| e-texts navigator |
| Wylie |
288b1 གྲོགས་པོ་བཞིའི་བསོད་སྙོམས་སྦྱ་རང་པས་སྐལ་པ་དགུ་བཅུ་རྩ་གཅིག་གི་བར་དུ་ལྷ་དང་མྱིའི་ནང་ན། ཆོ་རིགས་བཙུན་པར་སྐྱེས་ཏེ། དབུལ་འཕོངས་པའི་རིགས་སུ་མ་སྐྱེས་སོ།། དེ་ཡང་མཐོང་བ་ཙམ་གིས་འབྲས་བུ་ཐོབ་པར།
288b2 གྱུརར་ཏོ།། དེའི་ཚེ་ན་དགའ་བོ་དང་དགེ་སློང་རྣམས། བཅོམ་ལྡན་འདས་ཀྱིས་གསུངས་པ་ཐོས་ནས། སོ་སོ་ནས་བརྩོན་འགྲུས་པ་ཐམས་པས་འབྲས་བུ་དང་པོ་ནས། འབྲས་བུ་བཞི་པའི་བར་དུ་ཐོབ་བོ།། ཁ་ཅིག་ནི་རྒྱ་ཆེན་པོའི་ས
288b3 བསྐྱེད་དེ་ཕྱིར་མྱི་ལྡོག་པའི་ས་ལ་གནས་པར་གྱུར་ཏོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་ས་ལང་ནས། སོ་སོ་ནས་རྗེས་སུ་ཡི་རང་སྟེ་མངོན་པར་དགའོ།། ཁྱིམ་བདག་ངན་བྱི་ལི་ཞེས་བྱ་བའི་ལེའུ་སྟེ་བཞི་བཅུ་ཆ་གཉིས་སོ།།
288b4 འདི་སྐད་བདག་གིས་ཟོས་པ་དུས་ཅིག་ན། བཅོམ་ལྡན་འདས་མཉན་དུ་ཡོད་པ་ན། འཛེ་ཏའི་ཚལ་མགོན་མྱེད་པས་སྦྱིན་གྱི་ཀུ་དགའ་ར་བ་མ་བཞུགས་སོ།། དེའི་ཚེ་ཡུལ་དབུས་ཀྱུ་རང་འཆང་ན།
288b5 ཕྱིམ་བདག་གཅིག་ལ་བུ་ཞིག་བཙས་ཏེ། བཟང་བ་ལྟ་ན་སྟུག་པ། མཚན་དང་ལྡན་པ་ཞིག་གོ།། ཁྱེའུ་དེ་ཐོག་མ་བཙས་པ་ན་མཛོད་ཀྱི་ནང་། ནས། གསེར་གི་བལ་ལར་གཅིག་རང་བྱུང་ངོ་།། ཁྱེའུ་པ་མས་དེ་ལྟ་བུ
288b6 བྱུང་བ་མཐོང་ནས་རབ་ཏུ་དགའ་སྟེ། མཚན་མཁན་ལ་བསྟན་ནས། མཚན་མཁན་གིས་ཀྱང་ཁྱེའུ་འདི་བསོད་ནམས་ཀྱི་ཚད་དང་ལྡན་པར་རྟོགས་སོ།། ཁྱེའུ་འདི་ཐོག་མ་བཅས་པ་ན་ངོ་མཚར་ཆེ་བའི་ལྟས་ཅི་བྱུང
288b7 ཞེས་དྲིས་སོ།། ཁྱེའུའི་ཕ་མས་སྨྲས་པ། ཁྱེའུ་འདི་བཙས་པའི་ན་མཛོད་ཀྱི་ནང་ནས། གསེར་གི་བན་གླང་གཅིག་རང་བྱུང་ངོ་ཞེས་སྦས་པ་དང་། ཁྱེའུའི་མྱིང་ཡང་ཁན་གླང་སྐྱོང་ཞེས་བཏགས་ཏོ།། ཁྱེའུ་ཅི་ཙམ་དུ་ཆེར་སྐྱེས
288b8 པ་བཞིན། གསེར་གི་བན་གླར་ཡང་སྐྱེ་སྟེ། ཁྱེའུ་འགྲོ་ན་བལ་གླར་ཡང་འགྲོ་སྟེ། རྟག་ཏུ་འགྲོགས་སོ།། བལ་གླང་གི་གཅིན་རྟུག་ཀྱང་གསེར་ཏུ་འབྱུང་ངོ་།། བལ་གླང་སྐྱོར་ཆེར་སྐྱེས་ནས། ཁྱིམ་བདག་གི་བུ་ལྔ་བརྒྱ་ཙམ་དང་རྟ
288b9 ཏུ་ལྷན་ཅིག་ཆེ་སྟེ། གཅིག་ལ་གཅིག་ཡིད་བཅུགས་པས་ཕྱི་ཞིག་ན་བྱིས་པ་དེ་དག་སོ་སོ་ནས་ཁྱིམ་ཁྱིམ་ན་ངོ་མཚར་ཆེ་བ་ཅི་ཡོད་པའི་གཏམ་བྱས་པ་དང་། དེ་ལ་ཁ་ཅིག་ནི་ངའི་ཁྱིམ་ན་ཁྲི་བསྟནད་དང་ཉལ་བའི་མལ་ལ་སཚོགས་པ།
iiif viewer powered by OpenSeadragon
