| e-texts navigator |
| Wylie |
185b1 དེའི་ཚེ་ན་རྔོན་པ་དེས་པགས་པ་དལ་གིས་བཤུས་ནས། ཀུན་དས་སྨོན་ལམ་འདི་སྐད་བཏབ་བོ།། བདག་གི་པགས་པ་འདི་ཁྱོད་ལ་བྱིན་ཏེ་མྱི་མང་པོ་ཕངས་པའི་སྲོག་བསྐྱབས་པའི་བསོད་ནམས་འདིས། སེམས་ཅན་ཐམས་ཅད་ལ
185b2 སྡོམ་ཏེ། བདག་བླ་ན་མྱེད་པའི་བྱང་ཆུབ་ཏུ་མངོན་པར་འཚང་རྒྱ་ཞིང་། སེམས་ཅན་ཐམས་ཅད་འཁོར་བའི་སྡུག་བསྔལ་ལས་བསྐལ་ནས། མྱ་ངན་ལས་འདའ་བའི་བདེ་བ་ལ་དགོད་པར་ཤོག་ཤིག་ཅེས་སྨོན་ལམ་བཏབ་བོ།། དེའི
185b3 ན་སྟོང་གསུམ་གི་སྟོང་ཆེན་པོའི་འཇིག་རྟེན་གི་ཁམས་རྣམ་པ་དྲུག་ཏུ་གཡོས་ཏེ། ལྷའི་ཕོ་བྲང་ཀུན་ཡང་ལྡེག་ཅིང་གཡོས་ནས། ལྷ་རྣམས་སྤངས་ཏེ་བལྟས་ནས། བྱང་ཆུབ་སེམས་དཔའ་ལུས་ཀྱི་པགས་པས་སྦྱིན་པ་བྱས་པར་མཐོང
185b4 ནས། ནམ་ཀ་ལས་བབས་ཏེ། ཀུན་ཏ་ཀ་ན་བར་ལྷགས་ནས། ལྷ་རྫས་ཀྱི་མེ་ཏོག་གིས་གཏོརྡ་ཏེ་མཆོད་པ་བྱས་ནས། མཆི་མ་ཆར་བཞིན་དུ་ཕབ་བོ།། པགས་པ་བཤུས་ནས་སོར་བའི་འོག་ཏུ། ཤ་རློན་པ་དེ་ལ་ཁྲག
185b5 ཀུན་ནས་ཟག་ཅིང་སཱར་མ་དང་། གྲོག་མོ་ལ་སོཚོགས་པ་སྟོང་ཕྲག་བརྒྱད་བཅུ་སྙེད་དེའི་ལུས་ལ་འདུས་ནས་ཐམས་ཅད་དེ་ལ་ཟ་ཞིང་དེ་དག། ཤིའི་ས་དོགས་པས་སུས་ཀྱང་མྱི་འགུལ་ཏེ། ལུས་ཀྱི་སྦྱིན་པ་བྱས་ན།
185b6 དེ་ཉིད་དུ་ཚེའི་དུས་བྱས་སོ།། སྦྲང་མ་དང་སྲིན་བུ་བྱང་ཆུབ་སེམས་དཔ་འི་ཤ་ལ་ཟོས་པ་རྣམས་ཀྱང་། ཚེ་འཕོས་ནས་ཐམས་ཅད་མཐོ་རས་སུ་ལྦར་སྐྱེས་སོ།། དེའི་ཚེ་ན་རྔོན་པ་དེས་པགས་པ་དེ་ཁྱེར་ཏེ་རྒྱལ
185b7 པོ་ལ་ཕུལ་ནས། རྒྱལ་པོ་དེ་རབ་ཏུ་དགའ་སྟེ། འདི་ལྟ་བུར་ཤིནང་ཏུ་འཇམ་པའི་ནི་ཟླ་མྱེད་དོ་ཞེས། རྟག་ཏུ་ཉལ་བའི་སྟན་ཏུ་བཏིང་ནས་ཉལ་ལོ།། དགའ་བོ་འདི་ལྟར་རིགས་པར་གྱིས་ཤིག། དེའི་ཚེ་དེའི་དུས་ན། གཅན
185b8 ཀུན་ཏ་དེ་ནི་ད་ལྟར་ང་ཡིན་ནོ།། རྒྱལ་པོ་ཚདྲ་ཊྚི་དེ་ནི་ད་ལྟར་ལྷས་བྱིན་ཡིན་ནོ།། སྲིན་བུ་སྟོང་ཕྲག་བརྒྱད་བཅུ་ནི་ང་ཐོག་མར་མངོན་པར་སངས་རྒྱས་ཏེ་ཆོས་ཀྱི་འཁོར་ལོ་བསྐོ་རད་པ་ན། འབྲས་བུ་ཐོབ་པའི་ལྷའི་སྲས་པོ་བརྒྱད་བྲི
185b9 པོ་ཡིན་ནོ།། ལྷ་སྦྱིན་གིས་དེའི་ཚེ་ཡང་ང་བསད་དེ། ད་ལྟར་གི་བར་དུ་ཡང་སྡིག་པའི་སེམས་ཀྱིས་གསོད་པར་སེམས་སོ།། བཅོམ་ལྡན་འདས་ཀྱིས་དེ་སྐད་ཅེས་གསུངས་ནས། ཚེ་དང་ལྡན་པ་དགའ་བོ་དང་། འཁོར་མང་པོ།།
iiif viewer powered by OpenSeadragon
