| e-texts navigator |
| Wylie |
182b1 མྱེད་པའི་ཕ་རོལ་ད་ན། འཛམ་བུ་གླིང་འདིར་ཡུལ་འཁོར་མོ་འཇིག་ཅེས་བྱ་བ་ན། དྲང་སྲོང་རི་ཞེས་བྱ་བ་ལ། རང་སངས་རྒྱས་གཅིག་ཅིག་གནས་ཏེ། རང་སངས་རྒྱས་དེ་ལ་རླུང་ནད་ཡོད་པས། རླུང་ནད་གི་སྨན་དུ་འབྲུ་མར་འཐུང་དག།
182b2 པ་ལས། འབྲུ་མར་འཚག་པའི་ཁྱིམ་དུ་སོང་ནས། འབྲུ་མར་བསླངས་པ་དང་། འབྲུ་མར་འཚག་པ་དེས་དེ་ལ་ཁྲོས་ཏེ། འགོ་དང་ཤིང་དུམ་འདྲ་བ། རྐ་ལཀ་དང་ཤིང་ཚལ་འདྲ་བ་འདི། ལས་བྱེད་དུ་ནི་མྱི་བཏུབ་ཀྱི། ཞོ་ཅིག་ནམ
182b3 ཅིག་ཀྱང་འབྱིན་དུ་མྱི་བཏུབ་པར་སློངས་མོ་འབའ་ཤིག་ལ་འཚོ་བ་ལྟོས་པ་འདི་ཞེས་གྱོས་ཤིང་བརྒྱད་ནས། འོན་ཀྱང་མར་གི་ཚིགས་མ་ཞིག་ཕུལ་ལོ།། རང་སངས་རྒྱས་དེས་མར་གི་ཚིགས་མ་དེ་ཐོབ་ནས་སྒོར་བྱུང་སྟེ་ཕྱིར
182b4 འགྲོ་བ་ལས། སྒོར་གར་མར་འཛག་པ་དེའི་ཆུང་མ་དང་ཕྲད་ནས། རང་སངས་རྒྱས་དེ་ལ་དད་པའི་སེམས་སྐྱེས་ཏེ། སྐྱེས་བུ་ཁྱོད་གང་ནས་གཤེགས། མར་གི་ཚིགས་མ་འདི་ཅི་ཞིག་ཏུ་མཛད་ཅེས་དྲིས་པ་དང་། རང་སང
182b5 རྒྱས་དེས་ཀྱང་དེ་བཞིན་དུ་དྲང་པོར་གཏམ་བྱས་ནས། ཆུང་མ་དེས་རང་སངས་རྒྱས་དེ་ཕྱིར་བོས་ཏེ། ཁྱིམ་དུ་ཁྲིད་ནས་ལྷུང་གཟེད་བླངས།། ཏེ། འབྲུ་མར་གིས་ལྷུང་བཟེད་བཀང་སྟེ་ཕུལ་ནས། ཁྱོལ་འདི
182b6 སྐད་ཅེས་སྨྲས་སོ།། ཁྱོད་ནི་སྐྱེས་བུ་འདི་ལ་མ་ར་གི་ཚིགས་མ་ཕུལ་བ་ཤིན་ཏུ་ཉེས་ཀྱིས། ཁའི་ཉེས་པ་འགྱོད་ཚངས་གིས་ཤིག་ཅེས་བསྒོ་ནས། མྱི་དེས་ཀྱང་འགྱོད་པའི་སེམས་སྐྱེས་ཏེ། འགྱོད་ཆངས
182b7 བྱས་ནས་ཁྱོ་ཤུག་ཡིད་མཐུན་པར། རང་སངས་རྒྱས་དེ་ལ་འདི་སྐད་ཅེས་གསོལ་ཏོ།། བཙུན་པ་ད་སླན་ཆད་མར་དགོས་ན་ཡང་རྟག་ཏུ་ལོང་ཤིག་ཅེས་སྨྲས་ནས། རང་སངས་རྒྱས་དེས་ཀྱང་རྟག་ཏུ་དེའི་ཁྱིམ་ནས་མར་བླངས་ཏེ།
182b8 དེ་དག་གི་བྱས་པ་གཟོ་བའི་ཕྱིར། དེ་དག་གི་དྲུང་ངུ་ཆོ་འཕྲུལ་བསྟན་ཏེ། སྟེང་གི་ནམ་མཁའ་ལ་འཕགས་ནས། ཆུ་འབབ་པ་དང་། མེ་འབྱུང་བ་དང་། ཆོ་འཕྲུལ་རྣམ་པ་སྣ་ཚོགས་བསྟན་ཏོ།། མར་འབུལ་བ
182b9 ཤུག་གཉིས་ཀྱིས་དེ་ས་བུའི་མོ་འཕྲུལ་མཐོང་ནས། ལྷག་པར་དགའ་ཞིང་དད་པའི་སེམས་སྐྱེས་ཏེ། ཀྱི་དེས་ཆུངས་ལ་སྦས་པ། ཁྲོད་ཀྱི་མར་ཕུལ་བའི་བསོད་ནམས་ཅི་ཡོད་པ་ཁོ་པོ་དང་ཐུན་མོང་དུ་གྱུར་བ་ཏེ་བདག་ཅས
iiif viewer powered by OpenSeadragon
