| e-texts navigator |
| Wylie |
215b1 གཞན་གིས་མསང་དེ་ཀུན་གྱིས་ཐོམ་པ་དང་། གནས་རུལ་ཅིང་མྱགས་པ་ཡང་གྲངས་མྱེད་དོ།། དེ་ལྟར་ལུས་འདི་ཆུང་ཟོས་ཀྱང་མསོད་ནམས་སུ་གྱུར་པ་མྱེད་རོ།། ཡིད་དགས་ཀྱི་འམས་སུ་སྐྱེས་ནས་ལུས་ལ་མེ་འབར་ཏེ། འཁོར།
215b2 ལོས་མགོ་བཅད་མ་ཐག་ཏུ་ཕྱིར་ཡང་སོས་པ་གྲངས་བྱེད་པ་ཞིག་མྱོང་སྟེ། དེ་ལྟར་ལུས་ཆུད་ཟོས་ཀྱང་བསོད་ནམས་སུ་གྱུར་པ་མྱེད་དོ།། གལ་ཏེ་མྱིར་སྐྱེས་ན་ཡང་ནོར་དང་། བུད་མྱེད་ཀྱི་ཕྱིར་ཞོ་རྔམ་པས་མྱིག་དགྲང་དེ། གཅིག
215b3 ལ་གཅིག་འཚེ་ཞིང་གསོད་པ་དང་། གཡུལ་ངོར་ལྷགས་ནས་གཅིག་ལ་གཅིག་གསོད་དེ། དེ་ལྟར་ལུས་ཆུད་ཟོས་པ་དང་། འདོད་ཆགས་དང་ཞེ་སྡང་གཏི་མུག་གིས་ལུས་གྲངས་མྱེད་པ་ཞིག་ཤི་ཡང་བསོད་ནམས་སུ་གྱུརྡ
215b4 ཏེ། བདག་གིས་ལུས་འདི་ཡོངས་སུ་བཏང་བར་བྱའོ།། བདག་གིས་ལུས་ནི་མྱི་གཙང་བ་རྣམ་པ་སྣ་ཚོགས་ཀྱི་ཕུང་པོ་སྟེ། རིང་པོ་མྱི་ཐོགས་པར་འཇིག་ཅིང་འབྲལ་བར་འགྱུར་བས་མྱི་རྟན་ཞིང་བཅོག་པའི
215b5 འགྲོ་འདིས་ཕན་པའི་དོན་ཆེན་པོར་འགྱུར་ན། ཅིའི་ཕྱིར་སྦྱིན་པར། མྱི་བྱ། རའི་མགོ་འདིས་བྲམ་ཟེ་དེ་ལ་བྱིན་ཏེ། བསོད་ནམ་ས་འདིས་བླ་ན་མྱེད་པའི་བྱང་ཆུབ་བསྒྲུབ་བོ།། ནམ་མངོན་པ
215b6 སངས་རྒྱས་ན་ཡོན་ཏན་ཕུན་སུམ་ཚོགས་པར་འགྱུར་ཏེ། ཐབས་མ་ཁས་པས་ཁྱེད་ཀྱང་སྡུག་བསྔལ་ལས་བཟླའོ།། ངས་སྦྱིན་བ་བྱས་པ་འདིས་མངོན་པར་སངས་རྒྱས་ནས་བླ་ན་མྱེད་པའི་བྱང
215b7 ཆུང་གི་སེམས་ལ་བྱེད་པར་ཆད་དང་། བགེགས་མ་བྱེད་ཅིག། རྒྱལ་ཕྲན་དང་བློན་པོ་དང་། བཙུན་མོ་དང་སྲས་རྣམས་དེ་སྐད་ཅེས་བཀའ་སཿལད་པ་འོས་ནས་ཅད་མྱི་སྨྲ་བར་འཁོད་དེ།། དེ་ནས་རྒྱལ་པོ་ཆེན་པོས
215b8 བྲམ་ཟེ་ལ་སྨྲས་པ། ད་མགོ་བོ་བླང་བའི་དུས་ལ་བབ་ཀྱིས་ལོང་ཤིང་ཅེས་སྨྲས་སོ།། བྲམ་ཟེས་གསོལ་པ། ད་ལྟར་རྒྱལ་པོ་དང་། བློན་པོ་ལ་སོཚོགས་པ་འཁོར་མང་པོས་བསྐོརྡ་ཏེ། བདག་ཅིག་པུས་རྒྱལ་པོའི
215b9 དབུ་བཅད་པའི་མཐུ་མ་མཆིས་ཏེ། ཐུགས་མྱི་ཐུབ་པོ།། བདག་ལ་མཿལད་པར་ཆད་ན། རྒྱབ་ཀྱི་སྐྱེད་མོས་ཚལ་དུ་གཤེགས་སོ་ཞེས་གསོལ་ཏོ།། དེ་ནས་རྒྱལ་པོ་ཆེན་པོས་རྒྱལ་ཕྲན་དང་། རྒྱལ་བུ་རྣམས་ལ་བསྒོས
iiif viewer powered by OpenSeadragon
