| e-texts navigator |
| Wylie |
205b1 ཀྱི་མམམ་ཡང་བརྗོད་དུ་བཅུག་སྟེ། ཡོན་ཏན་རྣམ་པ་སྣ་ཚོགས་སྔགས་ནས། རྒན་མོ་ལ་ཁྱོད་འདུག་པའི་གནས་ཡོད་དམ། རྒན་མོས་སྤྲས་པ། བདག་ལ་གནས་མ་མཆིས་ཏེ། འཐག་པ་དང་རྟུན་ཆུང་བ་དང་། ལས་བྱེད་པའི་གན
205b2 ཉིད་ལ་ཉལ་ལོ།། བར་འགའ་ནི་ལུད་ཕུང་གི་སྟེང་ན་ཉལ་ལོ།། ཀ་ཏ་ཡ་ནས་སྨྲས་པ། ཁྱོད་ངན་ལས་བྱེད་པ་ལས་འགྱོད་པ་དང་། མྱི་དགའ་བ་མ་བྱེད་པར་བརྩོན་འགྲུས་སུ་ལས་བྱོས་ལ། ཇོ་མོ་ཉལ་བའི་འོག་ཏུ་དལ་ཀྱིས་རྔོ་མོ།
205b3 ལི་སྒོ་བྱེ་སྟེ། སྒོ་ཕག་གམ་གྲཝ་ཞིག་ཏུ་ཚྭ་གཙར་མ་བཏིང་བ་ལ་འདུག་ནས། གཞན་མ་སེམས་པར་སངས་རྒྱས་ཡིད་ལ་བྱོས་ལ་དྲན་པར་གྱིས་ཤིག། དེ་ནས་རྒན་མོས་ཀྱང་བསྟན་པ་བཞིན་དུ་བྱས་ནས། རིང་པོ་མ་ལོན་པ
205b4 མཚན་མོ་འདུག་བཞིན་དུ་ཚེ་འཕོས་ནས་སུམ་ཅུ་ཆ་གསུམ་གི་ལྷར་སྐྱེས་སོ།། དེའི་ཇོ་མོས་ནང་པར་སྔར་ལངས་ནས་ཁྱིམ་གི་ནང་ན་བྲན་མོ་ཤི་བར་མཐོང་ནས། ཁྲོས་ཏེ་རྒན་མོ་འདི་ཁྱིམ་གི་ནང་དུ་མ་བཏང་ན་ཅིའི་ཕྱིར་འདི
205b5 ཤི་ཞེས་གཤེའ་ནས་རྐང་པ་ལ་ཆ་ཐག་གཏགས་ཏེ་བཤལྡ་ནས་དུར་ཁྲོད་དུ་བསྐྱལ་ཏོ།། དེའི་ཚེ་ལྷའི་སྲས་པོ་ཞིག་ལ། ལྷའི་བུ་མོ་ལྔ་བརྒྱས་བསྐོར་ཏེ། ཚེ་དཀའ་ནས། རྒན་མོ་དེ་ཚེ་འདས་ནས་ལྷའི
205b6 སྲས་མོའི་ནང་དུ་སྐྱེས་སོ།། ལྷར་སྐྱེ་བ་བདག་དབང་པོ་རྣོན་པོས་ནི་བད་ག་ཅིའི་རྒྱནད་ཀྱིས་ལྷར་སྐྱེས་པ་ཤེས་སོ།། དབང་པོ་རྟུལ་པོ་དག་མྱི་ཤེས་ཏེ། རྒན་མོ་དེ་ཡང་ཅིའི་ཕྱིར་ལྷར་སྐྱེས་པ་ནི་མྱི་སེམས་ཀྱི
205b7 བདེ་བ་འབའ་ཤིག་ལ་ཆགས་སོ།། དེའི་ཚེ་ན་ཤ་རིའི་བུས་སུམ་བཅུ་རྩ་གསུམ་གནས་ན་འདུག་པ་དེས། ཁྱོད་ཅིའི་རྐྱེ་ནད་ཀྱིས་ལྷར་སྐྱེས་པ་ཤེས་སམ་ཞེས་དྲིས་པ་དང་། བདག་མྱི་ཤེས་སོ་ཞེས་སྨྲས་ནས། ཤ་རིའི་བུས་ལྷའི་མྱིག
205b8 སྟངས་ཏེ་ཇི་ལྟར་ལྷར་སྐྱེས་པ་མཐོང་བར་བྱས་སོ།། དེ་ནས་ལྷའི་སྲས་མོ་ལྔ་བརྒྱ་ཙམ་དང་དུར་ཁྲོད་དུ་ལྷགས་ཏེ། རོ་ལ་ལྷའི་མེ་ཏོག་གིས་གཏོར། སྤོས་ཀྱིས་མཆོད་པ་བྱས་སོ།། ལྷའི་འོད་གིས་གྲོང་ཁྱེར་དེ་དག་སྣང་བ་ཆེན
205b9 བོས་སྡང་བར་གྱུར་ནས། དེའི་རྔོ་མོ་ལ་སོགས་པ་ཡ་མཚན་དུ་གྱུརར་ཏེ། མྱི་མང་པོ་དང་ལྟར་དོང་བ་ལས། ལྷ་མང་པོས་རྒན་མོའི་རོ་ལ་མཆོད་པ་བྱེད་པ་མཐོང་ནས། ལྷ་རྣམས་ཁྱེད་ཅིའི་ཕྱིར་འདིའི་རོ་ལ་མཆོད་པ་བྱེད། འདི་ནི།
iiif viewer powered by OpenSeadragon
