད་དང་། སྡིག་པ་ཅན་གྱིས་དེ་དག
148a7 ཡིད་ལ་མྱི་བྱ་བར། སའི་ཕྱོགས་གང་དག་མཉམ་པ་དང་། མྱི་མཉམ་པ་མྱེད་པ་དང་། ལག་མཐིལ་ལྟ་བུ་དང་། གཙང་བ་དང་། ནགས་ཚལ་དང་ལྡན་པ་དང་། ཉམས་དཀའ་བ་དེ་ལྟ་བུའི་ས་ཕྱོགས་དེ་དག་ཡིད་ལ་བྱའོ།། དེ་འདི་སྙམ་དུ
148a8 སེམས་ཏེ་འདུ་ཤེས་ཀྱི་རྣམ་པ་དེ་ལ་འདི་ལྟ་སྟེ། མྱིར་འདུ་ཤེས་པ་དང་། དགོན་པར་འདུ་ཤེས་པས་སྟོང་ཡང་འདི་ལ་འདི་ལྟ་སྟེ། སར་འདུ་ཤེས་པ་ཁོ་ན་འམ། དེ་ལས་ཁ་གཅིག་ལ་བརྟེན་ནས།། གྱི་སྟོང་པ་ཡང་ཡོད་དོ་སྙམ
148a9 མོ། དེ་ལ་མྱིར་འདུ་ཤེས་པ་དང་། དཀོན་པར་འདུ་ཤེས་པ་ལ་བརྟེན་པ་ཉོན་མོངས་པའི་གནས་གང་དག་ཡིན་པ་དེ་དག་མྱེད་ཀྱང་། དེ་ལ་འདི་ལྟ་སྟེ། སར་འདུ་ཤེས་པ་ཁོ་ན་འམ།། དེ་ལས་ཁ་གཅིག་ལ་བརྟེན་པ་ཙམ་གྱི།
iiif viewer powered by OpenSeadragon
