| e-texts navigator |
| Wylie |
228b1 བར་སྟོནད་ཅིག་ཅེས་སྨྲས་པ་དང་། དགེ་སློང་མ་ཨུད་པ་ལས་ཁྱེད་རྟགས་པར་ཉོན་ཅིག་ཁྱེད་ལ་བསྟན་ནོ་ཞེས་སྨྲས་སོ།། སྔོན་འདས་པའི་དུས་ཡུན་རིང་པོ་ཞིག་ན། ཁྱིམ་བདག་ཤི་ནང་ཏུ་ཕྱུག་པ་ཞིག་ལ་བུ་མྱེད་པ
228b2 ལས་ཆུང་མ་ཞིག་བླངས་ཏེ། ཆུན་མ་དེ་ལ་བྱམས་པས་རིང་པོ་མ་ལོན་པར་ཆུན་མ་དེ་སེམས་ཅན་དང་ལྡན་པར་གྱུར་ཏོ།། ཟླ་བ་ཚང་ནས་བུ་ཁྱེའུ་ཞིག་བཙས་ཏེ། ཁྱོ་ཤུག་གཉིས་དེ་ལ་བྱམས་ཤིང་སྡུག་པར་འཛི་དད་ཏོ།།
228b3 དེ་ནས་ཆུང་མ་ཆེན་མས་འདི་སྙམ་དུ་བསས་སོ།། ཁོ་མོའི་རིགས་ཆེ་ཞིང་བཙུན་མོད་ཀྱི་བུ་མྱེད་པས་རིགས་འཚོབ་པ་མྱེད་དོ།། གལ་ཏེ་ཁྱེའུ་འདི་སྐྱེས་ན་རིགས་འཚོབ་ཅིང་ནོར་དང་ལོངས་སྤྱོད་ཀྱི་བདག་པོར་གྱུར་ད་ཏེ། བདག
228b4 ལ་མྱི་སྟེར་ཅིང་བདག་སྡུག་པར་འོང་ངོ་སྙམ་ཕྲག་དོག་སྐྱེས་ཏེ། བསད་པར་བསམས་ནས། ཁྱེའུའི་ཚོགས་མར་ཁབ་ཀྱིས་བཙུགས་ཏེ་རྨ་ཡང་མྱི་སྣང་བར་བྱས་སོ།། ཁྱེའུ་ཡང་རིང་དུ་མ་ལོན་པར་ཚེ
228b5 འདས་པ་དང་ཆུན་མ་འཁམས་ནས། ཆེན་མ་ལ་ཁྱོད་ཀྱིས་ངའི་བུ་བསད་དོ་ཞེས་བརྒ་ལང་ཏོ།། ཆེན་མས་བསྙོན་ནས་འདི་སྐད་མནའ་བོར་རོ།། ཁོ་མོས་ཁྱོད་ཀྱི་བུ་བསད་པར་གྱུར་ད་ན། ཁོ་མོ་སྐྱེ་བ
228b6 ཐམས་ཅད་དུ་ཁོ་མོའི་ཁྱོ་སྦྲུལ་གདུག་པས་བསད་པར་ཤོག་ཤིག། བུ་ཞིག་ཡོད་ན་ཡང་བུ་ཆུས་ཁྱེར་བ་དང་སྤྱད་ཀྱིས་ཟ་བར་ཤོག་ཤིག། ཁོ་མོ་འི་ལུས་ཀྱང་གསོན་པོར་དུར་དུ་བཅུག་ཅིང་བུའི་ཤ་ལ་ཟ་བར་ཤོག་ཤིག
228b7 ཕ་མའི་ཁྱིམ་དུ་མེ་གོར་ཏེ་ཐམས་ཅད་ཚིག་པར་ཤོག་ཤིག་ཅེས་སྨྲས་སོ།། དེའི་ཚེ་ན་དེ་སྐད་ཅེས་མནའ་བོར་བའི་ཆེན་མ་དེ་ནི་ཁོ་མོ་ཡིན་ཏེ། དེ་དག་ཐམས་ཅད་ལུས་ཀྱིས་མྱོང་བར་གྱུརྡ་ཏོ།། དགེ་སློང་དེ་དག་གིས
228b8 ཡང་སྨྲས་པ། བསོད་ནམས་ཅི་ཞིག་བྱས་ནས་སངས་རྒྱས་མཐོང་ཞིང་། སངས་རྒྱས་ཀྱིས་བསྐུས་ནས་རབ་ཏུ་བྱུང་སྟེ་འཁོར་བའི་མཐར་ཕྱི་ནད་པར་གྱུར་ད། ཨུད་པ་ལས་སྨྲས་པ། སྔོན་འཁོར་མོར་འཇིག་འདིར་དྲང
228b9 སྲོང་རི་ཞེས་བྱ་བ་ལ། རང་སངས་རྒྱས་དང་ཉན་ཐོས་དང་། མུ་སྟེགས་ཅན་མངོན་པར་ཤེས་པ་དང་ལྡན་པ་མང་དུ་གནས་སོ།། དེའི་ཚེ་ན་རང་སངས་རྒྱས་དག་ཅིག་བསོད་སྙོམས་ལ་གྲོང་དུ་གཤེགས་པ་དང་། ཁྱིམ
iiif viewer powered by OpenSeadragon
