| e-texts navigator |
| Wylie |
224a1 བདག་དབང་བའི་རྒྱལ་ཕྲན་ཁྲི་ཕྲག་སུམ་བཅུ་ཆ་དྲུག་མཆིས་ན་དེ་དག་དང་རིལ་ཀྱིས་མཆི་འམ། བྱེད་དང་མ་མིའི་བཀའ་བཅོལ་ཅིག་ཅེམ་མཆིའོ།། རྒྱལ་པོ་ཆེན་པོས་ཀྱང་བྱིར་དེ་ལ། རྒྱལ་ཕྲན་ཕྱེད་དང་ཆོས་ལ་ཤོག་ཤིག།
224a2 ཅེས་བསྒོ་བ་དང་། གསེར་སའི་རྒྱལ་པོ་རྒྱལ་ཕྲན་བརྒྱད་སྟོང་དང་བཅས་སུ་མཉན་དུ་ཡོད་པར་རྒྱལ་པོ་ཕྲུལང་བའི་གྱང་ངར་ལྷགས་ནས་ཕྱག་འཚལ་ཏེ་འདི་སྐད་དུ་བསམས་སོ།། རྒྱལ་པོ་ཆེན་པོ་འདིའི
224a3 བྱད་གཟུགས་ནི་བདག་པས་ལྷག་ཀྱང་། མཐུ་སྟོབས་ནི་བདག་ཙམ་མྱི་ཕོད་དོ་སྙམ་བསམས་པ་དང་། འཕྲུལ་གི་རྒྱལ་པོས་བློན་པོ་རིན་པོ་ཆེ་ལ་ཁྱོད་གི་གཞུ་གསེར་སའི་རྒྱལ་པོ་ལ་བྱིན་ཅེས་བཀའ
224a4 སཿལད་པ་དང་། རྒྱལ་པོ་དེས་བླངས་ཞེས་བྱས་ན་མ་ཐེག་གོ།། དེ་ནས་འཕྲུལ་ཀྱི་རྒྱལ་པོས་བླངས་ཏེ། མཐེ་འུ་ཆུང་གིས་གཞུ་གདུངས་ཏེ། གསེར་སའི་རྒྱལ་པོ་ལ
224a5 གཞུ་ཁོར་ཅིག་ཅེས་བཀའ་སཿལད་པ་དང་། གསེར་སའི། རྒྱལ་པོས་མནམས་ན་གཞུ་རྒྱུད་ཀྱང་མ་བསྐུལྡ་ཏོ།། དེ་ནས་འཕྲུལ་གི་རྒྱལ་པོས་བླངས་ཏེ་དྲངས་ན། གཞུ
224a6 རྒྱུད་སྦྲེངས་པ་ཙམ་གྱིས་སྟོང་གསུམ་གི་སྟོང་ཆེན་པོའི་འཇིག་རྟེན་གི་ཁམས་ཀྱང་འགུལ་ཞིང་གཡོས་སོ།། དེ་ནས་མདའ་བླ་ངས་ཏེ་མདའ་གཅིག་འཕངས་ན། འཕངས་མ་ཐག་ཏུ་མདའ
224a7 ལྔར་གྱུར་ཏེ་མདའ་དེ་དག་གི་རྩེ་མོ་ལ་འོད་ཟེར་གྲངས་མྱེད་པ་བྱུང་ནས། པད་མོའི་ཤིང་རྟའི་བར་ལོ་ཙམ་རེ་རེ་ཡང་ཡོད་པར་གྱུར་ཏེ། པད་མོ་དེ་རེ་རེ་ལ་ཡང་འཁོར་ལོས་སྒྱུར་བའི
224a8 རྒྱལ་པོ་རན་པ་རིན་པོ་ཆེ་སྣ་བདུན་དང་ལྡན་པ་རེ་རེ་ཡོད་པར་གྱུར་ཏོ།། འོད་ཟེར་དེ་དག་གི་སྟོང་གསུན་སོན་པོའི་འཇིག་རྟེན་གི་ཁམས་སྡང་བར་བྱས་ནས་ལམ་རྒྱུད་ལྔའི་སེམས་ཅན་ཐམས
224a9 ཅད་ལ་ཕན་པའི་དོན་དུ་མ་གྱུར་པ་མྱེད་དོ།། ལྷ་རྣམས་ཀྱི་གནས་སུ་འོད་ཟེར་དེ་མཐོང་ཞིང་ཆོས་སྟོན་པའི་གསུང་ཡང་གར་གྲགས་པར་གྱུར་ནས་དེ་དག་གི་ལུས་དང་སེམས་ཡོངས་སུ་དག་པ་སྟེ།
iiif viewer powered by OpenSeadragon
