| e-texts navigator |
| Wylie |
315a1 ཡང་སྡུག་བསྔལ་བར་སད་པ་དང་། སྡིག་པ་རྣམ་པར་སེམས་པ་དང་། རྨོངས་པ་དང་བཅས་པར་འཆི་དུས་བྱེད་པ་དང་། ཚེ་ཐུང་བར་འགྱུར་བའི་ལས་བྱས་ཤིང་བསགས་པས་ལུས་ཞིག་སྟེ། ཤི་ནས་ཀྱང་ངན་སོང་ངན
315a2 འགྲོ་ལོག་པར་ལྟུང་བ་སེམས་ཅན་དམྱལ་བ་དག་ཏུ་སྐྱེ་ཞིང་། གལ་ཏེ་དེ་ནས་ཤི་འཕོས་ཏེ་འདིར་མྱི་རྣམས་དང་སྐལ་བ་མཉམ་པར་སྐྱེས་ན་ཡང་། དེ་གང་དང་གང་དུ་སྐྱེས་པ་དེ་དང་དེར། ཆེ་ཐུང་བར་འགྱུར་ཞིང་། ནད་མང་བར་ཡང
315a3 འགྱུར་ཏེ། དགའ་བ་ཅན་སྲོག་གཅོད་པའི་ཉེས་དམྱིགས་བཅུ་པོ་ན་དེ་དག་ཡིན་པར་རིག་པར་བྱའོ།། དགའ་བ་ཅན་མ་བྱིན་པར་ལེནད་པའི་ཉེས་དམྱིགས་བཅུ་ནི་འདི་དག་ཡིན་པར་རིག་པར་བྱ་སྟེ། བཅུ་པོ་དག་གང་ཞེ་ན། མཁོན
315a4 ཆེན་པོར་འགྱུར་བ་དང་། བག་ཚ་བ་ཆེན་པོར་འགྱུར་བ་དང་། དུས་མ་ཡིན་པར་འགྲོ་བར་འགྱུར་བ་དང་། ཕྱེ་འཕྲེད་ཀྱི་དུས་སུ་འགྲོ་བར་འགྱུར་པྲ་དང་། སྡིག་པའི་གྲོགས་པོས་ཡོངས་སུ་ཟིན་པར་འགྱུར་བ་དང་།
315a5 དགེ་བའི་བཤེས་གཉེན་གྱིས་དེ་ཡོངས་སུ་སྤངས་པར་འགྱུར་བ་དང་། ཚུལ་ཁྲིམས་འཆལ་པར་འགྱུར་བ་དང་། རྒྱལ་པོས་གནོད་པར་འ། གྱུར་པ་དང་། ཆོམ་རྐུན་གྱིས་གནོད་པར་འགྱུར་བ་དང་། ཆད
315a6 པས་བཅད་པས་གནོད་པར་འགྱུར་ཏེ།། ལོངས་སྤྱོད་ཀྱིས་ཕོངས་པར་འགྱུར་བའི་ལས་བྱས་ཤིང་བསགས་པས་སུསོ་ཞིག་སྟེ་ནི་ནས་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་དག་ཏུ་སྐྱེ་ཞིང་།
315a7 གལ་ཏེ་དེ་ནས་ཤི་འཕོས་ཏེ་འདིར་མྱི་རྣམས་དང་བསྐལ་པ་མཉམ་པར་སྐྱེད་ཡང་།། དེ་ཀང་དང་གང་དུ་སྐྱེས་པ་དེ་དང་དེར་དབུལ་པོར་འགྱུར་རོ།། དེའི་ལོངས་སྤྱོད་དུ་འགྱུར་བ་གང་ཡིན་པ་འབད་པ་ཆེན་པོས་རྟུལ་ཅིང་དྲི་མ་ཆགས་ཆགས་སུ་ན
315a8 ལག་གི་མཐུས་བསྒྲུབས་པ་དེ་དག་གནོད་པ་ལྔས་གནོད་པར་འགྱུར་ཏེ།། ལྔ་པོ་དག་གང་ཞེ་ན། རྒྱལ་པོ་དང་། མྱེ་དང་། ཆུ་དང་། བགོ་སྐལ་ལ་སྤྱོད་པ་མྱི་མཛའ་བ་དང་། སྦས་པ་དག་གིས་དེའི་ཆུད་ཟ་བར་འགྱུར་ཏེ།
315a9 དགའ་བ་ཅན་མ་བྱིན་པར་ལེན་པའི་ཉེས་དམྱིགས་བཅུ་ནི་དེ་དག་ཡིན་པར་རིག་པར་བྱའོ།། དགའ་ལ་འདོད་པས་ལོག་པར་གཡེམ་པའི་ཉེས་དམྱིགས་བཅུ་ནི་འདི་དག་ཡིན་པར་རིག་པར་བྱ་སྟེ། བཅུ་པོ་དག་གང་ཞེ་ན། གང་དག
iiif viewer powered by OpenSeadragon
