| e-texts navigator |
| Wylie |
232b1 གསོལ་བ་ཞག་དུས་བརྩིས་ནས། དེའི་ཉིན་པར་མྱི་དེ་གཟེབ་ཅིག་ཐོགས་ཏེ། སྦྲུལ་གདུག་པ་དེ་གང་ན་བར་འདུག་པ་དེར་སོང་ངོ་།། སྦྲུལ་གདུག་པ་དེས་ཀྱང་མྱི་དེ་འོངས་པ་མཐོང་ནས་རབ་ཏུ་དགའ་བར་གྱུར་ད་ཏེ། མྱི་དེས་སྦྲུལ་གཟེབ་གི
232b2 ནང་དུ་བཅུག་ནས་ཁྱེར་ཏེ་སོང་བ་ལས་ལམ་དུ་མྱི་ཞིག་དང་འཕྲད་དེ། མྱི་དེས་ཁྱོད་གང་གང་ནས་འོངས་ཤེས་ལན་གསུམ་གི་བར་དུ་དྲིས་ཀྱང་། སྦྲུལ་ཐོགས་པ་དེས་ཅང་མ་སྨྲས་པས། སྦྲུལ་དེས་འཁྲོས་ནས་གདུག་པ་འབྱུང་བ་ལས་ཡང
232b3 འདི་སྙམ་དུ་བསམས་སོ།། མྱི་འདིས་ཅི་ཞིག་ཉེས་ན་ཕ་རོལ་པོས་ལན་གསུམ་གི་བར་དུ་དྲིས་ན་གཏམ་ལན་ཡང་མྱི་སྟེར་སྟེ་སྟེ། ཕྱིར་ཡང་འཁྲོས་ནས་གདུག་པ་འབྱུང་བ་ལས་ཕྱིར་བཀག་སྟེ། ཡང་འདི་སྙམ་དུ་བསམས་སོ།།
232b4 མྱི་འདིས་བདག་གི་ཕྱིར་བསོད་ནམས་བྱེད་ན། བྱས་པ་གཟོའ་བའི་དྲིན་ཡང་དྲན་པར་མ་བྱས་པར་གདུག་པ་མྱི་དབྱུང་ངོ་སྙམ་བསས་ཏེ་མྱི་འདིས་བདག་ལ་ཕན་པའི་དོན་བྱེད་ཀྱིས་ཉེས་པ་ཞིག་བྱས་ན་ཡང
232b5 བཟོད་པར་བྱའོ་ཞེས་དབེན་པར་ཕྱིནད་པ་དང་། རེ་ཤིག་ས་ལ་ཞོག་ཤིག་ཅེས་སྨྲས་པ་དང་། མྱི་དེས་སྦྲུལ་དེ་ལ་སེམས་སྨད་དེ། བདག་གི་ཉེས་པ་འགྱོད་ཅིང་བཤགས་སོ་ཞེས་སྨྲས་པས། ཕྱིར
232b6 ཡང་ཁུར་དུ་ཁྱེར་ཏེ། དགེ་འདུན་གི་གནས་སུ་ཕྱིནད་པ་དང་། དགེ་འདུན་དག་ཀྱང་གདུགས་ཚོད་ཀྱི་དུས་ལ་བབ་པས། མྱི་དེས་དགེ་འདུན་ལ་མེ་ཏོག་བྲིམས་ཏེ། སྦྲུལ་དེ་དད་པའི་སེམས་ཀྱིས་མེ་ཏོག།
232b7 འདྲིམ་པ་ལྟའོ།། དེ་ནས་དགེ་འདུན་དག་ཟས་ཀྱི་བྱ་བ་བྱས་ནས་ཁ་ལག་བཀྲུས་ཏེ་སྦྲུལ་དེ་ལ་ཆོས་བཤད་དོ།། སྦྲུལ་དེ་རབ་ཏུ་དཀའ་ནས་གསེར་གི་བུམ་པ་དྲུག་ཅར་ཀྱང་དགེ་འདུན་ལ་ཕུལ་ཏེ། བསོད་ནམས་ཀྱི་ལས་བྱས
232b8 ནས་ཚེ་འཕོས་སོ།། ཚེའི་དུས་བྱས་ནས་དེའི་བསོད་ནམས་ཀྱིས་སུམ་བཅུ་རྩ་གསུམ་གེ་ལྕེར་སྐྱེས་སོ།། དགའ་བོ་དེའི་དུས་ན་སྦྲུལ་ཁུར་དུ་ཁྱེར་བ་དེ་ནི་ད་ལྟར་བ་ཡིན་ནོ།། སྤུས་གདུག་པ་ནི་ཤ་རིའི་བུ་ཡིན་ནོ།། འདས་པའི
232b9 དུས་ན་ཡང་ཁུར་དུ་ཁྱེར་བ་ལས་སྦྲུལ་གྱིས་བྱོས་ཏེ། དེ་ལ་ཡང་སེམས་སྨད་པས་ད་ཡང་དགེ་སློང་རྣམས་ལ་སེམས་སྨད་པ་ཡིན་ནོ།། དགའ་བོ་ལས་སྩོགས་པས། སངས་རྒྱས་ཀྱིས་གསུངས་པ་ལ་ཡི་རང་ནས་མངོན་ལྔ་དགའོ
iiif viewer powered by OpenSeadragon
