| e-texts navigator |
| Wylie |
195a1 བའི་སླད་དུ་བདག་ཅག་ཁྱོད་ལ་འཐོལ་ཚངས་བགྱིའོ་ཞེས་སྨྲས་པ་དང་། དགེ་སློང་དེ་དག་ཀྱང་བདག་ཅག་ནི་ལུས་ལ་ཡང་མྱི་དགེ་བའི་བསམ་པ་མྱེད་ཀྱིས་ཚངས་པར་གྱུར་ད་ཅིག་ཅེས་སྨྲས་སོ།། དེ་ནས་དགེ་སློང
195a2 དཔལ་སྐྱེས། དགེ་སློང་གཞོན་ནུ་དེ་རྣམས་ཤི་ནད་ཏུ་འགྱོད་ཅིང་གནོར་བཀུར་བའི་སེམས་དང་ལྡན་པར་རྟོགས་ནས། དགེ་སློང་དེ་དག་ལ་དམ་པའི་ཆོས་བསྟན་ཏེ། དེ་དག་གིས་འཁོར་བ་རྒྱབ་ཀྱིས་ཕྱོགས་པའི་གཏམ་ཟོས
195a3 ནས། བཚོན་པ་དང་འབད་པས་ནན་ཏན་བྱས་ཏེ། ཀུན་ནས་ཉོན་མོངས་པའི་ཟག་པ་ཀུན་ཟད་ནས། དགྲ་བཅོམ་པར་གྱུ་རང་ངོ་།། དེ་ནས་ཁྱིམ་བདག་དཔལ་སྐྱེས་ཀྱང་རྒྱལ་པོའི་ཁབ་ཏུ་ཤིན་ཏུ་གྲགས་པར་གྱུར་ཏེ།
195a4 ཀུན་ཀྱིས་ངོ་མཚར་ཡ་མཚན་དུ་ཁྱིམ་བདག་རྒན་པོ་ཅི་ཡང་མྱི་ནུས་པ་ཡང་སངས་རྒྱས་ཀྱི་བསྟནད་པ་ལ་རབ་ཏུ་བྱུང་ནས། དགྲ་བཅོམ་པར་གྱུར་ད་ཏེ།། འདི་ལྟ་བུའི་དམ་པའི་ཆོས་ཀྱང་བསྟནད་ཏོ་ཞེས་བརྗོད་དེ། དེའི
195a5 ཚེ་རྒྱལ་པོའི་ཁབ་དེ་ན་གནས་པའི་མྱི་དག་ཕལ་ཆེར་བསམ་པ་དག། པའི་སེམས་སྐྱེས་ནས། ཁ་ཅིག་ནི་བུ་དང་བུ་མོ་དང་། བྲན་པོ་ད་ང་བྲན་མོ་ལ་སོཚོགས་པ་རབ་ཏུ་འབྱུང་བ་གནང་ངོ་།། ཁ་ཅིག་ནི
195a6 བདག་ཉིད་རབ་ཏུ་བྱུང་བར་གསོལ་ནས། ཐམས་ཅད་རབ་ཏུ་དགའ་སྟེ། རྗེས་སུ་ཡི་རང་བར་གྱུར་ཏོ།། དེ་བས་ན་རབ་ཏུ་བྱུང་བའི་ཡོན་ཏན་ནི་ཚད་མྱེད་མཐའ་མྱེད་དོ།། དཔལ་སྐྱེས་ལྟ་བུ་ལོ་བརྒྱ་ལོན་པ
195a7 ནས་རབ་ཏུ་བྱུང་ནས། དེ་ལྟ་བུའི་ཡོན་ཏན་ཆེན་པོ་དང་ལྡན་པར་གྱུར་ན། གཞོན་ནུ་དཔས་བབ་པ་རབ་ཏུ་བྱུང་ནས་འབྲས་བུ་ཆེན་པོ་མཆོག་དམ་པ་རྙེད་པ་ལྷ་རྫི་ཐོས་ཏེ། ཆོས་ལ་བརྩོན་པ་དག་ནི་རབ་ཏུ་འབྱུང་བར
195a8 བྱའོ།། རབ་ཏུ་འབྱུང་བར་བྱ་བའི་ཡོན་ཏན་བསྔགས་པའི་ལེའུ་སྟེ་བཅུ་དྲུག་གོ།། ། ཚུལ་ཁྲིམས་སྲུང་བ་དག་ནི་ལུས་དང་། སྲོག་སྟོར་ད་ཀྱང་ཐའི། ནམ་དུ་ཡ
195a9 ཚུལ་ཁྲིམས་ཉམས་པར་མྱི་བྱེད་དོ།། དེ་ཅིའི་ཕྱིར་ཞེ་ན། ཚུལ་ཁྲིམས་ནི་བྱང་ཆུབ་ཏུ་འཇུག་པའི་ཕ་བ་ཟག་པ་ཟད་པའི་མཆོག། མྱ་ངན་ལས་འདའ་བའི་བདེ་བར་འགྲོ་བའི་ལམ་མོ།། ། ཚུལ་ཁྲིམས་དག་པར་འསྲུང
iiif viewer powered by OpenSeadragon
