| e-texts navigator |
| Wylie |
303b1 དེའི་ཚེ་ན་སེང་གེ་དེ་གཉིད་ལོག་སྟེ་ཉལ་བ་ལ། རྔོན་པས་དུག་མདའ་འཕགས་སོ།། དེ་ནས་སེང་གེ་སད་ནས་རྔོན་པ་ལ་བསྒྲགས་པ་དང་། ཆོས་གོས་ཀོན་པ་མཐོར་ནས། འདི་སྙམ་དུ་བསམས་སོ།།
303b2 འདི་ལྟ་བུ་འཇིག་རྟེན་ཡུན་ཏུ་མྱི་གནས་ཏེ། རིང་པོར་གྱི་ཐོགས་པར་སྡུག་བསྔལ་ཀུན་ལས་རྣམ་པར་གྲོལ་ལོ།། དེ་ཅིའི་ཕྱིར་ཞེ་ན། ཁ་དོག་བསྒྱུར་བའི་ཆོས་གོས་འདི་ནི་འདས་པ་དང་། མ་འོངས་པ་དང་།
303b3 ལྟར་བྱུང་བའི་འཕགས་པ་རྣམས་ཀྱི་རྒྱལ་མཚན་ཡིན་ཏེ། བདག་གིས་གནོད་པ་བྱས་ན། དུས་གསུམ་གི་འཕགས་པ་རྣམས་ལ་ངན་སེམས་བསྐྱེད་པ་ཡིན་ནོ་སྙམ་བསམས་ཏེ། གསོད་པ་བཏང་བ་དང་། དུག་མདས
303b4 ཞེནད་པས། ཤི་ལ་ཡུག་ནས་འདི་སྐད་ཅེས་སྨྲས་སོ།། ཡ་ལ་ལ། བ་ག་སྭ་ཧ་ཞེས་སྨྲས་པའི་ཚེ་གནས་ས་ཀུན་གཡོས་ཏེ་སྤྲིན་མྱེད་པར་ཆར་པ་བབ་ནས་ལྷ་རྣམས་ཀྱིས་ལྷའི་མྱིག་གིས་བརྟགས་ན། འཇིག་རྟེན
303b5 འདིར་རྔོན་པས་བྱང་ཆུབ་སེམས་དཔའ་སེང་གེར་བཞུགས་པ་བསད། པར་མཐོང་ནས། སྟེང་གི་ནམ་མཁའ་ལ་ལྷ་རྫས་ཀྱི་མེ་ཏོག་ཆར་བཞིན་དུ་ཕབ་སྟེ། སེར་གེའི་རོས་མཆོད་པ་བྱས་སོ།། དེའི
303b6 ཚེ་རྔོན་པས་སེར་གེའི་པགས་པ་བཞུས་ནས་ཁྱིམ་དུ་འོངས་ཏེ། རྒྱལ་པོ་དེ་བྱི་ལ་ཕུལ་ནས་བྱ་དཀའ་གསོལ་པ་དང་། རྒྱལ་པོས་འདི་སྙམ་དུ་བསམས་སོ།། ཡི་གེ་དང་གཙུག་ལག་ལས་བྱོལ
303b7 སོང་གི་ནང་དུ་གང་གི་སྐུ་མདོག་གསེར་ལྟར་འདུག་ན། ངེས་པར་བྱང་ཆུབ་སེམས་དཔའ་ཡིན་ཏེ། སྐྱེས་བུ་ཆེན་པོ་ཡིན་ནོ་ཞེས་འབྱུང་ན། ཅིའི་ཕྱིར་རྔོན་པ་འདི་ལ་བྱ་དགའ་སྦྱིན། གལ་ཏེ་བྱ་དགའ་བྱིན། བདག
303b8 ཀྱང་གསོད་གསོད་པ་དང་བ་མྱི་དད་དོ་སྙམ་བསམས་ནས། དེའི་ཚེ་རྔོན་པས་ཡང་བསྐུ་ལད་པ་དང་། རྒྱལ་པོས་ཀྱང་ཉུང་ཞིག་བྱིན་ནས་རྔོན་པ་ལ་འདི་སྐད་ཅེས་སྨྲས་སོ།། སེང་གེ་འདི་ཤི་བའི་ཚེ་ངོ་མཚར་ཆེ་བའམ
303b9 ལས་ཅི་བྱུང་ཞེས་དྲིས་ན། ཁ་ནས་ཡི་གེ་འབྲུམ་བརྒྱད་སྤྲས་ཏེ། གནམ་མ་ཡང་གཡོས་ནས་སྤྲིན་བྱེད་པར་ཆར་པ་བབ་ཅིང་ལྷ་རྣམས་ཀྱིས་མེ་ཏོག་ཕབ་བོ།། དེའི་ཚེ་རྒྱལ་པོས་དེ་སྐད་སྨྲས་པ་ཐོས་ནས།། ཤིན་ཏུ་མྱི
iiif viewer powered by OpenSeadragon
