| e-texts navigator |
| Wylie |
159b1 ན་ཞག་མང་དུ་ཐུབ་པར་འགྱུར་གི། བདག་ནི་སྲོག་བཅད་ན་ཤ་ཡང་རིང་པོར་མྱི་ཐོགས་པར་རུལ་ཅིང་སུངས་པས་མྱི་ཕན་ནོ་ཞེས་གསོལ་ནས། རྒྱལ་པོ་དང་བཙུན་མོ་གཉིས་ཀྱིས་ཉིན་ཞག་གཅིག་བཞིན་དུ་བཅད་པས་རུས་པ།
159b2 ལས་མ་ལུས་ཏེ།། ད་རུང་ཡང་ཡུལ་ཕ་རོལ་ཏུ་མ་ཕྱིནད་པར་ལྟོགས་ནས་གྲི་ཐོགས་ཏེ། རུས་པར་དང་ལཱུ་ཚིགས་ཀྱི་ཤ་ཡང་བཏོགས་ནས། ག་ཅུང་ཟད་ཅིག་རྙེད་དེ། ཕ་མ་གཉིས་གིས་བུ་བོར་ཏེ་ཤ་ཁྱེར་བ་ལས། བུས
159b3 འདི་སྐད་ཅེས་གསོལ་ཏོ།། བདག་ཀྱང་དབུགས་ཅུང་ཟད་ཅིག་མ་ཆད་དེ། ཤ་དེ་ལས་ཅུང་ཟད་ཅིག་བཞག་སྟེ་གཞན་སྡོམས་ལ་བཞུད་ཅིག་ཅེས་གསོལ་པ་དང་། ཕ་མས་ཀྱང་ཤ་ཅི་ཡོད་པ་དེ་ལས་གསུམ་དུ་བགོས་ནས
159b4 ཆ་གཅིག་ནི་བུ་ལ་གཞག། ཆ་གཉིས་དང་མྱིག་དང་ལྕེ་ལ་སོསོཚོགས་པ་ནི་ཕུལ་ནས་ཀྱིས་སོ།། དེའི་ཚེ་ནཁྱེའུ་དེས་འདི་སྐད་ཅེས་སྨོན་ལམ་བཏབ་བོ།། བདག་གི་ལུས་ཀྱི་ཤེས་པ་མ་ལ་ཕུལ་བའི་བསོད་ནམས་འདིས
159b5 མངོན་པར་སངས་རྒྱས་ཏེ། ཕྱོགས་བཅུའི་སེམས་ཅན་ཐམས་ཅད་སྡུག་བསྔལ་མང་པོ་ལས་བཟ་ཞིང་། མྱ་ངན་ལས་འདའ་བའི་བ་དེ་བ་ལ་བཀོད་པར་ཤོག་ཤིག་ཅེས་སྨོན་ལམ་བཏབ་པ་ན། སྟོང
159b6 གསུམ་གི་འཇིག་རྟེན་གིའ་ཁམས་འདི་རྣམ་པ་དྲུག་དུ་གཡོས་ཏེ། འདོད་པའི་ཁམས་དང་གཟུགས་ཀྱི་ཁམས་ཀྱི་ལྷའི་ཕོ་བྲང་ཡང་འགུལ་ཞིང་ལྡེག་ནས། ལྷ་དེ་དག་གིས་ཀྱང་ཅིའི་ཕྱིར་དེ་ལྟར་གྱུརྡ་པ་མ
159b7 ཤེས་ཏེ། ལྷའི་མྱིག་གིས་ལྟས་ན། འཇིག་རྟེན་ན་བྱང་ཆུབ་སེམས་དཔས་ལུས་ཀྱི་ཤ་བཅད་དེ་པ་མ་ལ་ཕུལ་ནས་མངོན་པར་སངས་རྒྱས་པ་ནི་སེམས་ཅན་སྒྲོལ་པར་ཤོག་ཤིག་ཅེས་སྨོན་ལམ་བཏབ་པས། གནམ་ས་གཡོས
159b8 པར་མཐོང་ནས། ལྷ་དེ་དག་ནམ་མཁའ་ལས་བབས་ཏེ། སྟེང་གི་བར་སྣང་ལ་བར་འཚམས་མྱེད་པར་འདུས་ཏེ་མཆི་མ་ཆར་བཞིན་དུ་ཕབ་བོ།། དེའི་ཚེ་ན་བརྒྱ་བྱིན་ལྷའི་དབང་པོ་ཁྱེའུ་དེ་བཀམ་པའི་ཕྱིར། སྤོང་པོ་ཞག
159b9 ཏུ་སྲུལ་ད་ནས། ཁྱེའུ་དེའི་ལག་ན་ཐོགས་པའི་ཤ་བསླངས་པ་ལས། ཁྱེའུ་དེས་ཤ་དེ་ཡང་བྱིན་ནོ།། དེ་ནས་སེང་གེ་དང་། སྟག་དང་གཅན་ཟན་དུ་སྲུལྡ་ཏེ་བཟའ་བར་བྱས་པ་ལས། ཁྱེའུ་དེ་འདི་སྙམ་དུ་བསམས་སོ།།
iiif viewer powered by OpenSeadragon
