| e-texts navigator |
| Wylie |
234b1 བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ལ། དགེ་སློང་ཆེན་པོའི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་དང་ཐབས་གཅིག་ཏུ་བཞུགས་སོ།། དེའི་ཚེ་ན་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་ཤེས་ཀོའུ།
234b2 དྱ་ནྱ་ལས་སྩོགས་པ་ལ་བསྙེན་བཀུར་བྱ་བའི་གཡོག་ཅིག་དགོས་སོ་ཞེས་བཀའ་སྩ་ལད་པ་དང་། དེ་ནས་ཀུན་ཤེས་ཀོའུ་དི་ནྱ་སྟན་ལས་ལངས་ཏེ། བླ་གོས་ཕྲག་པ་ཅིག་ཏུ་བྱས་ནས། བཅོམ་ལྡན་འདས་ག་ལ་བ་ལོགས་སུ
234b3 ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ་བདག་གིས་བསྙེན་བཀུར་ཡིད་བཞིན་དུ་བགྱི་ཞིང་ཆོས་གོས་དང་། ལྷུང་བཟེད་བཟུང་ངོ་ཞེས་གསོལ་པ་དང་། བཅོམ་ལྡན་འདས་ཀྱིས་ཀོའུ་རི་རྒྱལ་ཁྱོད་ཉིད་ཀྱང
234b4 ཞོམ་རྒས་ཏེ། ཁྱོད་ཉིད་ལ་ཡང་བསྙེན་བཀུར་བྱེད་པ་དགོས་ཀྱིས་ཀོའུ་དི་ནྱ་ཁྱོད་སྟན་ལ་འདུག་ཤིག་ཅེས་བཀའ་སུ་ལད་ཏོ།། དེ་བཞིན་དུ་འོད་སྲུང་དང་། ཤ་རིའི་བུ་དང་། མེའུ་དག་ལ་ཡ་ན་ལས
234b5 སྩོགས་པ་ཉེ་གནས་ལྔ་བརྒྱ་སྙེད་ཀྱིས། བཅོམ་ལྡན་འདས་ལ། ཡིད་བཞིན་དུ་བསྙེན་བཀུར་བགྱིའོ།། ཞེས་གསོལ་ན་ཡང་། གཅིག་ཀྱང་མ་གནང་ངོ་།། དེ་ནས་ཚེ་དང་ལྡན་པ་མ་འགགས་པས
234b6 བཅོམ་ལྡན་འདས་ཀྱི་བསྙེན་བཀུར་བྱ་བའི་དགེ་སློང་གང་ལ་དགྱེས་པ་བརྟགས་ན། བཅོམ་ལྡན་འདས་ཀྱི་ཐུགས་དགའ་བོ་ལ་དགྱེས་པ་ནི། འདི་ལྟ་སྟེ་ཁང་བུ་བརྩེགས་པའི་ཤར་ཕྱོགས་ཀྱི་སྐར་ཁུར་ནས་ཉི
234b7 མའི་འོད་ཟེར་བྱུང་ན། ནུབ་ཕྱོགས་ཀྱི་ངོས་ལ་ཤརྡ་ཅིང་ལྷན་པ་བཞིན་དུ། བཅོམ་ལྡན་འདས་ཀྱི་ཐུགས་དགའ་བོ་ལ་དགོངས་ཤིང་དགྱེས་པར་ཉེ་གནས་ཀུན་གྱིས་རྟོགས་ནས། ཚེ་དང་ལྡན་པ་ཤཱ་རིའི་བུ་དང་། མེའུ་དགལ་ཀི་བུ
234b8 ཆེན་པོ་གཉིས་དགའ་བོ་ཀང་ར་བ་དེར་སོང་སྟེ། ཕྱི་ནད་པ་དང་། དཀའ་བོ་དང་ལྷན་ཅིག་ཡིད་མགུ་ཞིང་དཀའ་བའི་གཏམ་རྣམ་པ་དུ་མ་བྱས་ནས། ཕྱོགས་གཅིག་ཏུ་འཁོད་དོ།། ཕྱོགས་ཅིག་ཏུ་འཁོད་ནས་ཤ་རིའི་བུ་དང
234b9 མེའུ་དག་ལ་ཡ་ནས། ཚེ་དང་ལྡན་པ་དགའ་བོ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་དགའ་བོ་བཅོམ་ལྡན་འདས་ལ་བསྙེན་བཀུར་བྱ་བར་དད་དམ། བཅོམ་ལྡན་འདས་ཀྱང་ཁྱོད་ཀྱིས་བསྙེན་བཀུར་བྱ་བར་དགྱེས་ཏེ
iiif viewer powered by OpenSeadragon
