| e-texts navigator |
| Wylie |
309a1 ཕྱུག་པ་ནོར་མང་བ།། ལོངས་སྤྱོད་ཆེ་བ། ནོར་བུ་དང་། མུ་ཏིཀ་དང་། བྱི་རུ་ནྱ་དང་། ཤང་ཀ་ཤི་ཀ་ལ་དང་། དྷུ་ནུ་དང་། གསེར་དང། དངུལ་དང་། ནོར་དང་། ལོངས་སྤྱོད་མང་བ་དང་། ནོར་འཇུག་འབྲུ་དང
309a2 དབྱིག་དང་། གསེར་དང་། མཛོད་དང་། བང་པ་བསྩོགས་པ་མང་བ་དང་། བྲན་པོ་དང་། བྲན་མོ་དང་། ལས་བྱེད་དང་། འོ་ཤས་འཚོ་བ་མང་བ་དང་། མཛའ་བཤེས་དང་། ཉེ་རུ་དང་། སྡུག་གི་གཉེར་མཚམས་མང་བ་རེ
309a3 ངག་གི་ཡང་གསོན་པའི་མཐའ་འཆི་བ་ཡིན་ཞིང་མཐར་འཆི་བར་འགྱུར་བ་སྟེ།། སྐྱེས་ནས་འཆི་བར་མྱི་འགྱུར་བ་མྱེད་དོ།། གང་ཡང་རྒྱལ་པོ་རྒྱལ་རིགས་སྤྱི་བོ་ནས་དབང་སྐུར་བ།། ཡུལ་ཀི་མྱི་ལ་དབང་བའི་མཐུ་ཐོབ
309a4 པ། ས་ཆེན་པོའི་དཀྱིལ་འཁོར་དུ་མངོན་པར་རྒྱལ་བས་གནས་པ་དདེ་དག་གི་ཡང་གསོན་པའི་མཐའ་འཆི་བ་ཡིན། ཞིང་མཐར་འཆི་བར་འགྱུར་བ་སྟེ།། སྐྱེས་ནས་འཆི་བར་མྱི་འགྱུར་བ་མྱེད་དོ།།
309a5 གང་ཡང་དྲང་སྲོང་ནགས་ན་གནས་ཤིང་རྩ་བ་དང་། འབྲས་བུ་ཟལ་རྩ་བ་དང་། འབྲས་བུ་ལ་སྤྱད་པ་རྩ་བ་དང་། འབྲས་བུརསྤྱོད་ཅིང་གནས་པ་དེ་དག་གི་ཡང་གསོན་པའི་མཆི་བ་ཡིན
309a6 ཞིང་མཐར་འཆི་བར་འགྱུར་བ་སྟེ། སྐྱེས་ནས་འཆི་བར་མྱི་འགྱུར་བ་མྱེད་དོ།། གང་ཡང་རྒྱལ་ཆེན་བཞིའི་རིས་ཀྱི་ལྷ་རྣམས་དང་། སུམ་བཅུ་རྩ་གསུམ་པ་དང་། འཐབ་བྲལ་དང་། དགའ་ལྡན
309a7 དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་ཏེ། དེ་དག་གི་ཡང་གསོན་པའི་མཐའ་འཆི་བ་ཡིན་ཞིང་མཐར་འཆི་བར་འགྱུར་བ་སྟེ། སྐྱེས་ནས་འཆི་བར་མྱི་འགྱུར་བ་མྱེད་དོ།། གང་ཡང
309a8 གཟུགས་ཅན་གི་ལྷ་རྣམས་ཏེ། བསམ་གཏན་དང་པོ་ཐོབ་པ།། ཚངས་རིས་དང་། ཚངས་པའི་མདུན་ན་འདོན་དང་། ཚངས་ཆེན་ཏེ། དེ་དག་གི་ཡང་གསོན་པའི་མཐའ་འཆི་བ་ཡིན་ཞིང་མཐར་འཆི་བར་འགྱུར
309a9 པ་སྟེ། སྐྱེས་ནས་འཆི་བར་མྱི་འགྱུར་བ་མྱེད་དོ།། གང་ཡང་བསམ་གཏན་ཀོ་ཉེས་པ་ཐོབ་པའི་ལྷ་རྣམས་ཏེ། འོད་ཆུང་དང་། ཚད་མྱེད་འོད་དང་། འོད་གསལ་བ་སྟེ། དེ་དག་གི་ཡང་གསོན་པའི་མཐའ
iiif viewer powered by OpenSeadragon
